1~Samuel 14:23 - CHUYA QELLQA La Biblia en Quechua de Ayacucho 2012

²³ Chaynatam Israel runakunata Tayta Dios libraykurqa chay punchawpi. Chay wañuchinakuymi Bet-avén llaqtakama chayarurqa.

Quechua Ayacucho Bible 1987

²³ Chay peleom chayarurqa Bet-aven llaqtakama. Chaynatamá Israel casta runakunata Tayta Dios libraykurqa chay punchawpi.

Chuya Qellqa 1992

²³ Chaynatam Israel runakunata Tayta Dios libraykurqa chay punchawpi. Chay wañuchinakuymi Bet-avén llaqtakama chayarurqa.

1~Samuel 14:23 Iomraidhean Croise

2~Reyes 14:27

Kay pachamanta Israelpa sutin chinkarachiyta manaraq munaspanmi Joaspa churin Jeroboamwan Israel nacionta Tayta Dios salvarqa.

1~Crónicas 11:14

Eleazarñataq chay cebada chakrapa chawpinpi churakuruspan defienderqa, hinaspam filisteokunata vencerurqa. Tayta Dios yanapaptinmi vencerurqaku.

2~Crónicas 32:22

Chaynatam Ezequiastawan Jeru-salenpi yachaqkunata, Asiria nacionpa reynin Senaqueribmanta chaynataq llapa enemigonkunamantapas Tayta Dios libraykurqa, hinaspam muyuriqninpi kaqkunawanpas hawkallata kawsachirqa.

Éxodo 14:30

Chaynatam Tayta Diosqa Israel runakunata chay punchawpi salvarurqa Egipto runakunamanta. Israel runakunam Egipto tropakunata rikurqaku lamar qochapa patanpi wischu-wischu wañusqata.

Oseas 1:7

Judá naciontam ichaqa llakipayaykuspay salvaykusaq, manam flechawanchu nitaqmi espadawanchu, manam guerrawanchu nitaqmi caballokunawanchu, manam caballopi silladakunawanchu, aswanqa Diosninku kasqayraykum, nispa.

Deuteronomio 20:4

Señornikichik Tayta Diosmi qamkunawan kachkan, paymi enemigoykichikpa contranpi peleaspan vencechisunkichik”, nispa.

Josué 7:2

Josueymi Jericó llaqtamanta runakunata kacharqa Hai llaqtata wateqamunankupaq. Hai llaqtaqa tarikurqa Bet-avén llaqtapa hichpanpim hinaspa Bet-el llaqtapa intipa qespimunan lawninpim. Chay runakunam pasaspanku Hai llaqtata wateqamurqaku.

Jueces 2:18

Hinaptinmi kamachiqkunata Tayta Dios hatarichispan yanaparqa. Chay kamachiq kawsanankamaqa paykunatam enemigonkunamanta librarqa. Tayta Diosmi paykunata ñakariypi hinaspa llakikuypi kaspa waqasqankuta uyarispa llakipayarqa.

1~Samuel 10:19

Diosmi imaymana sasachakuynikichikpipas, llakikuynikichikpipas yanapasurqankichik, ichaqa qamkunam qepanchakuruspa ninkichik: “Reyta qowayku ñoqaykuta kamachiwanankupaq”, nispaykichik. Chaynaqa, Diospa qayllanman hamuychik aylluntin hinaspa castantin, nispa.

1~Samuel 13:5

Filisteokunapas huñunakururqakum Israel tropakunawan peleanankupaq, kimsa chunka waranqa carretakuna, soqta waranqa silladakuna, chakiwan riq soldadokunañataqmi lamar qocha patanpi aqo hinaña mana yupay atina; hinaspam campamentonkuta sayachirqaku Bet-avenpa intipa qespimunan lawnin Micmas llaqtapi.

1~Samuel 9:16

Paqarin kay horata hinam, Benjamín ayllumanta huk runata kachamusqayki, paytam aceitewan tallispa sapaqchanki Israel runaykunapa reynin kananpaq, paymi filisteokunamanta libranqa. Israel llaqtaypa ñakarisqantam qawani, chaymi mañakuyninku qayllayman chayaramun, nispa.