1~Samuel 12:22 - CHUYA QELLQA La Biblia en Quechua de Ayacucho 2012

²² Tayta Diosmi ichaqa, sutin hatunchasqa kasqarayku mana saqesunkichikchu. Payqa runankunaña kanaykichiktam munan.

Quechua Ayacucho Bible 1987

²² Tayta Diosmi ichaqa hatun sutinrayku runankunataqa mana saqesunkichikchu. Payqariki runankunaña kanaykichiktam munarqa.

Chuya Qellqa 1992

²² Tayta Diosmi ichaqa, sutin hatunchasqa kasqarayku mana saqesunkichikchu. Payqa runankunaña kanaykichiktam munan.

1~Samuel 12:22 Iomraidhean Croise

1~Reyes 6:13

hinaspaymi Israelpa mirayninkunawan yachasaq, Israelpa mirayninkunataqa manam saqesaqchu, nispa.

1~Reyes 8:57

Señorninchik Tayta Diosyá ñoqanchikwan kachun imaynam ñawpaq taytanchikkunawan kasqanta hina, amayá payqa wischuruwasunchu nitaq saqeruwasunchu.

2~Reyes 14:27

Kay pachamanta Israelpa sutin chinkarachiyta manaraq munaspanmi Joaspa churin Jeroboamwan Israel nacionta Tayta Dios salvarqa.

2~Reyes 21:14

Puchuq runaykunatañataqmi saqeruspay enemigonkunaman qoykusaq, hinaptinmi llapa imankutapas qechuspa apakunqaku.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 15:2

Rey Asawan tupananpaq rispan nirqa: Rey Asa, Judá runakuna hinaspa Benjamín ayllukuna, llapallaykichik uyariwaychik: Tayta Dioswan kaptikichikqa paypas qamkunawanmi kanqa, maskaspaykichikqa tarinkichikmi, saqeruptikichikqa paypas saqerusunkichikmi.

Nehemías 9:17

Manam kasukuyta munarqakuchu, nitaqmi paykunapaq tukuy ima ruwasqaykitapas yuyarirqakuchu, contraykipi hatarispankum, Egipto nacionpi esclavo kayta munaspanku kutinankupaq kamachiqninkuta akllarqaku. Chaywanpas qamqa pampachakuq Diosmi kanki, llampu sonqo hinaspa kuyapayakuqmi kanki, anaqta piñakuq hinaspa kuyapayakuq kasqaykiraykum paykunataqa mana saqerurqankichu.

Éxodo 32:12

Egipto runakunachá ninmanku: “Orqopi wañurachinanpaqmi hinaspa kay pachamanta chinkarachinanpaqmi mana allinta tanteaykuspa hurqorun”, nispanku. Taytáy, piñakuynikitayá taniykachiy, runaykikunataqa ama castigaychu.

Isaías 37:35

Ñoqam kay llaqtata waqaychasaq kikiyraykum chaynata ruwasaq. Serviqniy Davidta kuyasqayraykum chaynata ruwasaq”, nispa.

Isaías 41:17

Wakchakunawan mana imayuqkunam yakuta qallunkupas chakisqa maskachkanku, ichaqa manam tarinqakuchu; chaywanpas ñoqa Tayta Diosmi paykunataqa uyarisaq, Israelpa Diosninqa manam qonqasqaykichikchu.

Isaías 42:16

Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Isaías 43:25

Ñoqam ichaqa Diosniki kasqayrayku lliw mana kasukuynikikunata pampachayki, huchaykikunatapas manañam yuyasaqñachu.

Isaías 43:7

Sutiywan sutichasqakunata, hatunchasqa kanaypaq unanchasqaykunata, ñoqallapaqña kananpaq ruwasqay runaykunatam pusamusaq, nispa.

Isaías 48:11

Kikiyraykum chaykunataqa ruwasaq, sutiytaqa manam pipas qachachanmanchu, ñoqa hina hatunchasqaqa manam pipas kanmanchu.

Isaías 49:15

Tayta Diosñataqmi kaynata nin: ¿Yaqachu ñuñusqan wawata maman qonqarunman? ¿Yaqachu wachakusqan wawata maman qepancharunman? Ichapas mamanqa wawanta qonqarunman, ñoqam ichaqa mana qonqasqaykichikchu.

Isaías 63:8

Tayta Diosmi nirqa: “Cheqaptapunipas llaqtayqa mana llullakuq churiykunam”, nispa. Chayraykum paykunata salvarqa.

Jeremías 14:21

Sutikiraykuyá ama qepanchakuruwaykuchu, munaychakunayki llaqtataqa amayá yanqacharuychu. Ñoqaykuwan pacto ruwasqaykitayá yuyariy, aswanqa nisqaykikunatayá cumpliykuy.

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 14:9

¿Imanasqataq muspaypi runa hina rikurirunki? ¿Imanasqataq allin qari kachkaspa mana ima ruway atiq rikurirunki? Chaywanpas Dios Taytallayku, qamqa ñoqaykuwanmi kachkanki, lliwmi yachanku llaqtayki kasqaykutaqa, amayá saqerullawaykuchu.

