1~Samuel 15:11 - CHUYA QELLQA La Biblia en Quechua de Ayacucho 2012

¹¹ Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.

Quechua Ayacucho Bible 1987

¹¹ —Pesakunim Saulta reypaq churasqaymanta. Payqa ñoqamanta karunchakuruspanmi mana cumplinchu imapas kamachisqaykunata —nispa. Chay nisqanwanmi Samuel llakikururqa hinaspam Tayta Diosta mañakurqa tukuy tuta.

Chuya Qellqa 1992

¹¹ Pesakunim Saulta reypaq churasqaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.

1~Samuel 15:11 Iomraidhean Croise

Génesis 6:6

Chaymi runa ruwasqanmanta, Tayta Dios llumpayta pesakurqa, sonqonpipas anchatam llakikurqa.

Génesis 6:7

Chayraykum Tayta Dios nirqa: Kay pachapi unanchasqay runakunatam chinkarachisaq. Chaynataqmi uywa animalkunatawan purun animalkunatapas, qasqonpa puriq animalkunatawan alton pawaq animalkunatapas chinkachisaq. Pesakunim ruwasqaytapas, nispa.

2~Samuel 24:16

Jerusalenpi runakunata ángel chinkarachinanpaq kachkaptinmi, castigasqan runakunamanta llakipayarikuspan chay wañuchiq angelta Tayta Dios nirqa: ¡Chaykamallaña! ¡Amaña masta wañuchiychu! nispa. Tayta Diospa angelninñataqmi Jebús casta Araunapa eranpi kachkarqa.

1~Reyes 11:9

Chaymi Salomonpaq Tayta Dios piñakururqa, paymanta sonqon karunchakusqanrayku. Israelpa yupaychasqan Tayta Diosqa iskay kutitam payman rikurirqa,

1~Crónicas 10:13

Chaynatam Saúl wañurqa Tayta Diospa contranpi huchallikuspan kamachisqankunatapas mana kasukusqanrayku chaynataq layqa warmita tapukuspan

1~Crónicas 21:15

Tayta Diosmi huk angelta kamachimurqa Jerusalén llaqtapi runakunata wañuchinanpaq. Ichaqa llapa runakunata wañuchichkaptinmi, Tayta Dios qawariykuspan sinchita llakikururqa, chaymi wañuchiq angelta nirqa: Amaña masta wañuchiyñachu, nispan. Tayta Diospa angelninmi Jebús llaqtayuq Ornanpa trigo trillasqan erapa patanpi kachkarqa.

Jobwan Sutichasqa Libro 34:27

Chaytaqa ruwan paymanta rakikurusqankuraykum, kamachikuyninkunata mana kasukusqankuraykum.

Éxodo 32:11

Chaymi Tayta Diosta ruegakuspan Moisés nirqa: Dios Taytalláy, amayá piñakuychu Egipto nacionmanta hurqomusqayki runaykikunapa contranpiqa, paykunataqa hatu-hatun atiynikiwanmi hurqomurqanki.

Éxodo 32:14

Chaymi Tayta Diosqa mana allin ruwananpaq piensasqanta manaña ruwarqachu.

Jeremías 11:10

Ñawpaq taytankupa mana allin ruwasqankumanmi qokurunku. Paykunaqa nisqaykunata mana kasukuspankum idolokunataña yupaycharqaku. Israel runakunawan Judá nacionpi runakunam, ñawpaq taytankuwan pacto ruwasqayta yanqacharunku.

Jeremías 13:17

Mana kasukuptikichikqa hatun tukuq kasqaykichikmantam mana pipa rikusqanta waqasaq; Tayta Diospa runankuna preso apasqa kasqankumantam waqasaq, weqeypas yaku hinañam kallpanqa.

Jeremías 34:16

Ichaqa qepaman kutirispam sutiyta yanqacharunkichik, hinaspam libretaña kacharisqaykichik esclavokunata kaqmanta hapimuspa, qariwanpas warmiwanpas kaqmanta servichikuchkankichik.

Jeremías 9:1

Amalaya ñawiy pukyu hina rikurirunman, amalaya weqeypas kallpaq yaku hina rikurirunman, chaynapi llaqtamasiykunapa wañusqanmanta tuta punchaw waqanaypaq.

Jeremías 9:18

Chaylla hamuspa ñoqanchikmanta waqachunku, ñawinchikyá weqewan huntarichun, qechipranchikmantapas weqenchikyá suturichun.

Ezequiel 18:24

Sichum allin ruwaq runa chayna allinkuna ruwasqanmanta karunchakuruspan mana allinkunataña ruwanman otaq chay mana allin ruwaq runapa millakuypaq kaqkuna ruwasqantaña ruwanman hinaspa ¿yaqachu chay runa kawsanqa? Ñoqaqa tukuy ima allinkuna ruwasqantapas manam yuyarisaqchu, qepanchawaspan huchallikusqanraykum wañunqa.

