1~Samuel 14:36 - CHUYA QELLQA La Biblia en Quechua de Ayacucho 2012

³⁶ Saulmi tropankunata nirqa: Hakuchik kunan tuta uraykusun Filis-teokunapa contranpi achikyanankama tukuy imankuta qechumuq. Amam imatapas saqemusunchu, nispa. Chaymi tropankuna nirqaku: Tanteasqaykiman hinayá ruway, nis-panku. Sacerdoteñataqmi nirqa: Puntataqa Diostayá tapuykusun, nispa.

Quechua Ayacucho Bible 1987

³⁶ Saulmi nirqa: —Kunan tutayá hakuchik urayta hinaspayá Filistea runakunapa contranpi peleamuspa tukuy imankuta qechumusun achikyanankama. Amamá chullallatapas puchuchisunchu kawsaqtaqa —nispa. Hinaptinmi llapallanku nirqaku: —Tanteasqaykiman hinayá llwta ruray —nispa. Hinaptinmi sacerdoteñataq nirqa: —Puntataqa Diostayá tapusunchik —nispa.

Chuya Qellqa 1992

³⁶ Saulmi tropankunata nirqa: Hakuchik kunan tuta uraykusun Filisteokunapa contranpi achikyanankama tukuy imankuta qechumuq. Amam imatapas saqemusunchu, nispa. Chaymi tropankuna nirqaku: Tanteasqaykiman hinayá ruway, nispanku. Sacerdoteñataqmi nirqa: Puntataqa Diostayá tapuykusun, nispa.

1~Samuel 14:36 Iomraidhean Croise

Isaías 58:2

Paykunaqa sapa punchawsi maskawanku, munasqayman hinas kawsayta munanku, allin ruwaq nación hinaraqsi allin arreglota ruwanaypaq mañawanku, ñoqa Diosninkupa kamachikuyniykuna mana saqeruq hinaraqsi ñoqa Diosman asuykamuwayta munanku.

Jeremías 6:5

¡Hatariychik! ¡Tuta atacaspa palacionkunatapas tuñichimusunchik! nispanku.

Malaquías 2:7

Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.

Números 27:21

Sacerdote Eleazarpa ñawpaqninpi Josué sayaykuptinmi paypaq Urim rumintakama Eleazar tapuwanqa. Josueymi Israelpa llapallan mirayninkunaman tukuy ima ruwanankuta kamachinqa, nispa.

Santiago 4:8

Diosmanyá asuykuychik, paypas qamkunamanmi asuykamusunkichik. Huchasapakuna, mana allin ruwasqaykichikmantayá chuyanchakuychik, iskayrayaqkuna sonqoykichiktayá chu-yanchaychik.

Josué 10:19

Qamkunaqa ama samaykuspa enemigoykichikta utqayman qatiychik, ama llaqtankuman kutinankuta saqeychikchu. Paykunataqa Tayta Diosmi makikichikman churaykun, nispa.

Josué 11:14

Chay llaqtakunapa runankunatam mana chullatapas puchuykuspa espadawan lliwta wañurachispanku tukuy imankutawan llapa animalninkuta apakurqaku.

1~Samuel 1:23

Qosan Elcanañataqmi nirqa: Munasqaykiman hinayá ruway, hinapiyá kachkay wawata anukanaykikama; Tayta Diosyá imam rimasqanta cumplichun, nispa. Chaynapim Ana qeparuspan wawanta uywarqa anukanankama.

1~Samuel 11:11

Paqarinninmanmi tropankunata Saúl kimsaman rakirurqa, hinaspam manaraq achikyamuchkaptin Amón runakunapa campamentonman yaykuruspanku yaqa chawpi punchawkama nana-nanaqta wañurachirqaku. Puchuqkunañataqmi kayman chayman lluptikurqaku.

1~Samuel 14:3

Tayta Diospa sacerdotenmi karqa Ahitobpa churin Ahías, paymi efodwan churakusqa karqa. Ahitobqa karqa Icabodpa wawqenmi, Icabodñataqmi karqa Fineespa churin hinaspa Silo llaqtapi Tayta Diospa sacerdoten Eliypa willkan. Manam pipas yacharqachu Jonatanpa pasakusqantaqa.