1~Samuel 16:13 - CHUYA QELLQA La Biblia en Quechua de Ayacucho 2012

¹³ Chaymi Samuel, waqrapi aceiteta hapiykuspan wawqenkunapa qayllanpi Davidpa umanman talliykurqa; Chay punchawmantam Davidman Diospa Espiritun huntaykurqa. Chaymantam Samuelqa Ramá llaqtaman kutikurqa.

Quechua Ayacucho Bible 1987

¹³ Chaymi Samuelqa waqrachamanta botellapi kaq aceiteta hapiykuspan wawqenkunapa qayllanpi talliykurqa Davidpa umanman. Chay ratomantapunim Davidta yanaparqa Tayta Diospa Espiritun. Chaymantam Samuelqa kutikurqa Rama llaqtaman.

Chuya Qellqa 1992

¹³ Chaymi Samuel, waqrapi aceiteta hapiykuspan wawqenkunapa qayllanpi Davidpa umanman talliykurqa; Chay punchawmantam Davidman Diospa Espiritun huntaykurqa. Chaymantam Samuelqa Ramá llaqtaman kutikurqa.

1~Samuel 16:13 Iomraidhean Croise

2~Samuel 12:7

Chaymi Davidta Natán nirqa: Chay runaqa qanmi kanki. Israelpa yupaychasqan Tayta Diosmi kaynata nin: “Ñoqam aceitewan tallichispay Israel nacionpi munaychakunaykipaq sapaqcharqayki, Saulpa makinmantapas libraspay.

2~Samuel 2:4

Chaymi Judá runakuna hamuruspanku Davidpa umanman aceiteta tallispa, Judapi munaychakunanpaq sapaqcharqaku. Galaad lawpi Jabes llaqtayuqkuna Saulpa ayan pampasqankuta Davidman willaykuptinkum,

2~Samuel 23:1

Davidpa wañukunallanpaqña kachkaspa rimarisqankunam kaykuna. Isaipa churin Davidmi, Tayta Diospa hatunchasqan runam, Jacobpa Diosninpa akllakusqan reymi, Israel nacionpi miskillataña takiqmi nirqa:

2~Samuel 5:3

Chaynata nispankum Israelpi llapa ancianokuna Hebrón llaqtapi rey Davidwan parlaspanku, Tayta Dios-pa qayllanpi contratota ruwarqaku, hinaspankum Davidta Israelpa reynin kananpaq aceitewan tallispa sapaqcharqaku.

2~Reyes 9:6

Hatarispan cuartoman Jehú yayku-ruptinmi, aceiteta umanman talliykuspan chay profeta nirqa: Israelpa yupaychasqan Tayta Diosmi kaynata nin: “Ñoqam Israel nacionpi rey kanaykipaq sapaqchayki.

1~Crónicas 11:3

Kaynatam Israelpa ancianonkuna rispanku rey Davidwan Hebrón llaqtapi rimamurqaku; Davidñataqmi Tayta Diospa qayllanpi paykunawan contratota ruwarqa. Hinaspankum Davidta sapaqcharqaku Israelpi rey kananpaq, profeta Samuelnintakama Tayta Diospa nisqanman hina.

Números 11:17

Uraykamuspaymi qanwan rimasaq, hinaspam qampi kaq espiritumanta paykunaman qosaq, chaynapi runakuna nanachikuypi yanapasunaykipaq. Chaynapim runakunamantaqa manaña qamllañachu nanachikunki.

Números 27:18

Tayta Diosñataqmi nirqa: Nunpa churin Josueymi espiritupa huntasqan kachkan, payta akllaspam umanman makikita churanki.

Juan 3:34

Diospa kachamusqanqa Diospa palabrantam willakun, Diosmi paymanqa Espiritunta chaninpi mana pisisqata qon.

Hechos 13:22

Saulta rey kayninmanta wischuruspanñataqmi Davidta akllarqa, paymantam Dios nirqa: “Isaipa churin Davidtam tariruni, payqa sonqoyman tupaqmi, paymi tukuy ima munasqayta ruwanqa”, nispa.

Hebreos 1:9

Qamqa allin kaqtam kuyarqanki, mana allin kaqtañataqmi cheqnirqanki, chayraykum Diospas akllasurqanki, qampa Diosnikim akllasurqanki, wakinmantapas qam kaqtaraqmi akllasurqanki, miski asnaq aceitewan tallichkaq hinam kusikuywan huntaykusurqanki, nispa.

Hebreos 11:32

¿Imatawanraqtaq niyman? Tiempo-pas manam haypawanmanchu, Gedeon-manta, Baracmanta, Sansonmanta, Jeftey-manta, Davidmanta, Samuelmanta chay-nataq profetakunamantapas rimaptiyqa.

Jueces 11:29

Tayta Diospa Espiritun Jefteyta yanapaptinmi Galaad hinaspa Manasés lawninta pasarqa. Chaymantam Galaad lawpi Mizpa llaqtaman chayarurqa. Mizpa llaqtamantañataqmi Amonpa mirayninkunapa kasqanman rirqa.

Jueces 13:25

Zora llaqtamanta Estaol llaqtaman rinapi, Dan ayllupa campamentonkunapi Sansón kachkaptinmi Tayta Diospa Espiritun paypi llamkayta qallaykurqa.

Jueces 14:6

Chaymi Sansonman Tayta Diospa Espiritun huntaykuptin, yaqa uña cabrata tisapachkaq hina mana imallawan tisaparurqa. Ichaqa manam chay ruwasqanta tayta-mamanman willakurqachu.

Jueces 3:10

Otonielman Tayta Diospa espiritun huntaykuptinmi Israel miraykunata kamachispan guerrapi peleaq lloqsirqa, hinaptinmi Siria nacionpa reynin Cusan-risataimta Otonielpa makinman Tayta Dios churaykuptin vencerurqa.

1~Samuel 1:19

Tutapayta hatarispankum Diosta yupaycharqaku, hinaspam Ramá llaqtapi wasinkuman kutirqaku. Elcanam warmin Anawan puñurqa, hinaptinmi Tayta Dios mañakusqanta yuyarirurqa.

1~Samuel 10:1

Chaypim Saulpa umanman aceiteta Samuel talliykurqa, hinaspam muchaykuspan nirqa: Tayta Diosmi kunan churaykusunki Israel runakunapi munaychakuq kanaykipaq

1~Samuel 10:6

Chaymi Tayta Diospa Espiritun qanman huntaykusuptiki paykunawan kuska profetizayta qallaykunki, hinaspam musoq runaña rikurirunki.

1~Samuel 11:6

Chayta uyariykuptinmi Saulman Diospa Espiritun huntaykurqa, hinaptinmi llumpa-llumpayta piñakururqa.

1~Samuel 16:18

Hinaptinmi huknin serviqnin nirqa: Ñoqam reqsini Belén llaqtayuq Isaipa huknin churinta, paymi allinta arpata tocan; payqa sinchi kallpayuqmi, guerrerom, yachaywan rimakuqmi hinaspa kuyayllapaq jovenmi; Tayta Diosmi paywan kachkan, nispa.

1~Samuel 18:12

Saulmi manchakururqa Davidta Tayta Dios yanapasqanrayku, Saultam ichaqa manaña yanaparqachu.

1~Samuel 2:35

Ñoqam ichaqa allin sacerdoteyta akllakusaq sonqoyman hinaspa munasqayman hina ruwaqta, mirayninpas allin takyaqmi kanqa; sapaqchakusqay reytam sapa punchaw servinqa.