1~Samuel 15:28 - CHUYA QELLQA La Biblia en Quechua de Ayacucho 2012

²⁸ Hinaptinmi Saulta Samuel nirqa: Kaynatam Tayta Dios llikirun Israel nacionpi munaychakuynikita, qechurususpaykim qoykun qanmantaqa aswan allin runamanña.

Quechua Ayacucho Bible 1987

²⁸ Hinaptinmi Saulta Samuel nirqa: —Kaynatam Tayta Dios llikirun Israel nacionpi gobiernoykita. Qanmantam qechurusunki runamasikimanña qoykunanpaq. Payqa qanmantaqa allin runam.

Chuya Qellqa 1992

²⁸ Hinaptinmi Saulta Samuel nirqa: Kaynatam Tayta Dios llikirun Israel nacionpi munaychakuynikita, qechurususpaykim qoykun qanmantaqa aswan allin runamanña.

1~Samuel 15:28 Iomraidhean Croise

2~Samuel 3:10

Saulpa ayllunmanta kamachikuy atiyninta qechuspaymi Davidman qosaq Israelpi chaynataq Judapi munaychakunanpaq; Dan llaqtamanta qallaykuspa Beerseba llaqtakama munaychakunanpaq, nispa.

2~Samuel 3:18

Chaynaqa, kunanyá reynikichikpaq churaychik. Tayta Diosmi Davidman prometespan nirqa: “Serviqniy Davidwanmi filisteokunamanta chaynataq lliw enemigonkunamanta Israel runaykunata librasaq”, nispa.

2~Samuel 3:9

Diosyá sinchita castigawachun Tayta Diospa prometesqanman hina Davidta mana yanapaptiyqa.

2~Samuel 6:21

Chaymi Micalta David nirqa: Arí, Tayta Diospa qayllanpim danzarqani, taytaykimantapas chaynataq llapallan mirayninkunamantapas, Israel runakunapi kamachikunaypaq akllawasqanrayku. Diospa qayllanpiqa aswanraqmi danzakusaq.

1~Reyes 11:11

Chayraykum Salomonta Tayta Dios nirqa: Kaynata kawsaspa kamachisqay pactotawan yachachikuyniykunata mana kasukusqaykiraykum munaychakuynikita qanmanta qechuspay serviqnikimanña qoykusaq.

1~Crónicas 10:14

Tayta Diosta mana tapukusqanrayku. Chayraykum wañurachispan munaychakuynintapas Isaipa churin Davidmanña qoykurqa.

Jobwan Sutichasqa Libro 34:24

Diosqa manam tapukachakunchu atiyniyuqkunata urmachinanpaqqa, manataqmi tapukachakunchu paykunapa rantinpi hukta churananpaqqa.

Daniel 4:17

Kay sentenciataqa angelkunam qomurqaku, angelkunam chaynata tantearqaku, chaynapi llapa runakunapa kamachikuyninpiqa tukuy imapa hawanpi kaq Dioslla munaychakuq kasqanta yachanankupaq, chay kamachikuytaqa paymi munasqanman hina pimanpas qon, humilde runatapas huk nacionpa kamachiqnin kananpaqmi churan.

Daniel 4:32

runakuna ukumanta wischusqa kaspam purun animalkunawanña kawsanki, torokuna hina pastota mikuspam qanchis watapuni kawsanki, chaymantañam reqsikunki tukuy imapa hawanpi munaychakuq Diosqa llapallan runakunapa kamachikuyninpi munaychakusqanta, payqa chay kamachikuytaqa munasqanmanmi pimanpas qon”, nispa.

Juan 19:11

Jesusñataqmi nirqa: Sichum atiyta Dios mana qosuptikiqa manam imanawankimanchu. Chaynaqa, qampa makikiman ñoqata churamuqmi qanmantapas aswan huchayuqqa, nispa.

Hechos 13:22

Saulta rey kayninmanta wischuruspanñataqmi Davidta akllarqa, paymantam Dios nirqa: “Isaipa churin Davidtam tariruni, payqa sonqoyman tupaqmi, paymi tukuy ima munasqayta ruwanqa”, nispa.

Romanos 13:1

Lliwchaykichikyá kamachikuqkunata kasukuychik, lliw kamachikuqkunaqa Diospa churasqanmi. Kunan kaq kamachikuqkunatapas Diosmi churarqa.

1~Samuel 13:14

Kunanmi ichaqa rey kaynikipas chaylla tukurunqa. Qam mana kasukusqaykiraykum Tayta Dios maskakurun sonqonman hina kaq runata, paytañam churanqa llaqtanpi munaychakunanpaq, nispa.

1~Samuel 16:12

Isaí kamachikuptinmi qayamurqaku, hinaptinmi chay warmaqa kasqa sumaq rikchayniyuq, chukchanpas, ñawinkunapas, uyanpas ancha kuyayllapaq; chaymi Tayta Dios nirqa: Paymi rey kananpaq sapaqchakusqayqa, hatarispayki aceiteta talliy, nispa.

1~Samuel 18:8

Chay takisqankuta Saúl uyariruspanmi llumpayta piñakuspan nirqa: Davidmantam chunka waranqa wañu-chisqanmanta takichkanku, ñoqamanta-ñataqmi waranqalla wañuchisqaymanta. Reyta churanallankuñam faltan, nispa.

1~Samuel 25:30

Chaynaqa, tukuy allinkuna prometesusqaykita Tayta Dios cumplispa Israel runakunata kamachinaykipaq churasuptikiqa,