1~Samuel 14:18 - CHUYA QELLQA La Biblia en Quechua de Ayacucho 2012

¹⁸ Hinaptinmi Ahiasta Saúl nirqa: Diospa Arcanta apamuy, nispa. Chay punchawmi Diospa Arcan Israel runakunawan tarikurqa.

Quechua Ayacucho Bible 1987

¹⁸ Hinaptinmi Ahiasta Saul nirqa: —Diospa baulninta apamuy —nispa. Chay punchawmi Diospa baulninqa tarikurqa Israel runakuna ukupi.

Chuya Qellqa 1992

¹⁸ Hinaptinmi Ahiasta Saúl nirqa: Diospa Arcanta apamuy, nispa. Chay punchawmi Diospa Arcan Israel runakunawan tarikurqa.

1~Samuel 14:18 Iomraidhean Croise

2~Samuel 11:11

Uriasñataqmi nirqa: Diospa Arcanpas, Israel tropaku-napas, Judá tropakunapas, kamachiwaqniy Joabpas serviqninkunapiwan carpallapi hawa pampapi kachkaptinkuchu, ¿ñoqañataq mikukuq, tomakuq hinaspa wasiyman yaykuyman karqa warmiywan puñukuq? Vidaykiraykum jurani, manapunim chaytaqa ruwaymanchu, nispa.

Números 27:21

Sacerdote Eleazarpa ñawpaqninpi Josué sayaykuptinmi paypaq Urim rumintakama Eleazar tapuwanqa. Josueymi Israelpa llapallan mirayninkunaman tukuy ima ruwanankuta kamachinqa, nispa.

Jueces 20:18

Israelpa mirayninkunam Diosta tapukunankupaq Bet-el llaqtaman rirqaku: ¿Mayqanniykutaq Benjaminpa mirayninkunawan peleaq puntata rinqa? nispanku. Chaymi Tayta Dios nirqa: Judá castakunam rinqaku, nispa.

Jueces 20:23

Chaynataqa ruwarqaku Israelpa mirayninkuna tutaykuqkama Tayta Diospa qayllanpi waqasqankuraykum, chaypim Tayta Diosta kaynata tapurqaku: ¿Huktawanchu castamasiyku Benjamín aylluwan peleaq risaqku? nispanku. Hinaptinmi Tayta Dios nirqa: Riychik, nispa.

1~Samuel 14:17

Chaymi paywan kaq tropanta Saúl nirqa: Chaylla listata qayaychik, pikunam mana kaypi kasqanta yachananchikpaq, nispa. Chaymi listata qayaykuptinku Jonatanwan arman apaq soldado mana chaypichu tarikurqaku.

1~Samuel 14:36

Saulmi tropankunata nirqa: Hakuchik kunan tuta uraykusun Filis-teokunapa contranpi achikyanankama tukuy imankuta qechumuq. Amam imatapas saqemusunchu, nispa. Chaymi tropankuna nirqaku: Tanteasqaykiman hinayá ruway, nis-panku. Sacerdoteñataqmi nirqa: Puntataqa Diostayá tapuykusun, nispa.

1~Samuel 23:9

Chayta yacharuspanmi Sacerdote Abiatarta David nirqa: Efodta aparamuy, nispa.

1~Samuel 5:2

Hinaspam Diospa Arcanta Dagón idolonkupa templonman apaykurqaku, hinaspam Dagonpa waqtanpi churaykurqaku.

1~Samuel 7:1

Chaymi Quiriat-jearim llaqtayuqkuna hamuruspanku Tayta Diospa Arcanta aparuspanku, Abinadabpa moqo patapi wasinman churaykurqaku, chaypim churin Eleazarta sapaqcharqaku Arcata nanachikunanpaq.