1~Samuel 12:3 - CHUYA QELLQA La Biblia en Quechua de Ayacucho 2012

³ Ñawpaqnikichikpim kachkani, sichum pipa bueyesnintapas, asnontapas hapikuykuptiyqa, pitapas ñakarichiptiyqa, yanqapas-yanqa llakichiptiyqa otaq yanqamanta imatapas chaskikuykuspa upallakuykuptiyqa, kunanyá Tayta Diospa qayllanpi chaynataq reynikichikpa qayllanpi niwaychik. Chayna kaptinqa imam debekusqaytam pagapusqaykichik, nispa.

Quechua Ayacucho Bible 1987

³ Kayqayá kaypi kachkani. Sichum pipa bueyesnintapas otaq pipa asnontapas hapikuykuptiyqa otaq pitapas ñakarichiptiyqa otaq pitapas yanqapas-yanqa llakichiptiyqa chaynataq yanqamanta imatapas chaskikuykuspa upallakuykuptiyqa kunanyá niwaychik Tayta Diospa ñawpaqninpi hinaspa nombrasqan reypa ñawpaqninpi. Chayna kaptinqa pagapusaqpunim imam debekusqayta —nispa.

Chuya Qellqa 1992

³ Ñawpaqnikichikpim kachkani, sichum pipa bueyesnintapas, asnontapas hapikuykuptiyqa, pitapas ñakarichiptiyqa, yanqapas-yanqa llakichiptiyqa otaq yanqamanta imatapas chaskikuykuspa upallakuykuptiyqa, kunanyá Tayta Diospa qayllanpi chaynataq reynikichikpa qayllanpi niwaychik. Chayna kaptinqa imam debekusqaytam pagapusqaykichik, nispa.

1~Samuel 12:3 Iomraidhean Croise

2~Samuel 22:22

Diosniypa yachachikuynintam waqaycharqani, manam huchallikurqanichu nitaqmi Diosmantapas rakikurqanichu.

Nehemías 5:11

Chaynaqa, kunanyá chakrankuta, uvas chakrankuta, olivos chakrankuta hinaspa wasinkutapas kutiykachipuychik. Trigomanta, vinomanta, aceitemanta hinaspa qollqepa miraynin debesusqaykichiktapas amaña mañaychikñachu, nispa.

Éxodo 20:17

Amam munapayankichu runamasikipa wasinta, warminta, criadanta, criadonta, toronta, asnonta nitaq ima kapuqnintapas, nispa.

Éxodo 22:4

Sichum kawsachkaqtaraq suwapa makinpi tarirunqaku torota, asnota otaq ovejata, hinaptinqa chay suwam huk chaynatawanraq sayachipunqa.

Éxodo 23:8

Amam sobornotaqa chaskikunkichu, sobornotaqa allin ruwaqkunatapas pantachinmi, allin ruwaq runakunapa cheqap rimasqantapas qewirunmi.

Proverbios 15:27

Apuyayllata maskaq runaqa wasintam tuñichin, sobornachikuyta cheqniqmi ichaqa kawsakunqa.

Levítico 6:4

chaykunamantam huchayuq kanqa. Chaynaqa, suwakusqanta, negociopi engañasqanta, mana paypa kaqta qechukusqanta, waqaychachikusqan hapikuykusqanta, imapas tarikusqanta chaynataq yanqa jurasqanmantapas lliwtam dueñonman kutichipunqa, hinaspam huchanmanta sacrificiota ofrecewasqan punchawpi pichqaman rakisqapa hukninta yapanqa.

Números 16:15

Hinaptinmi Moisesqa anchata piñakuruspan Tayta Diosta nirqa: Ofrendankutapas ama chaskiychu, paykunapataqa manam asnollankutapas hapikuykurqanichu, nitaqmi paykunataqa imanarqanipaschu, nispa.

Mateo 22:21

Paykunañataqmi nirqaku: Rey Cesarpam, nispanku. Hinaptinmi Jesusñataq nirqa: Cesarpa kaqtaqa paymanyá qoychik, Diospa kaqtañataq Diosman, nispa.

