1~Samuel 12:11 - CHUYA QELLQA La Biblia en Quechua de Ayacucho 2012

¹¹ Hinaptinmi Tayta Dios kachamurqa Jerobaalta, Baracta, Jefteyta hinaspa ñoqatapas, enemigoykichikkunamanta librasqa kanaykichikpaq. Chaynapi qamkuna hawka kawsanaykichikpaq.

Quechua Ayacucho Bible 1987

¹¹ —Hinaptinmi Tayta Dios kachamurqa Jerobaalta, Baracta, Jefteyta hinaspa ñoqa Samueltapas chaynapi enemigoykichikkunamanta librasunaykichikpaq. Hinaptinñam qamkunaqa hawka kawsakurqankichik.

Chuya Qellqa 1992

¹¹ Hinaptinmi Tayta Dios kachamurqa Jerobaalta, Baracta, Jefteyta hinaspa ñoqatapas, enemigoykichikkunamanta librasqa kanaykichikpaq. Chaynapi qamkuna hawka kawsanaykichikpaq.

1~Samuel 12:11 Iomraidhean Croise

2~Reyes 13:5

Chaymi Israel nacionman libraqninta Tayta Dios qoykuptin Siria nacionmanta librakuruspanku ñawpaqta hina wasinkupiña hawka yachakurqaku.

1~Crónicas 7:17

Ulampa churinmi karqa Bedán. Paykunam karqaku Galaadpa churinkuna. Galaadqa karqa Maquirpa churinmi, Maquirñataqmi Manasespa.

Jueces 4:6

Neftalí law Cedes llaqtayuq Abinoampa churin Baracta qayarachimuspanmi Débora nirqa: Israelpa Diosninmi kamachisunki, Tabor orqoman rispayki Neftaliypa chaynataq Zabulonpa mirayninkunamanta chunka waranqa runakunata huñumunaykipaq.

Jueces 6:14

Chaymi Gedeonta Tayta Dios nirqa: Kallpaykiman hinayá Israelpa mirayninkunata madianitakunamanta libramuy. Ñoqam qamta kamachiki, nispa.

Jueces 6:31

Hinaptinmi contranpi kaq runakunata Joás nirqa: ¿Baal idolota nanachikuspachu pay-rayku peleankichik? Pipas payrayku peleaqqa manaraq achikyachkaptin wañuchun. Sichum Baal dios kaspaqa kikinyá altarnin tuñichiqwan peleachun, nispa.

Jueces 6:32

Chay punchawmantam Gedeonta Jerobaalwan suticharqaku, Jerobaal ninanqa “Baal paywan peleachun”, ninanmi; chaynataqa suticharqaku Baalpa altarninta tuñirachisqanraykum.

Jueces 7:1

Paqarinnintin tutapayta hatariruspankum, Jerobaalwan sutichasqa Gedeón hinaspa paywan kaq llapallan runakuna, Harod pukyupa waqtanpi carpankuta sayachirqaku. Madianita-kunapa campamentonñataqmi paykunapa norte lawninpi More moqopa hichpan qechwapi tarikurqa.

Jueces 8:29

Joaspa churin Jerobaalwan sutichasqanku Gedeonmi wasinman pasakuspan chaypi yacharqa.

Jueces 8:35

Manataqmi reqsikurqakuchu Israel castakunapaq Jerobaalwan sutichasqa Gedeonpa tukuy allinkuna ruwasqantapas.

1~Samuel 3:20

Chaymi Israelpa llapallan mirayninkuna, Dan llaqtamanta qallaykuspan Beerseba llaqtakama yacharqaku Samuelqa cheqap profeta kasqanta.

1~Samuel 7:13

Filisteokuna chayna humillachisqa karuspankum manaña huktawanqa kutimurqakuchu Israel runakunapa allpanmanqa; Samuelpa wañukunan punchawkamam Diospa makinqa filisteokunapa contranpi karqa.