Amós 7:3

Chaymi Israelta kuyapayarispan Tayta Dios nirqa: Pampachanim, manañam pasakunqachu, nispa.

Jonás 3:10

Imam ruwasqankuta qawarispanmi Tayta Dios rikururqa Nínive llaqtayuq runakuna mana allin kawsayninkumanta wanakurusqankuta, chayraykum piñakuyninta sapaqchaykuspan imam tanteasqantaqa manaña ruwarqañachu.

Jonás 4:2

Chayraykum Tayta Diosta mañakuspan nirqa: Dios Taytalláy, kayna kanantaqa llaqtaypi kachkaspallayraqmi nirqaniña. Chayraykum manaraq kaykuna pasakuchkaptin Tarsis lawman ayqekuchkarqani. Ñoqaqa yachanim llakipayakuq hinaspa kuyapayakuq Dios kasqaykita. Qamqa mana chaylla piñakuruq kaspaykim hatun kuyapayakuynikipi ima castigo ruwanaykitapas manaña ruwankichu.

Sofonías 1:6

Ñoqa Tayta Diosmanta karunchakuruspa mana maskawaqniykunatapas, chaynataq mana tapukuwaqniykunatapas puchukachisaqmi, nispa.

Mateo 24:13

Pipas tukupaykama takyaqmi ichaqa salvasqa kanqa.

Mateo 5:44

Ñoqam ichaqa nikichik: Enemigoykichikkunata kuyaychik, ñakarichisuqnikichik runakunapaqpas mañapuychik.

Lucas 6:12

Chay punchawkunapim Jesusqa orqoman qespirqa Taytanta mañakunanpaq, hinaspam chaypi tukuy tuta mañakurqa.

Hebreos 10:38

Allin ruwaq runaqa iñisqanraykum kawsanqa, qepanchakuruwaptinmi ichaqa mana kusisqachu kasaq”, nispa.

Josué 22:16

Tayta Diospa llapallan runankunam kaynata nin: ¿Imanasqataq kaykunata ruwaspa Israelpa Diosninpa contranpi hatarirunkichik? ¿Imanasqataq Tayta Diosta qepanchaspa kay hatun altarta ruwakuruspa Tayta Diospa contranpi hatarirunkichik?

1~Samuel 12:23

Arí, ñoqamanta karunchasqa kachun Tayta Diospa qayllanpi qamkunarayku mana mañakuspa huchallikuyniyqa. Ñoqaqa aswanraqmi yachachisqaykichik Diospa munasqanman hina sumaq kawsakuyta.

1~Samuel 13:13

Hinaptinmi Samuel nirqa: ¡Loco hinam kaytaqa ruwarunki! Sichum Tayta Diospa kamachisusqaykita kasukuwaq karqa, hinaptinqa paymi cheqaptapuni Israel nacionpi rey kaynikitapas miraynikikunakama wiñaypaq takyachinman karqa.

1~Samuel 15:10

Chaymi Samuelta Tayta Dios nirqa:

1~Samuel 15:3

Chaynaqa, rispayá kunan Amalec runakunata wañuchimuy, amam imantapas puchuchinkichu, aswanqa wañuchinkim qarikunata, warmikunata, warmakunata, ñuñuq wawakunatapas chaynataq vacakunata, ovejakunata, camellokunata hinaspa asnokunatapas, nispa.

1~Samuel 15:35

Samuelmi wañukunan punchawkama Saulta mana rikurqañachu hinaspanmi Saulmanta anchata waqarqa. Tayta Diosmi pesakurqa Saulta Israelpi rey kananpaq churasqanmanta.

1~Samuel 15:9

Ichaqa Saulmi tropankunapiwan rey Agagta mana wañuchirqakuchu, nitaqmi allinnin ovejakunatawan poqosqa malta torokunatapas hinaspa poqosqa carnerokunatapas. Manataqmi chinkachirqakuchu allinnin kaqkunatapas. Mana valeq kaqkunatam ichaqa wañuchispanku chinkachirqaku.

1~Samuel 16:1

Tayta Diosmi Samuelta nirqa: ¿Haykapikamataq Saulmanta waqanki? Ñoqaqa Israelpi rey kayninmantam qarqoruniña. Aceite apaykachanayki waqraman aceiteta hillpuspayá Belén llaqtayuq Isaipa wasinman riy, paypa huknin churintam rey kananpaq akllaruni, nispa.

1~Samuel 8:6

“Reyta qowayku” nisqankum Samuel-paqqa mana sonqonpaq hinachu karqa. Chaymi Samuelqa Diosta mañakurqa.