Lucas 19:8

Zaqueoñataqmi sayariykuspan Señorta nirqa: Señor, kapuqniykunatam partenta wakchakunaman qosaq, sichum engañaspay pimantapas suwakusqaytañataqmi tawa kuti mirayniyuqta kutichipusaq, nispa.

Hechos 20:33

Ñoqaqa manam pipa qollqentapas, qorintapas nitaq pachantapas muna-payarqanichu.

2~Corintios 12:14

Kunanqa chayllam kachkani kimsa kutipiña watukaykamunaypaq, ichaqa manam imatapas mañakusqaykichikchu. Manam imapas kapuqnikichik kaqtachu maskani, aswanqa qamkuna maskaqmi hamuni. Tayta-mamankunam churinkunapaqqa qollqeta huñun, manam churinkunachu tayta-mamankupaqqa.

Deuteronomio 16:19

Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sobornotaqa chaskikunkichikchu. Sobornoqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas.

1~Tesalonicenses 2:10

Qamkunapas chaynataq Diospas yachanmi, iñiqkunapa qayllanpiqa allin kaqkunata ruwaspa, Diosllapaqña pipapas mana ima nisqan kawsas-qaykuta.

1~Tesalonicenses 2:5

Yachasqaykichikpi hinapas qamkunataqa manam sumaqllataña rimaspachu alabarqaykiku, nitaqmi qollqeta kuyaspaykuchu rimapayarqaykikupas, Diospas chaytaqa yachanmi.

1~Pedro 5:2

Nanachi-kunaykichikpaq qosusqaykichik Diospa ovejankunatayá michiychik. Chaytaqa Diospa munasqanman hinayá ruwaychik, amayá hikutasqallachu nitaq qollqeraykullachu, aswanqa tukuy son-qoykichikmanta.

1~Samuel 10:1

Chaypim Saulpa umanman aceiteta Samuel talliykurqa, hinaspam muchaykuspan nirqa: Tayta Diosmi kunan churaykusunki Israel runakunapi munaychakuq kanaykipaq

1~Samuel 12:4

Paykunañataqmi nirqaku: Taytáy, qamqa manam yanqamantaqa cargochawarqankikuchu. Nitaqmi yanqapas-yanqaqa llakichiwarqankikuchu. Manataqmi pimantapas qechuwarqankikuchu. Manam pimantapas yanqamantaqa chaskikurqankichu, nispanku.

1~Samuel 12:5

Hinaptinmi Samuel nirqa: Tayta Diosmi akllakusqan reypiwan kunan punchaw testigo, qamkuna mana imatapas tariwasqaykichikmanta, nispa. Paykunañataqmi nirqaku: Arí chaynapunim, nispanku.

1~Samuel 2:35

Ñoqam ichaqa allin sacerdoteyta akllakusaq sonqoyman hinaspa munasqayman hina ruwaqta, mirayninpas allin takyaqmi kanqa; sapaqchakusqay reytam sapa punchaw servinqa.

1~Samuel 24:11

Taytalláy qawarimuy, capaykipa patantam hapichkani, capaykipa patanta kuchuruchkaspaypas manam wañurachirqaykichu. Chaynaqa, reyni-lláy kunanqa yachankim ñoqaqa mana contraykipi huchallikuq kas-qayta; qanmi ichaqa wañuchiwanay-kipaq maskawachkanki.

1~Samuel 24:6

Chaymi runankunata nirqa: Tayta Diosyá reyniyta wañuchinaymanta waqaychawachun. Payqa Tayta Diospa sapaqchakusqanmi, nispa.

1~Samuel 24:7

Chaynata nispam soldadonkunata David harkarurqa Saulman pawaykunankumanta. Chaymi machaymanta lloqsiruspan Saúl pasakurqa.

1~Samuel 26:11

Ñoqataqa Tayta Diosyá waqaychawachun sapaqchakusqan reyta ama wañurachinaypaq. Chaynaqa, lanzantawan yakuyuq aysakunta aparikuspa hakuchik, nispa.

1~Samuel 26:9

Davidñataqmi nirqa: Ama wañuchiychu, Diospa akllasqan reyta wañuchiq runaqa castigasqam kanqa.