1~Samuel 12:9 - CHUYA QELLQA La Biblia en Quechua de Ayacucho 2012

⁹ Paykunam ichaqa Diosninkuta qonqarurqaku. Chaymi Tayta Diosqa paykunata, Hazor llaqtapa tropakunata kamachiq Sísara sutiyuq runapa munaychakunanpaqña qoykurqa; qoykurqataqmi Filistea chaynataq Moab casta runakunamanpas, chaynapim paykuna guerrapi karqaku.

Quechua Ayacucho Bible 1987

⁹ Ichaqa chay abuelonchikkunaqa karunchakururqakum yupaychasqanchik Tayta Diosmanta hinaptinmi paykunataqa Sisara sutiyoq runapa munaychakuyninmanña qoykurqa. Chay runaqa karqa Hazor llaqtayoq lliw tropakunapa kamachiqninmi. Diosqa qoykurqataqmi Filistea runakunamanpas chaynataq Moab casta runakunamanpas chaynapim paykunaqa ñawpa abuelonchikkunawan pelearqaku.

Chuya Qellqa 1992

⁹ Paykunam ichaqa Diosninkuta qonqarurqaku. Chaymi Tayta Dios paykunata, Hazor llaqtapa tropakunata kamachiq Sísara sutiyuq runapa munaychakunanpaqña qoykurqa; qoykurqataqmi Filistea chaynataq Moab casta runakunamanpas, chaynapim paykuna guerrapi karqaku.

1~Samuel 12:9 Iomraidhean Croise

2~Samuel 7:11

imaynam Israel llaqtaypi juezkuna churasqay punchawkunapi hinaqa. Ñoqam llapallan enemigoykikunamanta hawkayayta qosqayki, miraynikimantapas reykunam hatarinqa.

Isaías 63:10

Paykunam ichaqa mana kasukuspanku Chuya Espiritunta llakichirqaku; chayraykum enemigonku hina rikurispa paykunapa contranpiña pelearqa.

Jeremías 2:32

¿Yaqachu alhajankunata huk sipas qonqarunman? ¿Yaqachu casarakusqan alhajankunata novia qonqarunman? Llaqtaymi ichaqa unayña ñoqata qonqaruwan.

Deuteronomio 32:18

Israelpa mirayninkuna, amparaqnikichik taytaykichiktam qonqarunkichik, kawsay qosuqnikichik Tayta Diostam qonqarunkichik.

Deuteronomio 32:30

¿Chullalla runa, waranqa runata qatikacharunmanchu? ¿Iskaylla runa, chunka waranqa runata qatikacharunmanchu? Arí atirunmanmi, ichaqa enemigonkuman waqaychaqninku Tayta Dios hapiykachiptillanmi.

Jueces 10:7

Chaymi Israel castakunapa contranpi Tayta Dios piñakuspan, filisteokunamanwan amonitakunamanña qoykurqa.

Jueces 13:1

Israelpa mirayninkunam Tayta Diospa qayllanpi huktawan huchallikururqaku, hinaptinmi tawa chunka watapaq Filistea castakunaman Tayta Dios qoykurqa.

Jueces 2:14

Chayraykum Israel castakunapa contranpi Tayta Dios piñakuruspan suwakunawan llapa imankuta suwachirqa. Muyuriqninkupi enemigonkunaman qoykuptinmi manaña ima ruwakuytapas atirqakuchu.

Jueces 3:12

Israelpa mirayninkunam kasqallan Tayta Diospa qayllanpi mana allinkunata ruwarqaku, chaymi Moab nacionpa reynin Eglonta Israel miraykunapa contranpi Tayta Dios kallpanchaykurqa.

Jueces 3:31

Aodpa qepantañataqmi Anatpa churin Samgarña hatarirqa, paymi torokunata tuksina puyawan filisteokunamanta soqta pachak runakunata wañurachirqa, paypas Israelpa mirayninkunatam librarqa.

Jueces 4:2

chaymi paykunata cananeokunapa reynin Jabinpa makinman Tayta Dios qoykurqa. Jabinqa Hazor llaqtapim munaychakurqa, Sisarañataqmi tropankunapa kamachiqnin karqa, payqa Haroset-goim llaqtapim yacharqa.

1~Samuel 12:15

Tayta Diospa rimarisqanta mana uyarispa kamachikuyninkunatapas mana kasukuptikichikmi ichaqa, ñawpaq taytaykichikta hina Tayta Dios castigasunkichik.