1~Samuel 15:33 - CHUYA QELLQA La Biblia en Quechua de Ayacucho 2012

³³ Samuelmi ichaqa nirqa: Espadaykiwanmi achkallaña warmikunapa wawanta wañuchirqanki, chaynapunim mamaykipas manaña wawayuq kanqa. Chaynata nispanmi Agagta Samuel wañurachirqa Gilgal llaqtapi, Tayta Diospa ñawpaqninpim chika-chikanta kuchuparurqa.

Quechua Ayacucho Bible 1987

³³ Ichaqa Samuelmi nirqa: —Espadaykiwanmi wañuchirqanki achkallaña mamakunapa wawankunata. Chaynapunim mamaykipas kanqa manaña wawayoq —nispa. Chaynata rimariykuspanmi Agagta wañurachispan chika-chikanta kuchuparurqa Tayta Diospa ñawpaqninpi. Chaynatam Samuel rurarurqa Gilgal llaqtapi.

Chuya Qellqa 1992

³³ Samuelmi ichaqa nirqa: Espadaykiwanmi achkallaña warmikunapa wawanta wañuchirqanki, chaynapunim mamaykipas manaña wawayuq kanqa. Chaynata nispanmi Agagta Samuel wañurachirqa Gilgal llaqtapi, Tayta Diospa ñawpaqninpim chika-chikanta kuchuparurqa.

1~Samuel 15:33 Iomraidhean Croise

Génesis 9:6

Pipas runamasin wañuchiqtaqa paytapas runamasintaqmi wañuchinqa, runaqa Diosman rikchakuq ruwasqa kasqanrayku.

1~Reyes 18:40

Chaymi Elías nirqa: Baalpa profetankunata hapiychik, ama hukllapas lluptichunchu, nispa. Hapiruptinkum Cisón wayqoman Elías pusaspan llapallanta chaypi wañurachirqa.

Éxodo 17:11

Chaymi Moisesqa makinta altoman hoqariq hinaptinmi Israel runakuna venceqku, makinta uraykachiptinñataqmi Amalec castakuna venceqku.

Éxodo 21:24

Runaqa paganqa ñawimantam ñawinwan, kirumantam kirunwan, makimantam makinwan, chakimantam chakinwan.

Isaías 34:6

Tayta Diospa espadanmi yawarwan chaynataq wirawan chapukunqa, chapukunqaqa imaynam malta carnerokunata chaynataq cabrakunatapas sacrificiopaq nakasqankupi hinam. Señormi Bosra llaqtapi sacrificiota ruwanqa, Edom llaqtapiñataqmi nana-nanaqta wañuchinqa.

Jeremías 18:21

Chaynaqa, churinkunatayá yarqaymanta wañuchiy, espadawanyá paykunata wañuchiy; warminkupas viudayaspa manaña wawayuq qepachun. Qosankutapas peste onqoy wañuchichun, jovenkunapas guerrapi wañuchunku.

Jeremías 48:10

Tayta Diospa kamachisqanta qellapakuspa ruwaqqa ñakasqayá kachun. Wañuchinanpaq kamachichkaptin mana wañuchiqqa ñakasqayá kachun.

Oseas 6:5

Chayraykum qamkunataqa profetaykunawan qaqchachirqaykichik, rimayniywanmi wañuchirqaykichik. Justicia ruwayniyqa achkiy hinam lloqsimunqa.

Números 14:45

Hinaptinmi orqopi yachaq amalecitakunawan cananeokuna lloqsiramuspanku chay orqoman riq runakunata pasaypaqta venceramurqaku hinaspam Horma lawkama qatiramurqaku.

Mateo 7:2

Imaynam juzgas-qaykichikman hinam Diospas juzga-sunkichik, imaynam ruwasqaykichikman hinataqmi Diospas qamkunawan ruwanqa.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.

Apocalipsis 16:6

Chay juzgasqayki runakunaqa qamllapaqña kawsaqkunatam wañuchirqaku, profetaykikunapa yawarnintam chaqchurqaku, chayna ruwasqankumantam paykunamanpas yawarta upyarachinki, paykunaqa chaytam munarqaku”, nispa.

Apocalipsis 18:6

Paykunamanqa qosqankuman hina kutichipuychik, ruwasqankuman hina huk chaynatawan pagapuychik, upyachisqanman hina huk chaynatawan upyachiychik.

Jueces 1:7

Chaymi rey Adoni-bezec nirqa: Qanchis chunka reykunapa makinkunapa hinaspa chakinkunapa maman dedonkunatam qoruchirqani, paykunam mesaymanta mikuy wichiqkunata huñuspa mikuqku. Diospas ruwasqayman hinallam pagaykapuwan, nispa. Adoni-bezecta Jerusalén llaqtaman pusamuptinkum chaypi wañukurqa.

1~Samuel 10:8

Chaymantam Gilgal llaqtaman puntachkanki, chaypim qanchis punchawta suyawanki, hinaptinmi hamuptiy kuskanchik Tayta Diosta yupaychasunchik hawkayay ofrendata qospanchik. Chaypiñam willasqayki imam ruwanaykita, nispa.

1~Samuel 15:32

Chaymantam runakunata Samuel kamachirqa: Amalec runakunapa reynin Agagta pusamuwaychik, nispa. Agagñataqmi Samuelpa kasqanman kusisqa hamurqa kaynata yuyaymanaspan: Cheqaptapunim wañuchiwayta munas-qankuqa pasarunña, nispa.