Lamentaciones 5:20

¿Imanasqataq pasaypaqta qonqaruwankiku? ¿Imanasqataq unay tiempo saqeruwankiku?

Ezequiel 20:14

Ichaqa manam chaynatachu ruwarqani, chaynapi imaynam Egipto nacionmanta hurqomusqayta qawaq nacionkunapa qayllanpi sutiy mana yanqachasqa kananpaq.

Ezequiel 20:9

Ichaqa manam chaynatachu ruwarqani, chaynapi imaynam Egipto nacionmanta hurqomusqayta qawaq nacionkunapa qayllanpi sutiy mana yanqachasqa kananpaq.

Malaquías 1:2

Tayta Diosmi kaynata nin: Ñoqaqa anchatam kuyarqaykichik, nispa. Qamkunam ichaqa ninkichik: “¿Imay-natataq kuyawarqankiku?” nispaykichik. Tayta Diosñataqmi nin: “Qamkunataqa kuyaykichik imaynam Jacobta kuyasqayta hinam. Esauwan Jacobqa wawqentinmi karqaku, ichaqa Jacobtam kuyarqani,

Mateo 11:26

Arí, Taytalláy, chaynatam munarqanki.

Juan 15:16

Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Romanos 11:1

Chaynaqa, tapukunim: ¿Israel llaqtantaqa Diosqa cheqnirunchu? ¡Manapunim! Ñoqapas Israelpa castanmi kani, Abrahampa mirayninmi, Benjamín ayllumanta kaqmi.

Romanos 11:29

Diosqa kuyakuynin qowasqanchiktaqa manam kutichikunmanchu, nitaqmi qayakuynintapas qechuwachwanchu.

1~Corintios 4:7

Chaynaqa, ¿pitaq wakinmanta allin reqsisqa kanaykipaq ruwasurqanki? ¿Imataq Diospa mana qosusqayki? Pay qochkasuptikiqa, ¿imanasqataq mana chaskiq hinaqa alabakunki?

Efesios 1:12

Ñawpaqmantaraqmi Cristopi suyarqanchik, chaynapi ñoqanchiktakama hatun atiyniyuq Dios yupaychasqa kananpaq.

Efesios 1:6

Kaytaqa ruwarqa hatu-hatun kuya-payakuyninwan Churinrayku bendeciwasqanchikmanta Diosta sapa kuti yupaychananchikpaqmi.

Deuteronomio 14:2

Qamkunaqa Señornikichik Tayta Diospa chuya llaqtanmi kankichik. Kay pachapi llaqtakunamantam payllapaqña kanaykichikpaq akllasurqankichik.

Deuteronomio 31:17

Hinaptinmi contrankupi piñakuruspay paykunata saqerusaq. Qepancharuptiymi puchukaytaña qallaykunqaku. Chaymi hatun sasachakuypi hinaspa hatun ñakariypi kaspa ninqaku: “Kay ñakariykunaqa hamuruwanchik Tayta Dios manaña ñoqanchikwan kasqanraykum”, nispanku.

Deuteronomio 31:6

Chaynaqa, kallpanchakuspa qarinchakuychik. Ama paykunata manchakuychikchu, amataq katkatataychikchu; Señornikichik Tayta Diosmi qamkunawan richkan, manam payqa saqerusunkichikchu nitaqmi qonqasunkichikchu.

Deuteronomio 31:8

Tayta Diosmi ñawpaqnikita rispan qanwan kanqa. Manam saqesunkichu nitaqmi qonqasunkichu, chaynaqa ama manchakuychu nitaq hukmanyaychu, nispa.

Deuteronomio 7:6

Qamkunaqa Señornikichik Tayta Diospa sapaqchakusqan llaqtanmi kankichik. Tayta Diosmi kay pachapi llaqtakunamanta akllasurqankichik paypa kuyasqan llaqta kanaykichikpaq.

Deuteronomio 9:5

Manam allin ruwaq runakuna otaq allin sonqoyuq kasqaykichikraykuchu paykunapa allpanmanqa pusasunkichik. Aswanqa Señornikichik Tayta Diosmi chay runakunataqa mana allinkuna ruwasqankumanta qarqonqa, chaynata ñawpaq taytaykichik Abrahamman, Isaacman hinaspa Jacobman jurasqanta cumplinanpaq.

Filipenses 1:6

Yachanipunim, qamkunapi allinkuna qallariq Diosninchikqa Jesucristo kutimunankama chay qallarisqanta tukunanta.

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

Josué 7:9

Canaán castakunawan kay allpapi yachaqkunachiki uyariruspanku muyuruwanqaku, hinaspachiki sutiykutapas kay pachamanta chinkarachinqaku. Hinaptinqa, ¿imatataq ruwanki ancha reqsisqa sutiki mana penqaypi kananpaq? nispa.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.