1~Samuel 14:12 - CHUYA QELLQA La Biblia en Quechua de Ayacucho 2012

¹² Hinaspam Jonatantawan arman apaq soldadota qayarqaku: ¡Kay ñoqaykupa kasqaykuman seqamuychik! ¡Ñoqaykum hukta willasaykiku! nispanku. Chaymi arman apaq soldadota Jonatán nirqa: Hakuchik, Tayta Diosmi paykunata Israelpa makinman churaykamun, nispa.

Quechua Ayacucho Bible 1987

¹² Jonatantawan arman apaq soldadotamá qayarqaku: —¡Seqamuychik kay ñoqaykupa kasqaykuman! ¡Peleaytam yachachisqaykiku! —nispa. Chaymi arman apaqta Jonatan nirqa: —Seqamuy qepayta, paykunataqa Tayta Diosmi Israel casta runakunaman qoykuwanchik —nispa.

Chuya Qellqa 1992

¹² Hinaspam Jonatantawan arman apaq soldadota qayarqaku: ¡Kay ñoqaykupa kasqaykuman seqamuychik! ¡ñoqaykum hukta willasaykiku! nispanku. Chaymi arman apaq soldadota Jonatán nirqa: Hakuchik, Tayta Diosmi paykunata Israelpa makinman churaykamun, nispa.

1~Samuel 14:12 Iomraidhean Croise

Génesis 24:42

Kunanmi pozoman chayaramuspay Tayta Diosta kaynata mañakurqani: Patronniy Abrahampa yupaychasqan Dios, ruegakuykim imamanmi hamusqay allin lloqsinanpaq.

Génesis 24:48

Hinaspaymi qonqoranpa kumuykuspay patronniy Abrahampa Tayta Diosninta yupaycharqani. Paymi allinllata kaykama pusamuwarqa, chaynapi patronniypa ayllunpa warmi churinta Isaacpaq pusanaypaq.

2~Samuel 5:24

Bálsamo sachakunapa kallmanpi saqaqaqaqta uyarispaykim pawaykamunki. Chaynapim yachanki Filistea tropakunata wañuchimunaypaq qampa ñawpaqnikita ñoqa Tayta Dios risqayta, nispa.

2~Reyes 14:8

Chaymantam Amasiasqa Israelpa reynin Jehupa willkan Joacazpa churin Joasman willakuqta kacharqa, hinaspam nichimurqa: Peleananchikpaq lloqsimuy, nispa.

Jueces 4:14

Hinaptinmi Baracta Débora nirqa: Kunan punchawmi Sisarata makikiman Tayta Dios churaykun, kikin Tayta Diosmi ñawpaqnikita richkan, nispa. Chaymi Baracñataq chunka waranqa runakunawan Tabor moqomanta uraykamurqa.

Jueces 7:14

Chaymi soldadomasinñataq nirqa: Chay mosqoyqa Israel casta Joaspa churin Gedeonpa guerrapi ganananmanta willakuymi. Diosmi madianitakunata llapallan campamentontinta Gedeonman qoykunqa, nispa.

Jueces 7:15

Gedeonñataqmi mosqoy willakusqanta chaynataq imam ninanta uyariykuspan Tayta Diosta yupaycharqa. Israel miraykunapa campamentonman kutiruspanmi nirqa: ¡Hatariychik, Tayta Diosmi madianitakunapa campamentonta qoykuwasunchik! nispa.

Jueces 9:54

Chaymi arman apaq soldadota apurawman qayaspan nirqa: Espadaykita hurqospa wañurachiway, yanqam “Warmim wañurachin ninmanku”, nispa. Hinaptinmi arman apaq soldadonqa, espadawan tuksiruspa wañurachirqa.

1~Samuel 14:10

Sichum paykuna qayamuwaspanchik “seqamuychik” niptinkuqa seqasunpunim, chaynapim yachasun vencenanchikpaq Tayta Dios yanapawasqanchikta, nispa.

1~Samuel 14:13

Jonatanmi makinwan hapipakustin qespirqa, arman apaqpas qepantam qespirqa. Filisteo soldadokunata Jonatán wichichimuptinmi arman apaqñataq wañuchirqa.