1~Samuel 14:37 - CHUYA QELLQA La Biblia en Quechua de Ayacucho 2012

³⁷ Hinaptinmi Tayta Diosta Saúl tapurqa: ¿Qatikachaymankuchu filisteokunata? ¿Yaqachum makiykuman churaykamunki? nispa. Ichaqa Diosmi chay punchaw mana imallatapas nirqachu.

Quechua Ayacucho Bible 1987

³⁷ Hinaptinmi Tayta Diosta Saul tapurqa: —Taytáy ¿risaqkuchu Filistea runakuna wañuchiq icha manachu? ¿Yaqachum Israel runakuna paykunata venceramuymanku? —nispa. Ichaqa Tayta Diosqa manam imallatapas chay punchawpiqa nirqachu.

Chuya Qellqa 1992

³⁷ Hinaptinmi Tayta Diosta Saúl tapurqa: ¿Qatikachaymankuchu filisteokunata? ¿Yaqachum makiykuman churaykamunki? nispa. Ichaqa Diosmi chay punchaw mana imallatapas nirqachu.

1~Samuel 14:37 Iomraidhean Croise

2~Samuel 5:19

Hinaptinmi Tayta Diosta David tapurqa: ¿Risaqchu filisteokunapa contranpi? ¿Paykunataqa vencechimuwankichu? nispa. Chaymi Tayta Dios nirqa: Riypuni, filisteokunataqa makikimanmi churamusaq, nispa.

2~Samuel 5:23

Chaymi Tayta Diosta David tapuptin nirqa: Ama ñawpaqninmantaqa atacaychu aswanqa muyuruspayki qepankumanta atacamuy, bálsamo sachakunapa ñawpaqninmanta.

1~Reyes 22:15

Reypa kasqanman chayaruptinmi rey nirqa: Micaías, ¿risaqkuchu Galaad lawpi Ramot llaqtata atacamunaykupaq icha manachu? nispa. Hinaptinmi Micaías nirqa: Riypuni, Tayta Diosmi makikiman churamunqa, nispa.

1~Reyes 22:5

ichaqa ama hina kaspayá Tayta Diosta puntata tapuykuy, nispa.

Ezequiel 20:3

Runapa churin, Israelpa ancianonkunaman ñoqa Tayta Diospa nisqayta kaynata niy: ¿Tapukuwaqniyraqchum hamuchkankichik? Ñoqa Tayta Diosmi kikiyrayku jurani, tapukuynikichiktaqa manam contestasqaykichikchu, nispayki.

Jueces 1:1

Josué wañukuptinmi, Tayta Diosta Israelpa mirayninkuna kaynata tapurqaku: ¿Mayqanniykutaq puntata risaqku cananeokunawan peleamunaykupaq? nispanku.

Jueces 20:18

Israelpa mirayninkunam Diosta tapukunankupaq Bet-el llaqtaman rirqaku: ¿Mayqanniykutaq Benjaminpa mirayninkunawan peleaq puntata rinqa? nispanku. Chaymi Tayta Dios nirqa: Judá castakunam rinqaku, nispa.

1~Samuel 10:22

Hinaptinmi Tayta Diosta huktawan tapurqaku: ¿Chayaramunñachu chay runa? nispanku. Tayta Diosñataqmi nirqa: Payqa cargakunapa chawpinpim pakakurun, nispa.

1~Samuel 23:2

Tayta Diosta tapurqa: ¿Filisteokunawan peleaq riymanchu? nispa. Chaymi Tayta Dios nirqa: Rispa peleamuy hinaspa Keila llaqtata libramuy, nispa.

1~Samuel 23:4

Chaymi huktawan Tayta Diosta David tapurqa. Tayta Diosñataqmi nirqa: “Keila llaqtaman riy, filisteokunataqa ñoqam makikiman churasaq, nispa”.

1~Samuel 28:6

Chaymi Tayta Diosta Saúl tapuptin mana imallatapas nirqachu, musqoypipas, urimnintapas nitaq profetantakamapas.