1~Samuel 14:27 - CHUYA QELLQA La Biblia en Quechua de Ayacucho 2012

²⁷ Jonatanqa manam uyarirqachu tropankunata taytan jurachisqantaqa, chayraykum payqa tawnanpa puntanwan toqpiykuspan mielta mikuykurqa, chayraqmi ñawinpas sumaqta qawarikururqa, chaynataqmi kallpatapas hapirqa.

Quechua Ayacucho Bible 1987

²⁷ Jonatanqa manam uyarirqachu tropankunata taytan jurachisqantaqa chaymi kaspi apasqanpa puntanwan mielta tupqeykuspa soqoykurqa chaymi ñawinpas sumaqtaraq qawarikururqa.

Chuya Qellqa 1992

²⁷ Jonatanqa manam uyarirqachu tropankunata taytan jurachisqantaqa, chayraykum payqa tawnanpa puntanwan toqpiykuspan mielta mikuykurqa, chayraqmi ñawinpas sumaqta qawarikururqa, chaynataqmi kallpatapas hapirqa.

1~Samuel 14:27 Iomraidhean Croise

Proverbios 24:13

Churilláy, abejapa miskintaqa allin kasqanraykuyá mikukuy, miskillaña kasqantayá malliykuy.

Proverbios 25:26

Putka yakuyuq pukyu hinam allin ruwaq runaqa mana allin runapa qayllanpi katkatatayninqa.

1~Samuel 14:28

Ichaqa hukkaqnin soldadom willaykurqa: Taytaykim llapa tropata jurachirqa pipas ama imallatapas mikunanpaq, pipas mikuruqqa ñakasqa kananpaq. Chayraykum tropakunapas llumpay pisipasqaña kachkanku, nispa.

1~Samuel 14:29

Hinaptinmi Jonatán nirqa: Taytayqa nacionninchiktam sasachakuyman churarun. Qawawasqaykiman hinam kay mielta mikuykuptiy ñawillaypas allintaraq qawarikurun.

1~Samuel 14:43

Chaymi churin Jonatanta Saúl tapurqa: Willaykuway imam ruwasqaykita, nispa. Chaymi Jonatán nirqa: Apamusqay tawnapa puntanwanmi mielta malliykurqani, ¿chayraykullachu wañusaq? nispa.

1~Samuel 30:12

Qoykurqakutaqmi higos-manta tortillatawan uvas pasasmanta iskay tortillakunatapas. Chaykunata mikuykuspanmi kallpanchakururqa. Payqa kimsa punchaw kimsa tutañam mana mikusqa hinaspa mana yaku tomasqa kasqa.