1~Samuel 14:45 - CHUYA QELLQA La Biblia en Quechua de Ayacucho 2012

⁴⁵ Hinaptinmi runakunañataq Saulta nirqaku: ¡Manam Jonatanqa wañunmanchu! payqa ñoqanchik Israel runakunatam libraykuwanchik, kawsaq Tayta Diosraykum Jonatanpaqa huk chukchallanpas mana pampamanqa wichinqachu. Payqa Diospa yanapakuyninwanmi ruwarun, nispanku. Chaynatam Jonatantaqa wañunanmanta Israel runakuna librarurqaku.

Quechua Ayacucho Bible 1987

⁴⁵ Hinaptinmi runakunañataq Saulta nirqa: —¡Manam Jonatanqa wañunmanchu! ¡Payqariki llapallanchik Israel runakunatam libraykuwanchik! Kawsaq Tayta Diosraykum juraniku: Jonatanpaqa huk chukchallanpas manam pampamanqa wichinqachu. Payqa libraykuwarqanchik Diospa yanapakuyninwanmi —nispa. Chaynapimá wañunanmanta Jonatanta librarurqaku llapa runakuna.

Chuya Qellqa 1992

⁴⁵ Hinaptinmi runakunañataq Saulta nirqaku: ¡Manam Jonatanqa wañunmanchu! payqa ñoqanchik Israel runakunatam libraykuwanchik, kawsaq Tayta Diosraykum Jonatanpaqa huk chukchallanpas mana pampamanqa wichinqachu. Payqa Diospa yanapakuyninwanmi ruwarun, nispanku. Chaynatam Jonatantaqa wañunanmanta Israel runakuna librarurqaku.

1~Samuel 14:45 Iomraidhean Croise

2~Samuel 14:11

Hinaptinmi chay warmi nirqa: Reynilláy, ruegakuykim, ama wawallayta wañurachinanpaqyá yupaychasqayki Tayta Diosta mañakuy, mana chayqa huknin wawallaytawanchá wañurachinqaku, nispa. Reyñataqmi nirqa: Tayta Diosraykum jurani, wawaykipaqa manam umanpi huk chukchallanpas wichinqachu, nispa.

1~Reyes 1:52

Chaymi Salomón nirqa: Sichum allin runa kaptinqa manam huk chukchallanpas pampaman wichinqachu, huchayuq kaspanmi ichaqa wañunqapuni, nispa.

2~Crónicas 19:11

Sumo sacerdote Amariasmi Tayta Diospa kamachikuyninkunata yachachisunkichik, Judá ayllupa kamachiqnin Ismaelpa churin Zebadiasmi reypa kaqninkunapi kamachisunkichik, levitakunañataqmi kanqa yanapasuqnikichik. Chaynaqa, ¡kallpanchakuspayá llamkayta qallariychik! ¡Tayta Diosyá allin ruwaqkunawan kachun! nispa.

Nehemías 9:27

Chaymi ñakarichisqa kanankupaq enemigonkuman qoykurqanki, ñakariyninkupim qayakamusurqanki, qamñataqmi hanaq pachamanta uyariykurqanki, kuyapayakuynikiman hinam libraqninkunata kachamurqanki, chaynapi enemigonkumanta libramunankupaq.

Isaías 13:3

Sapaqchasqaykunatam kamarachini, piñakuyniyta ruwayman churaq allinnin qari-qari soldadoykunatam qayaramuni, vencesqaywan kusikuqkunatam qayaramuni.

Mateo 10:30

Qamkunapaqa chukchaykichikpas llapallanmi yupasqa kachkan.

Lucas 21:18

Chaywanpas manam umaykichikpi chulla chukchallaykichikpas chinkanqachu.

Hechos 14:27

Antioquiaman chayaruspankum llapa iñiqkunata huñururqaku, hinaspam willakurqaku payninkunatakama Diospa tukuy ima ruwamusqanta, chaynataq mana judío kaqkunamanpas iñikunankupaq punkuta Dios kichaykusqanmanta.

Hechos 15:12

Hinaptinmi lliw upallaruspanku Bernabeytawan Pablota uyarirqaku, paykunam willakurqaku Diospa qosqan atiywan mana judío kaqkunapipas admirakuypaq milagrokuna ruwamusqankumanta.

Hechos 21:19

Pablom paykunata rimaykuspan willakuyta qallaykurqa, imaynam paynintakama mana judío kaqkunapi Diospa tukuy imakunam ruwamusqanmanta.

Hechos 27:34

Ruegakuykichikmi imallatapas mikuykunaykichikpaq. Mikunaykichikpunim kawsanaykichikpaq, manam pipapas huk chukchallanpas chinkanqachu, nispa.

Romanos 15:18

Aswanqa Cristopa imam ñoqantakama ruwasqallanmantam rimayta munani. Paymi atiyninta qowarqa willakuptiy hinaspa ruwaptiy mana judío kaqkunapas payta kasukunankupaq.

1~Corintios 3:9

Ñoqaykuqa Diospa llamkapakuqninmi kaniku, qamkunañataqmi kankichik Diospa llamkasqan chakra hinaspa Diospa ruwasqan wasi.

2~Corintios 6:1

Qamkuna yanapaq kasqaykuraykum ruegakamuykiku, amayá Diospa kuyakuynintaqa yanqaqa chaskiychikchu.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 19:14

Hanaq pachapi kaq tropakunam qepanta rirqaku yuraq caballokunapi linomanta fino pachayuqkama.

1~Samuel 11:13

Chaymi Saulñataq nirqa: Kunan punchawqa manam pipas wañunqachu. Kunanqa Diosmi Israel runakunata libraykuwanchik, nispa.

1~Samuel 14:23

Chaynatam Israel runakunata Tayta Dios libraykurqa chay punchawpi. Chay wañuchinakuymi Bet-avén llaqtakama chayarurqa.

1~Samuel 14:46

Saulpas manañam filisteokunata qatirqañachu, chaymi filisteokunaqa allpankuman ripukurqaku.

1~Samuel 19:5

Payqa wañuytapas mana manchakuspam chay filisteo runatapas wañuchirqa. Chaynatam llapallan Israel runakunata Tayta Dios libraykurqa. Chayta qawaspam qampas kusikurqanki. Chaynaqa, ¿imanasqataq inocente runata wañuchiypi riwaq? Amayá munaychu yanqamanta Davidta wañuchiytaqa, nispa.