1~Samuel 16:14 - CHUYA QELLQA La Biblia en Quechua de Ayacucho 2012

¹⁴ Tayta Diospa Espiritunmi Saulmanta anchurikururqa, hinaptinmi Tayta Diospa kachamusqan mana allin espíritu Saulta ñakarichirqa.

Quechua Ayacucho Bible 1987

¹⁴ Saulmantañataqmi Tayta Diospa Espiritun asurikururqa, paytaqa hapirurqa Tayta Diospa kachamusqan mana allin espirituñam.

Chuya Qellqa 1992

¹⁴ Tayta Diospa Espiritunmi Saulmanta anchurikururqa, hinaptinmi Tayta Diospa kachamusqan mana allin espíritu Saulta ñakarichirqa.

1~Samuel 16:14 Iomraidhean Croise

2~Samuel 7:15

Ichaqa manam Saulmanta hinachu kuyapayakuyniyta churikimanta qechusaq. Saultaqa wischururqani rantinpi qamtaña churanaypaqmi.

1~Reyes 22:19

Micaiasñataqmi nirqa: Chaynaqa, Tayta Diospa nisqantayá uyariy: Ñoqam Tayta Diosta rikurqani trononpi tiyachkaqta, rikurqanitaqmi hanaq pachapi llapallan tropankunatapas alleqninpi hinaspa ichoqninpi sayachkaqta.

1~Reyes 22:22

Chay espirituñataqmi nirqa: “Lloqsispaymi llapa profetankunata llullakunata rimachisaq”, nispa. Chaymi Tayta Dios nirqa: “Arí, atinkim pantachimuyta, rispayá chaynata ruwaramuy”, nispa.

Oseas 9:12

Wachakuruspanku uywachkaptinkupas qechuruspaymi wañurachisaq. ¡Ay, imaynaraq kanqaku saqeruptiyqa!

Jueces 16:20

nirqa: ¡Sansón, filisteokuna hawaykipiña! nispa. Sansonñataqmi puñusqanmanta rikchariruspan yuyaymanarqa: Kunanpas wakin kutipi hinam librakurusaq, nispa. Ichaqa manam yacharqachu paymanta Tayta Dios karunchakurusqantaqa.

Jueces 16:29

Chaymantam templopa iskaynin pilarninkunaman hapipakuykurqa, hinaspam tanqayta qallarispan

Jueces 9:23

Ichaqa Abimelecmanwan Siquem llaqtapi yachaqkunamanmi cheqninakuy espirituta Tayta Dios kachaykurqa, hinaptinmi Siquem llaqtapi yachaqkuna Abimelecpa contranpi hatarirurqaku.

1~Samuel 11:6

Chayta uyariykuptinmi Saulman Diospa Espiritun huntaykurqa, hinaptinmi llumpa-llumpayta piñakururqa.

1~Samuel 16:15

Chaymi serviqninkuna Saulta nirqaku: Diosmi mana allin espirituta kachaykamusunki, chaymi ñakarichisuchkanki.

1~Samuel 16:16

Chaynaqa, reynillayku, kay serviqnikikunatayá kamachiwayku pitapas arpa tocaqta maskamunaykupaq, chaynapi mana allin espíritu hapisuptiki arpata tocaptin hawkalla kanaykipaq, nispanku.

1~Samuel 16:23

Diospa kachamusqan mana allin espíritu Saulta ñakarichiptinmi, Davidñataq arpanta tocaq, chaymi Saúl manaña ñakarispan allinyaykuq, mana allin espiritupas paymantam karunchakuq.

1~Samuel 18:10

Paqarinnintinmi Saulta Diospa kacha-musqan mana allin espíritu hapirurqa, hinaptinmi Saulqa palacion ukupi loco hinaña hapisqanta rimakurqa. Davidña-taqmi ñawpaq tocapusqanta hina arpata tocarqa. Saulqa lanza hapirisqam kachkarqa.

1~Samuel 18:12

Saulmi manchakururqa Davidta Tayta Dios yanapasqanrayku, Saultam ichaqa manaña yanaparqachu.

1~Samuel 28:15

Hinaptinmi Saulta Samuel nirqa: ¿Imanasqataq qayachimuwaspayki churmichawanki? nispa. Saulñataqmi nirqa: Filisteokuna contraypi peleaq hamurusqankuraykum ancha sasachakuypi kachkani. Diosmi ñoqamanta karunchakurun, manañam imallatapas niwanñachu, profetantakamapas nitaq musqoypipas. Chayraykum qayachimurqayki imam ruwanayta niykuwanaykipaq, nispa.