1~Samuel 14:35 - CHUYA QELLQA La Biblia en Quechua de Ayacucho 2012

³⁵ Saulñataqmi huk altarta Tayta Diospaq perqarqa, chay altarmi karqa Tayta Diospaq Saulpa punta kaq perqasqan.

Quechua Ayacucho Bible 1987

³⁵ Saulñataqmi Tayta Diospaq perqarqa huk altarta, chay altarmi karqa Saulpa puntallaraq perqasqan.

Chuya Qellqa 1992

³⁵ Saulñataqmi huk altarta Tayta Diospaq perqarqa, chay altarmi karqa Tayta Diospaq Saulpa punta kaq perqasqan.

1~Samuel 14:35 Iomraidhean Croise

2~Samuel 24:25

Chaypim altarta Tayta Diospaq hatarichispa animalkunata wañuchispa kañapurqa, qorqataqmi Dioswan allinlla kasqanmanta ofrendatapas. Chaymi Israel nacionpa favorninpi ruegakusqanta uyariykuspan peste onqoyta Tayta Dios tanirachirqa.

Oseas 8:14

Israelmi unanchaqninta qonqaruspan palaciokunata ruwakurun, Judapas murallasqa llaqtakunatam achkallataña hatarirachin, ñoqam ichaqa palacionkunata ninawan kañasaq, murallankunatapas ninawanmi uchpayachisaq.

2~Timoteo 3:5

yanqallam Diosta serviq tukunqaku, paykunaqa ruwayninkuwanmi cheqap kaqpa atiyninta wischupakunqaku. Chayna runakunawanqa ama hukllawakuychu.

Santiago 4:8

Diosmanyá asuykuychik, paypas qamkunamanmi asuykamusunkichik. Huchasapakuna, mana allin ruwasqaykichikmantayá chuyanchakuychik, iskayrayaqkuna sonqoykichiktayá chu-yanchaychik.

Jueces 21:4

Paqarinnintin punchawmi tutapayta hatariruspanku, altarta chaypi ruwaspanku lliw kañanapaq animalkunatawan allinlla kasqankumanta ofrendakunata ofrecerqaku.

Jueces 6:24

Chaymi Tayta Diospaq chaypi altarta ruwaruspan Gedeón suticharqa: “Tayta Diosmi hawkayayqa”, nispa. Kunankamapas chay altarqa hinallam Abiezer castakunapa kasqan Ofra llaqtapi kachkan.

1~Samuel 14:34

Hinaspayá llapa runa-man willamuychik vacata otaq ovejata sapakama apamunankupaq, chayna-pi nakaspa mikunaykichikpaq, amaña Diospa contranpi yawarnintin aychata mikuspa huchallikunaykichikpaq, nispa. Chay tutam sapakama vacata apamurqaku nakanankupaq.

1~Samuel 7:12

Chaymantam Samuelqa huk rumita hapispan señalpaq churarqa Mizpaman chaynataq Sen llaqtaman riq ñanpi. Hinaspam suticharqa “Eben-ezerwan”. Chaynataqa suticharqa “kunankamam Dios yanapaykuwanchik”, nispanmi.

1~Samuel 7:17

Chaymantam Ramá llaqtapi wasinman kutiq, chaypi yachaspanmi allichaq Israel runakunapa sasachakuyninta. Hina chaypitaqmi altartapas Tayta Diospaq ruwarqa.

1~Samuel 7:9

Samuelñataqmi uña carnerochata wañuchispan, sacrificiota Tayta Dios-paq lliwta kañarqa, chaymi Israel runakunarayku qapariyllawanña Sa-muelpa mañakusqanta Tayta Dios uyariy kurqa.