1~Samuel 13:4 - CHUYA QELLQA La Biblia en Quechua de Ayacucho 2012

⁴ Llapallan Israel runakunam yacharurqaku Filistea tropakunata Saúl vencerusqanta chaynataq filisteokuna Israel runakunata llumpayta cheqnirusqankutapas. Chaymi tropankunawan Gilgal llaqtapi Saúl huñunakurqa.

Quechua Ayacucho Bible 1987

⁴ Llapallan Israel casta runakunam yacharurqaku Saulqa Filistea tropakunapa cuartelninpi vencerusqanta. Yacharurqakutaqmi chay Filistea runakunaqa paykunata cheqnipakurusqankutapas. Chayraykum Saulqa tropankunawan huñunakurqa Gilgal llaqtapi.

Chuya Qellqa 1992

⁴ Llapallan Israel runakunam yacharurqaku Filistea tropakunata Saúl vencerusqanta chaynataq filisteokuna Israel runakunata llumpayta cheqnirusqankutapas. Chaymi tropankunawan Gilgal llaqtapi Saúl huñunakurqa.

1~Samuel 13:4 Iomraidhean Croise

Génesis 34:30

Jacobñataqmi Leviytawan Simeonta nirqa: Cananeokunawan hinaspa ferezeokunawanmi cheqninarachiwankichik, hinaspam penqayman churaruwankichik; chaynaqa huñunakuruspankuchá atacaramuwanqaku, asllataq runaykunapas kachkan, hinaspachá wañurachiwanqaku, aylluykunatapas wañurachinqakuchá, nispa.

Génesis 46:34

Kaynatam ninkichik: “Serviqnikikunaqa warma kasqaykumanta chaynataq ñawpaq taytaykumantapacham animalkuna michiqkunalla kaniku”, nispaykichik. Chaynapim Gosén lawpi yachankichik, Egipto runakunapaqqa millakuypaqmi kasqa oveja michiqkunawan kuskanchakuyqa.

2~Samuel 10:6

Amonpa mirayninkunañataqmi Davidpa cheqnisqanta yachakurus-panku, Siria nacionpi Bet-rehob law-manta, Soba lawmanta iskay chunka waranqa soldadokunata pusachimurqaku; chaynataq Maaca nacionpi reytapas waranqa soldadontinta hinaspa Tob lawmanta chunka iskayniyuq waranqa soldadokunatapas.

Éxodo 5:21

Hinaspankum nirqaku: Tayta Diosyá juzgaspa castigasunkichik. Qamkunapa hawaykichikmantam Faraonwan runankuna cheqnipakuruwaspanku wañuchiwaykupi richkanku, nispa.

Zacarías 11:8

Hinaspam huk killallapi kimsa michiqkunata qarqorurqani. Paykunaqa llumpaytañam cheqniruwarqaku, ñoqapas paqwaytañam paykunata amirurqani.

Josué 5:9

Chaymi Josueyta Tayta Dios nirqa: “Kunanmi qechuykichik Egipto nacionpi sirviente kaspa penqay qepikichikta”, nispa. Chayraykum chay sitiota Gilgalwan suticharqaku. Kunankamapas hina chaynam sutin.

1~Samuel 10:8

Chaymantam Gilgal llaqtaman puntachkanki, chaypim qanchis punchawta suyawanki, hinaptinmi hamuptiy kuskanchik Tayta Diosta yupaychasunchik hawkayay ofrendata qospanchik. Chaypiñam willasqayki imam ruwanaykita, nispa.

1~Samuel 27:12

Chayraykum Davidpi confiakuspan rey Aquis yuyaymanarqa: Davidqa llaqtamasin Israel runakunawanmi cheqnichikuchkan, chaynaqa tukuy tiempoñam ñoqata serviwanqa, nispa.