1~Samuel 13:13 - CHUYA QELLQA La Biblia en Quechua de Ayacucho 2012

¹³ Hinaptinmi Samuel nirqa: ¡Loco hinam kaytaqa ruwarunki! Sichum Tayta Diospa kamachisusqaykita kasukuwaq karqa, hinaptinqa paymi cheqaptapuni Israel nacionpi rey kaynikitapas miraynikikunakama wiñaypaq takyachinman karqa.

Quechua Ayacucho Bible 1987

¹³ Hinaptinmi Samuelñataq nirqa: —¡Loco hinam kaytaqa rurarunki! Sichum kasukuwaq karqa Tayta Diospa kamachisusqaykita hinaptinqa paymi cheqapta takyachinman karqa Israel nacionpi gobiernoykita chaynapi wiñaypaq kananpaq.

Chuya Qellqa 1992

¹³ Hinaptinmi Samuel nirqa: ¡Loco hinam kaytaqa ruwarunki! Sichum Tayta Diospa kamachisusqaykita kasukuwaq karqa, hinaptinqa paymi cheqaptapuni Israel nacionpi rey kaynikitapas miraynikikunakama wiñaypaq takyachinman karqa.

1~Samuel 13:13 Iomraidhean Croise

Génesis 31:28

Churiykunatapas nitaq willkaykunatapas mana muchaykuchkaptiymi ayqeramunki. Muspaypi hinam kaytaqa ruwaramunki.

2~Samuel 24:10

Runakuna yupayta tukuruspanmi sonqonpi ñakakuspan Tayta Diosta David nirqa: Diosnilláy, hatu-hatuntam kay ruwasqaywanqa huchallikuruni, kunanmi ruegakuyki kay serviqnikita pampachaykuwanaykipaq, muspaypi hinam kayta ruwaruni, nispa.

1~Reyes 18:18

Eliasñataqmi nirqa: Ñoqaqa manam Israel naciontaqa chaqwachinichu, aswanqa qanmi chaq-wachirqankiqa, Tayta Diospa kamachikuyninkunata saqeruspa, taytaykipa mirayninkunapiwan kuska Baal idolokunataña qatispaykichik.

1~Reyes 21:20

Chaymi Eliasta rey Acab nirqa: Yaw enemigoy, ¿tariramuwankichu? nispa. Eliasñataqmi nirqa: Arí, tariramuykim, Tayta Diospa qay-llanpim qamqa mana allin ruwayman qokurunki.

1~Crónicas 10:13

Chaynatam Saúl wañurqa Tayta Diospa contranpi huchallikuspan kamachisqankunatapas mana kasukusqanrayku chaynataq layqa warmita tapukuspan

2~Crónicas 16:9

Tayta Diosqa kay pachapi tukuy ima pasakusqantam qawamuchkan, chaynapi paypa qayllanpi allin sonqoyuqkunaman atiyninta qawachinanpaq. Loco hinam kaykunataqa ruwarunki, kunanmantaqa guerrallañam qampa contraykipi kanqa, nispa.

2~Crónicas 19:2

Hinaptinmi Hananipa churin profeta Jehú taripaykuspan rey Josafatta, nirqa: ¿Imanasqataq mana allin ruwaq runakunata yanapanki hinaspa Tayta Dios cheqniqkunata kuyanki? Chayraykum Tayta Diospas qampaq piñakurun.

Jobwan Sutichasqa Libro 34:18

Reykunatapas kamachikuqkunatapas mana allin ruwaqkuna kaptinkuqa, Diosqa mana iskayrayaspam uyankupipuni niykun.

Proverbios 12:8

Runaqa yachayniyuq kasqanraykum alabasqa, mana allin sonqoyuq runam ichaqa despreciasqa.

Proverbios 19:3

Mana yachayniyuq runaqa mana allin ñanman wichiykuspam Tayta Diospaqraq piñakunpas.

Isaías 39:5

Chaymi rey Ezequiasta Isaías nirqa: Tukuy Atiyniyuq Tayta Diospa nisqanta uyariy:

Jeremías 18:10

Chaywanpas sichum chay nacionkuna mana allinkunata ruwaspanku mana kasuwaptinkuqa, allinninkupaq tanteasqay kaqkunawanqa manam yanapasaqñachu.

1~Samuel 1:22

Anam ichaqa mana rirqachu hinaspam qosanta nirqa: Ñoqaqa manam risaqchu wawata anukanaykama. Chaymantañam apaspay Tayta Diosman qomusaq chaypiña wañukunankama kawsananpaq, nispa.

1~Samuel 13:12

chaymi nirqani: “Diospa yanapakuyninta manaraq mañakuchkaptiycha Filistea tropakuna uraykamuspa Gilgal llaqtapi wañurachiwanqaku”, nispay. Chaymi kikiyña kallpanchakuspay animalkunata kañaspay Diosman ofrecerqani.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.

1~Samuel 15:22

Chaymi Samuel nirqa: Imamantapas llalliriqtaqa Tayta Diosqa munan rimarisqan kasukunanchiktam, manam animalkuna ofrecenatachu, nitaqmi wañuchispa kañapunatachu. Sacrificiokunamantapas uywakunapa wiran kañanamantapas aswan allinqa cheqaptapuni kasukuspa Tayta Diosta uyariymi.

1~Samuel 15:28

Hinaptinmi Saulta Samuel nirqa: Kaynatam Tayta Dios llikirun Israel nacionpi munaychakuynikita, qechurususpaykim qoykun qanmantaqa aswan allin runamanña.

1~Samuel 16:1

Tayta Diosmi Samuelta nirqa: ¿Haykapikamataq Saulmanta waqanki? Ñoqaqa Israelpi rey kayninmantam qarqoruniña. Aceite apaykachanayki waqraman aceiteta hillpuspayá Belén llaqtayuq Isaipa wasinman riy, paypa huknin churintam rey kananpaq akllaruni, nispa.

1~Samuel 26:21

Chaymi Saúl nirqa: ¡Churilláy David, reqsikunim huchallikurusqayta! ¡Mana yuyayniyuq hina kaykunata ruwaspaymi huk pantayman wichiykuni! Makikipiña kachkaptiypas manam wañurachiwarqankichu. Chaynaqa, kutikamuyá, manañam ima mana allintapas contraykipiqa maskasaqñachu, nispa.