1~Samuel 13:6 - CHUYA QELLQA La Biblia en Quechua de Ayacucho 2012

⁶ Filisteokuna llumpayta atacamuptinmi, Israel runakuna sasachakuypi rikurirurqaku, chaymi machaykunapi, uchkukunapi, qaqakunapi chaynataq chakisqa pozokunapi pakakurqaku.

Quechua Ayacucho Bible 1987

⁶ Israel runakunam llumpay sasachakuypi rikurirurqaku Filistea runakuna ñakarichiptin chaymi machaykunapi, uchkukunapi, qaqakunapi, yarqakunapi hinaspa chakisqa pozokunapi pakakurqaku.

Chuya Qellqa 1992

⁶ Filisteokuna llumpayta atacamuptinmi, Israel runakuna sasachakuypi rikurirurqaku, chaymi machaykunapi, uchkukunapi, qaqakunapi chaynataq chakisqa pozokunapi pakakurqaku.

1~Samuel 13:6 Iomraidhean Croise

2~Samuel 24:14

Chaymi David nirqa: Hatun sasachakuypim rikuriruni. Runakunapa makinman wichiykuyman-taqa Tayta Diospa makinman wichiykuymi aswan allinqa, Diospa kuyapayakuyninqa hatu-hatunmi, nispa.

Isaías 42:22

Chaywanpas kay runakunatam llapa imankuta suwaspa sarunku, machaykunapi hinaspa carcelkunapim presocharunku. Qechuchikuptinkupas manam kanchu paykunamanta nanachikuq, suwachikuptinkupas manam kanchu “qasipuychik” nispa harkaqninku.

Jeremías 41:9

Ismaelmi Gedaliastawan kuskata wañuchisqan runakunapa ayankunata huk pozoman wischuykurqa. Chay pozotam rey Asa ruwachirqa, Israel nacionpa reynin Baasamanta defiendekunanpaq. Chay pozotam Netaniaspa churin Ismael ayakunawan huntarachirqa.

Ezequiel 33:27

Ñoqa Tayta Diospa nisqayta paykunaman kaynata niy: Ñoqaqa sutiyraykum kaynata nini: Purmasqa llaqtakunapi yachaqkunaqa guerrapim wañunqaku, chakrakunapi yachaqkunatañataqmi purun animalkuna mikunqa; qaqakunapi machaykunapi yachaqkunañataqmi peste onqoywan wañunqaku.

Filipenses 1:23

Iskayninmanta mayqanpas akllayqa sasam, ichaqa munaymanmi wañukuspay Cristowanña kuska kayta, chay kaqmi ñoqapaqqa aswan allin kanman.

Hebreos 11:38

Kay pacham mana paykunapaq hinachu karqa, chayraykum chunniqkunapi, wayqokunapi, orqokunapi, machaykunapi hinaspa qaqa uchkukunapi purirqaku.

Josué 8:20

Hai llaqtayuq runakunañataqmi qepankuta qawarispa rikururqaku llaqtankumanta cielokamaraq qosni hoqarikuchkaqta. Chaymi Israelpa tropankuna chunniqman lluptiq tukusqankumanta paykunaman kutiriykamusqanrayku manaña maylawmanpas lluptiyta atirqakuñachu.

Jueces 10:9

Amonitakunaqa Jordán mayutapas chimparuspankum, Judá ayllupa, Benjamín ayllupa hinaspa Efraín ayllupa contranpi pelearqaku. Chaynapim Israel miraykunaqa hatun sasachakuypi tarikurqaku.

Jueces 20:41

Israel castakuna kutiriykuptinkum Benjamín castakunaqa llumpayta mancharikururqaku, paykunapa hawanman hatun sasachakuy chayaramusqanta qawakuykuspanku.

Jueces 6:2

Madianitakunam Israelpa mirayninkunata ñakarichirqaku, hinaptinmi Israelpa mirayninkunaqa orqokunapi machaykunapi, qaqakunapi pakakunanku uchkukunata ruwarqaku.

1~Samuel 13:15

Gilgalmantam Samuelqa pasakurqa Benjamín ayllupa allpanpi Gabaa llaqtaman. Saulñataqmi lliw tropankunata yuparurqa, hinaptinmi yaqa soqta pachak qarikuna kasqaku.

1~Samuel 14:11

Chaymi paykuna Filistea tropakunawan rikurachikurqaku, hinaptinmi chay tropakuna nirqaku: Waqaya hebreo runakunaqa pakakusqanku uchkukunamanta lloqsimuchkanku nispanku.

1~Samuel 14:22

Efraín law orqonkunapi pakakuq Israel tropakunapas Filistea tropakuna ayqesqankuta uyarispankum peleanankupaq qatirqaku.

1~Samuel 23:19

Ichaqa Zif llaqtayuq runakunam Gabaa llaqtaman rispanku Saulman willaykamurqaku: Davidqa allpaykupim Horespi Haquila orqopa qaqankunapi pakakuchkan, chunniqpa sur lawninpi.

1~Samuel 24:3

Richkaspankum chayarurqaku ovejakunapa kanchanman. Chaypa hichpanpim huk machay tarikurqa. Davidmi runankunapiwan chay machaypi pakakuchkarqaku, chaymanmi ispakunanpaq Saúl yaykururqa.

1~Samuel 31:7

Israel tropakunapa ayqekusqanta rikuruspankum chaynataq churinkunapiwan Saúl wañurusqanta yacharuspankum, chay qechwapa waklawninpi yachaq chaynataq Jordán mayupa intipa qespimunan lawninpi yachaq Israel runakuna llaqtankuta saqespa ayqekurqaku. Hinaptinmi filisteokunaña chaykunapi yachakurqaku.

1~Samuel 7:7

Filisteokunam yacharurqaku Israelpa mirayninkuna Mizpa llaqtapi huñunakusqankuta, chaymi filisteokunapa kamachiqninkuna Israel runakunapa contranpi rirqaku; chayta Israelpa mirayninkuna uyariruspankum mancharikurqaku.