1~Samuel 14:44 - CHUYA QELLQA La Biblia en Quechua de Ayacucho 2012

⁴⁴ Chaymi churin Jonatanta Saúl nirqa: ¡Diosyá sinchita ñakarichiwachun sichum qam mana wañuptikiqa! nispa.

Quechua Ayacucho Bible 1987

⁴⁴ Chaymi Saulñataq nirqa: —Jonatán ¡Diosyá llumpa-llumpayta castigawachun sichum qam mana wañuptikiqa! —nispa.

Chuya Qellqa 1992

⁴⁴ Chaymi churin Jonatanta Saúl nirqa: ¡Diosyá sinchita ñakarichiwachun sichum qam mana wañuptikiqa! nispa.

1~Samuel 14:44 Iomraidhean Croise

Génesis 38:24

Kimsa killa pasaruptinmi Judaman kaynata willaykurqaku: Llumchuyniki Tamarmi huchapakuruspa wiksayuq rikurirun, nispanku. Chaymi Judá nirqa: Hurqomuspa kañaychik, nispa.

2~Samuel 12:31

Llaqtapi puchuq runakunatapas hurqospam paykunata sierrakunawan, fierromanta trillanakunawan, fierromanta hachakunawan hinaspa ladrillo ruwaykunapi llamkachirqa. Chaynatam Amonpa mirayninmanta kaq llaqtakunatapas llamkachirqa. Chaymantam Davidqa llapallan tropankunawan Jerusalén llaqtaman kutikamurqa.

2~Samuel 12:5

Chayta David uyariruspanmi chay runapa contranpi llumpayta piñakuruspan Natanta nirqa: Kawsaq Tayta Diosraykum jurani, chayna runaqa wañunanpunim.

2~Samuel 19:13

Amasatapas kaynatam nichimurqa: Qamqa aylluymi kanki. Joabpa rantinpim llapa tropaykunapa capitannin kanaykipaq churasqayki. Mana chaynata ruwaptiyqa Tayta Diosyá llumpayta castigawachun, nispa.

2~Samuel 3:9

Diosyá sinchita castigawachun Tayta Diospa prometesqanman hina Davidta mana yanapaptiyqa.

Proverbios 25:16

Abejapa miskinta tarispaqa atisqallaykitayá mikuy, yanqañataq aminaykikama mikuruspa kutirachiwaq.

Jueces 11:35

Churinta Jefté qawaykuspanmi, pachankunata llikipakuspan kaynata nirqa: ¡Ay, churilláy! Hatun llakimanmi churaruwanki, qamraqtaq lloqsiramunkipas kay hatun llakiman churaykuwanaykipaq, Tayta Diosmanmi prometekurqani, chay prometekusqaytaqa ruwanaypunim, nispa.

Rutwan Sutichasqa Libro 1:17

Maypim wañukusqaykipim ñoqapas wañusaq, chaypitaqmi pampakusaqpas. Sichum kawsananchikkama qanmanta rakikuptiyqa Diosyá anchata castigawachun, wañuyllañam qamtawan ñoqataqa rakinawasunchik, nispa.

1~Samuel 14:39

Israel runakunapa salvaqnin Tayta Diospa sutinpim jurani, chay huchallikuqqa, churiy Jonatanña kaspapas wañunqapunim, nispa. Chaymi mana pipas rimarirqachu.

1~Samuel 25:22

Chaymi juraspan nirqa: ¡Kunanmi chay enemigoy Nabalpa llapa runankunata wañurachimusaq, manam hukllapas puchunqachu, mana chayna kaptinqa Diosyá llumpayta castigawachun! nispa.

1~Samuel 3:17

Chaymi sacerdote Elí tapurqa: ¿Imatataq Dios nisurqanki? Ama pakawaspa willaykuway. ¡Diosyá castigasunki imapas nisusqaykita pakawaptikiqa! nispan.