1~Samuel 13:16 - CHUYA QELLQA La Biblia en Quechua de Ayacucho 2012

¹⁶ Saulmi churin Jonatanpiwan qeparurqa Ben-jamín ayllupa allpan Gabaa llaqtapi. Paykunawantaqmi tropankunapas chaypi qeparurqaku. Filistea tropakunañataqmi Micmas llaqtapi samarurqaku.

Quechua Ayacucho Bible 1987

¹⁶ Saulqa churin Jonatanwanmi qeparurqa Benjamin ayllupa allpan Gabaa llaqtapi. Paykunawantaqmi tropankunapas chaypi quedarqa. Filistea runakunañataqmi samarurqaku Micmas llaqta lawpi.

Chuya Qellqa 1992

¹⁶ Saulmi churin Jonatanpiwan qeparurqa Benjamín ayllupa allpan Gabaa llaqtapi. Paykunawantaqmi tropankunapas chaypi qeparurqaku. Filistea tropakunañataqmi Micmas llaqtapi samarurqaku.

1~Samuel 13:16 Iomraidhean Croise

Isaías 10:29

Mayuta chimparuspam Geba llaqtapi samarunku, Ramá llaqtapi runakunam katkatatachkanku, rey Saulpa llaqtan Gabaapi kaqkunam ayqekuchkanku.

1~Samuel 13:2

Israel runakunamanta kimsa waranqa qarikunata akllaykurqa. Chay qarikunamantam iskay waranqa Micmas llaqtapi hinaspa Bet-elpa orqonkunapi Saulwan karqaku, waranqañataqmi Jonatanwan Benjamín ayllupa allpan Gabaa llaqtapi karqaku. Puchuq runakunatañataqmi wasinkuman Saúl aviarurqa.

1~Samuel 13:3

Jonatanmi Gabaa llaqtapi Filistea tropakunata vencerurqa, chaytam wakin filisteokunañataq yacharurqaku. Hinaptinmi Saulqa cornetakunata tocachirqa Israel nacionpi, “Hebreo runakuna uyarichunku”, nispan.

1~Samuel 14:2

Saulmi tiyachkarqa Gabaa llaqtapa patanpi, granada sachapa sikinpi. Paywantaqmi kachkarqa soqta pachak soldadokunapas.