1~Samuel 15:24 - CHUYA QELLQA La Biblia en Quechua de Ayacucho 2012

²⁴ Chaymi Saúl nirqa: Arí, huchallikurunim, Diospa kama-chiwasqantapas nitaq qampa niwasqaykikunatapas manam kasukurqanichu, runakunata manchakuspaymi paykunapa mañakusqanta kasurqani.

Quechua Ayacucho Bible 1987

²⁴ Chaymi Saulñataq nirqa: —Arí, huchallikurunim. Manam kasukurqanichu Tayta Diospa kamachiwasqantaqa nitaq qampa niwasqaykikunatapas. Runakunata manchakuspaymi paykunapa mañakusqanta kasurqani.

Chuya Qellqa 1992

²⁴ Chaymi Saúl nirqa: Arí, huchallikurunim, Diospa kamachiwasqantapas nitaq qampa niwasqaykikunatapas manam kasukurqanichu, runakunata manchakuspaymi paykunapa mañakusqanta kasurqani.

1~Samuel 15:24 Iomraidhean Croise

Génesis 3:12

Chaymi qariñataq nirqa: Vida pasaqmasiy kananpaq warmi qowasqaykim chay sachapa rurunta qoykuwarqa, hinaptinmi mikururqani, nispa.

Génesis 3:17

Adantañataqmi kaynata nirqa: Warmikita kasuspa “amam mikunkichu” nisqay sachapa rurunta mikurusqaykimantam kay pacha ñakasqa kanqa. Ñakariywan llamkaspam kawsanayki punchawkama mikunki.

2~Samuel 12:13

Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

Jobwan Sutichasqa Libro 31:34

runakunata manchakuspayqa, aylluykuna penqawananta manchakuspayqa, manapunim upallakuykuspayqa pakakurqanichu.

Éxodo 10:16

Hinaptinmi utqayllamanña Moisestawan Aaronta qayachimuspan Faraón nirqa: Tayta Diospa chaynataq qamkunapa contraykichikpim huchallikuruni.

Éxodo 23:2

Mana allin ruwaqkunataqa achkallaña kaptinkupas amam qatinkichu; testigo kaspaykipas ama pimanpas sayapakuspam cheqap kaqllata rimanki, llulla rimaqmanqa achkallaña kaptinkupas amam sayapakunkichu;

Éxodo 9:27

Chaymi Moisestawan Aaronta qayachispan Faraón nirqa: Kunanpas huchallikurunim. Tayta Diosqa allin ruwaqmi, ñoqam ichaqa runaykunapiwan huchasapa kaniku.

Proverbios 29:25

Runapa manchakuyninqa trampa hina wichichiqninmi, Diospi hapipakuq runam ichaqa hawka kawsakunqa.

Jeremías 38:5

Chaymi rey Sedequías nirqa: Chay runaqa makikichikpim kachkan, munasqaykichikta ruwaychik, manam ñoqaqa contraykichikpiqa ima ruwaytapas atiymanchu, nispa.

Números 22:34

Hinaptinmi Tayta Diospa angelninta Balaam nirqa: Huchallikurunim. Ñanpi sayaruspa harkawasqaykitaqa manam yacharqanichu, mana allinpaq rikchakapusuptikiqa kutikusaq, nispa.

Mateo 27:4

kaynata nirqa: Huchallikurunim, mana huchayuq runatam wañuchinaykichikpaq qamkunaman entregaykuykichik, nispan. Chaymi paykunañataq nirqaku: ¿Imataq qokuwanku ñoqaykutaqa? ¡Chayqa qampiñam! nispanku.

Gálatas 1:10

Kaynata nispayqa, ¿runakunapa allinpaq hapisqan kaytachu maskani, icha Diospa allinpaq hapiwanantachu? Sichum runakunapa allin hapiwanallanta munayman, hinaspayqa manañam Jesucristopa serviqninñachu kayman.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

1~Samuel 15:15

Chaymi Saulñataq nirqa: Amalec runakunapa kasqanmantam soldadokuna aparamunku. Paykunam allinnin ovejakunatawan vacakunata puchuchirqaku, chaynapi yupaychasqanchik Tayta Diosman ofrecespa kañapunapaq, waki-qnintam ichaqa lliwta chinkarachimuniku, nispa.

1~Samuel 15:30

Saulñataqmi nirqa: Huchallikurunim ñoqaqa, ichaqa ama hina kaspaykiyá Israelpi ancianonkunapa qayllanpi, Israel runakunapa ñawpaqninpi reyta hinaraq hatunchaykuway. Chaynaqa, ñoqawanyá kutirisun Tayta Diosnikita yupaychamunaypaq, nispa.

1~Samuel 15:9

Ichaqa Saulmi tropankunapiwan rey Agagta mana wañuchirqakuchu, nitaqmi allinnin ovejakunatawan poqosqa malta torokunatapas hinaspa poqosqa carnerokunatapas. Manataqmi chinkachirqakuchu allinnin kaqkunatapas. Mana valeq kaqkunatam ichaqa wañuchispanku chinkachirqaku.

1~Samuel 2:29

¿Imanasqataq ñoqapa kamachisqay sacrificiokunata chaynataq ofrendakunata mana valeqpaq hapirunkichik? ¿Imanasqataq ñoqamantapas mastaraq churikikunata hatuncharunki? Israel llaqtaypa allinnin ofrendakunawanmi paykunata wirayarachinki”, nispa.

1~Samuel 26:21

Chaymi Saúl nirqa: ¡Churilláy David, reqsikunim huchallikurusqayta! ¡Mana yuyayniyuq hina kaykunata ruwaspaymi huk pantayman wichiykuni! Makikipiña kachkaptiypas manam wañurachiwarqankichu. Chaynaqa, kutikamuyá, manañam ima mana allintapas contraykipiqa maskasaqñachu, nispa.