1~Samuel 13:5 - CHUYA QELLQA La Biblia en Quechua de Ayacucho 2012

⁵ Filisteokunapas huñunakururqakum Israel tropakunawan peleanankupaq, kimsa chunka waranqa carretakuna, soqta waranqa silladakuna, chakiwan riq soldadokunañataqmi lamar qocha patanpi aqo hinaña mana yupay atina; hinaspam campamentonkuta sayachirqaku Bet-avenpa intipa qespimunan lawnin Micmas llaqtapi.

Quechua Ayacucho Bible 1987

⁵ Filistea runakunapas huñunakururqakumá Israel runakunawan peleanankupaq. Guerrapaq carretakunam Filistea runakunapa kapurqa kimsa chunka waranqa, kapurqataqmi soqta waranqa sillakuq soldadokunapas. Chaki-puri soldadokunañataqmi karqa mana yupay atina aqo hinaña. Filistea runakunamá Micmas llaqtaman rispanku chaypi sayachirqaku campamentonkuta, sayachirqakuqa Bet-aven llaqtapa intipa qespimunan lawninpim.

Chuya Qellqa 1992

⁵ Filisteokunapas huñunakururqakum Israel tropakunawan peleanankupaq, kimsa chunka waranqa carretakuna, soqta waranqa silladakuna, chakiwan riq soldadokunañataqmi lamar qocha patanpi aqo hinaña mana yupay atina; hinaspam campamentonkuta sayachirqaku Bet-avenpa intipa qespimunan lawnin Micmas llaqtapi.

1~Samuel 13:5 Iomraidhean Croise

Génesis 22:17

Anchata bendecispaymi chaskakunata chaynataq lamar qochapa patanpi aqota hinaña mirachisqayki. Miraynikikunam enemigoykikunapi munaychakunqa.

2~Samuel 17:11

Chaynaqa, kaytam consejayki: Dan llaqtamanta qallarispa Beerseba llaqtakama lliw Israel nacionpi soldadokunata huñuruy, paykunaqa lamar qochapa patanpi aqo hinañam kachkanku, ichaqa qampunim guerrapi peleanankupaq pusanki.

1~Reyes 20:27

Israel tropakunapas huñusqa kaspankum mikunankupaq qoqawchakuspa peleaq lloqsirqaku, hinaspam Siria tropakunapa chimpanpi samarurqaku. Paykunaqa iskay atajo cabrakuna hinallam karqaku, Siria tropakunam ichaqa pampapas huntaykuq karqaku.

2~Crónicas 1:9

Chaynaqa, Dios Taytalláy, taytay Davidman prometesqaykiyá cumplikuchun, qanmi ñutu allpa hinaña nana-nanaq runakunapi munaychakunaypaq churaykuwarqanki.

Isaías 10:28

Enemigom Ajat llaqtaman chayaramun, Migrón llaqtakamam pasaramun, Micmas llaqtapim tropanta yupaykun.

Isaías 48:19

Miraynikikunapas manaña yupay atinam kanman karqa, lamar qochapi aqo hinañam kanman karqa, sutinpas manam chinkachisqachu kanman karqa, qayllaymantapas manam chinkachisqachu kanman karqa.

Jeremías 15:8

Lamar qochapi aqomantapas masraqmi viudakunapas kanqa, chawpi punchawtam mamanmanwan wawankunamanpas wañuchiqta kachamusaq, qonqaymantam paykunaman ñakariytawan manchakuyta kacharimusaq.

Oseas 10:5

Bet-avenpi yupaychasqanku qori torillo idolota chinkarachisqankumantam Samaria law runakuna chaynallataq sacerdotenkunapas waqachkanku.

Oseas 4:15

Israelpa mirayninkuna, qamkuna waqllikuspa huchallikuptikichikpas, amayá Judá ayllukunaqa huchallikuchunkuchu. Amaña Gilgal llaqtamanpas riychikñachu, nitaq Bet-avén orqomanpas seqaychikñachu, Tayta Diospa sutinpipas amaña juraychikñachu.

Oseas 5:8

Gabaa llaqtapi cornetata tocaychik, Ramá llaqtapi trompetata tocaychik. Bet-avén llaqtapiwan Benjaminpi, ¡guerra! nispa qapariychik.

Romanos 9:27

Israelpa mirayninmantam profeta Isaías nirqa: Lamar qochapi aqo hinaña kachkaspapas Israelpa mirayninkunaqa wakillanmi salvakunqa.

Josué 11:4

Chay reykunam llapa tropankunawan lloqsirqaku. Paykunaqa lamar qochapa patanpi aqo hinañam karqaku. Guerrapaq caballonkupas, carretankupas mana yupay atinam karqa.

Josué 18:12

Norte lawmanmi karqa Jordán mayumanta qallarispa wichayman Jericó llaqtapa norte lawninkama. Chaymantam orqonkunatakama intipa seqaykunan lawman rispa Bet-avén chunniqkama chayarqa.

Josué 7:2

Josueymi Jericó llaqtamanta runakunata kacharqa Hai llaqtata wateqamunankupaq. Hai llaqtaqa tarikurqa Bet-avén llaqtapa hichpanpim hinaspa Bet-el llaqtapa intipa qespimunan lawninpim. Chay runakunam pasaspanku Hai llaqtata wateqamurqaku.

Jueces 7:12

Chay pampapim madianitakuna, amalecitakuna hinaspa intipa qespimunan lawmanta kaqkuna aqaruway urukuna hinaña achkallay-achka mastarayachkasqaku, camellonkupas lamarpa patanpi aqo hinaña mana yupay atinam kachkasqa.

1~Samuel 13:11

Ichaqa Samuelmi nirqa: ¿Imatataq kayta ruwarunki? nispa. Hinaptinmi Saulñataq nirqa: Runakunam ripukuytaña qallaykurqa, qampas manataqmi rikurimurqankichu. Filistea tropakunapas Micmas llaqtapim huñunakurunku,

1~Samuel 13:2

Israel runakunamanta kimsa waranqa qarikunata akllaykurqa. Chay qarikunamantam iskay waranqa Micmas llaqtapi hinaspa Bet-elpa orqonkunapi Saulwan karqaku, waranqañataqmi Jonatanwan Benjamín ayllupa allpan Gabaa llaqtapi karqaku. Puchuq runakunatañataqmi wasinkuman Saúl aviarurqa.

1~Samuel 14:23

Chaynatam Israel runakunata Tayta Dios libraykurqa chay punchawpi. Chay wañuchinakuymi Bet-avén llaqtakama chayarurqa.

1~Samuel 14:52

Saulpa munaychakuyninpiqa tukuy tiempom filisteokunawan guerra karqa, chaymi Saúl qawaq kallpasapa allinnin qari-qari runakunata, hinaspam paykunata tropankunapaq huñuq.

1~Samuel 17:1

Filisteokunam guerrapaq huñunakururqaku Judá law Soco llaqtapi, hinaspam Efes-damimpi carpakurqaku, Azeca llaqtawan Soco llaqta tupanakuqpi.

1~Samuel 7:13

Filisteokuna chayna humillachisqa karuspankum manaña huktawanqa kutimurqakuchu Israel runakunapa allpanmanqa; Samuelpa wañukunan punchawkamam Diospa makinqa filisteokunapa contranpi karqa.