1~Samuel 14:6 - CHUYA QELLQA La Biblia en Quechua de Ayacucho 2012

⁶ Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.

Quechua Ayacucho Bible 1987

⁶ Arman apaq soldadotam Jonatan nirqa: —Chimparusunchikyá chay mana señalasqa Filistea tropakunapa kasqanman. Ichapas Tayta Diosqa yanapaykuwachwanchik. Paypa yanapakuyninwanqa pipas vencerunmanmi achka runawanpas otaq aslla runawanpas —nispa.

Chuya Qellqa 1992

⁶ Jonatanmi arman apaq soldadota nirqa: Qari kayninpi mana señalasqa Filistea tropakunapa kasqanman chimparusunchik. Tayta Diosqa yanapaykuwasunmi, Diospaqqa manam sasachu, achka runawan otaq asllawanpas salvawananchikpaqqa, nispa.

1~Samuel 14:6 Iomraidhean Croise

2~Samuel 1:20

Gat llaqtapiqa amam willakunkichikchu, Ascalón llaqtapa callenkunapiqa amam willakunkichikchu Filistea warmikunam kusikunmanku, Diosta mana reqsiq warmikunam kusikuymanta pawaykachanmanku.

2~Samuel 16:12

Ichapas ñakarisqayta qawariwaspa, ñakawasqanpa rantinpi Tayta Dios bendeciykuwanmanraq, nispa.

2~Reyes 19:4

Ichapas Tayta Dios uyarirqa chay kamachikuqpa rimasqankunata. Paytam Asiria nacionpa reynin kachamurqa kawsaq Diosta kaminanpaq, allinchá kanman chay rimasqankunamanta Tayta Dios puchukachiptinqa. Chaynaqa, Diostayá mañakuy puchuq kaqkunapaq, nispanku.

2~Crónicas 14:10

Hinaptinmi rey Asa paykunapa contranpi peleananpaq lloqsirqa, hinaspam Maresapa hichpan Sefata qechwapi churakururqa.

2~Crónicas 14:11

Rey Asam Tayta Diosta kaynata mañakurqa: Diosnilláy, kallpayuqtapas mana kallpayuqtapas qamllam yanapanki. Dios Taytallayku, yanapaykullawayku, qanmanmi hapipakamuykiku, qampa sutikipim hamuniku kay nana-nanaq soldadokunapa contranpi peleanaykupaq. Dios Taytalláy, qanmi Diosniyku kanki, manam qamtaqa pipas vencesunkichu, nispa.

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Jeremías 9:25

Tayta Diosmi kaynata nin: Hamuchkanmi punchawkuna, qari kayninkupi señalasqatapas chaynataq mana señalasqatapas;

Jeremías 9:26

Judá naciontapas, Egiptotapas, Amontapas, Edomtapas, Moabtapas hinaspa rinrinkupa ñawpaqnin lawpi kaq chukchanku rutukuqkunatapas chaynataq chunniqpi yachaqkunatapas castiganaypaq. Chay nacionpi kaqkunaqa llapallankum qari kayninkupi mana señalasqa runakuna, Israelpa mirayninkunañataqmi sonqonkupi mana señalasqa runakuna.

Amós 5:15

Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Sofonías 2:3

Kay pachapi llapallan llampu sonqo runakuna, kamachikuyninkunata ruwayman churaq runakuna, Tayta Diosta maskaychik. Allin kaqkunata ruwaychik, uchuychakuychik, hinaspaqa icharaqpas Tayta Diospa piñakuynin punchawmanta pakaykusqaraq kawaqchik.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Números 10:32

Ñoqaykuwan riptikiqa, Tayta Diospa tukuy allin kaqkuna qowasqankutam rakisqaykiku, nispa.

Números 31:4

Israelpa mirayninkunamantam sapa ayllu kachanqa guerrapaq waranqa runakunata, nispa.

Mateo 19:26

Jesusñataqmi paykunata qawarispan nirqa: Runakunapaqqa kayqa mana ruway atinanmi, Diospaqmi ichaqa atinallan, nispa.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Deuteronomio 32:30

¿Chullalla runa, waranqa runata qatikacharunmanchu? ¿Iskaylla runa, chunka waranqa runata qatikacharunmanchu? Arí atirunmanmi, ichaqa enemigonkuman waqaychaqninku Tayta Dios hapiykachiptillanmi.

Filipenses 3:3

Cheqap señalasqakunaqa ñoqanchikmi kanchik, Espiritunpa yanapasqanmi Diosninchikta yupaychanchik, hinaspam Jesucristopi iñispa salvasqa kasqanchikwan alabakunchik, aychapi señalachikuyman mana hapipakuspa.

Josué 14:12

Chay punchawpi Tayta Diospa nisqanman hinayá chay orqokunata kunan qoykuway. Yachankim chay orqokunapiqa ñawpaqmantaraq Anacpa mirayninkuna yachasqankutaqa, llaqtankunapas murallasqakama hatun llaqtakuna kasqanta. Tayta Dios yanapawaptinqa, paypa nisqanpi hinam qarqorusaq, nispa.

Jueces 15:18

Chaymantam Sansonqa sinchita yakunayaruptin Tayta Diosta kaynata qayakurqa: ¿Kaynaña runata vencerachiwachkas-pachu kunanñataq yakumanta wañurachiwankiman kay mana reqsisuqniki runakunapa makinpi? nispa.

1~Samuel 14:5

Huknin qaqam tarikurqa Micmas llaqtapa chimpan norte lawpi, hukninñataqmi Gabaa llaqtapa chimpan sur lawpi.

1~Samuel 14:7

Arman apaq soldadoñataqmi nirqa: Tanteasqaykiman hinayá ruway. Ñoqaqa chayllam kachkani tukuy munasqaykipi yanapanaypaq, nispa.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?

1~Samuel 17:46

Tayta Diosmi kunanpuni qamta makiyman churanqa, wañurachispaymi umaykitapas qorusaq; hinaspam Filistea tropakunapa aychantañataq alton pawaq ankakunamanwan purun animalkunaman qarasaq. Chaynapim lliw runakuna Israel nacionpi Dios kasqanta yachanqaku.

1~Samuel 17:47

Chaynataqmi kay huñunasqa runa-kunapas yachanqaku Tayta Diosqa mana espadallawan nitaq lanzallawan salvasqanta; kay guerraqa Tayta Diospa munayllanpim kachkan, chayraykum qamkunataqa makiykuman hapiykachiwanqaku, nispa.

1~Samuel 31:4

Chaymi arman apaq soldadota Saúl nirqa: Espadaykita hurqospayki tuksiruway, manam munanichu wak mana señalasqa enemigoykuna tuksiruwaspa burlakuwananta, nispa. Ichaqa arman apaq soldadom llumpayta manchakusqanrayku tuksiyta mana munarqachu, hinaptinmi Saulqa kikinña espadanta hapiykuspan tuksikururqa.