1~Samuel 11:7 - CHUYA QELLQA La Biblia en Quechua de Ayacucho 2012

⁷ Chaymi iskay torokunata hapiykuspan chika-chikanta kuchuparuspan, chay willakuqkunawan Israel nacionman kaynata nispan apachirqa: “Kaynatam ruwanqa Saulwan chaynataq Samuelwan guerraman mana lloqsimuy munaq runapa toronkunawan”, nispa. Tayta Diosmanta manchakuy paykunaman huntaykuptinmi, chulla runa hinalla lloqsirqaku.

Quechua Ayacucho Bible 1987

⁷ Chaymi iskay bueyesta hapiykuspan chika-chikanta kuchuparurqa. Hinaspam chay kuchupasqa bueyespa partenkunata willakuqkunawan apachirqa enteron Israel nacionman. Chay willakuqkunam kaynata nirqaku: —Saultawan Samuelta yanapananpaq mana lloqsimuq runapa bueyesninkunaqa kayna kuchupasqam kanqa —nispan. Llapallan runakuna llumpayllataña mancharikuruspankum chulla runa hinalla lloqsirqaku.

Chuya Qellqa 1992

⁷ Chaymi iskay torokunata hapiykuspan chika-chikanta kuchuparuspan, chay willakuqkunawan Israel nacionman kaynata nispan apachirqa: “Kaynatam ruwanqa Saulwan chaynataq Samuelwan guerraman mana lloqsimuy munaq runapa toronkunawan”, nispa. Tayta Diosmanta manchakuy paykunaman huntaykuptinmi, chulla runa hinalla lloqsirqaku.

1~Samuel 11:7 Iomraidhean Croise

Génesis 35:5

Chaymanta ripuptinkum muyuriqninku llaqtakunaman Diosmanta hamuq hatun manchakuy yaykururqa, chaynapim Jacobpa churinkunata manaña qatirqakuchu.

2~Crónicas 14:14

Chaymantam Gerar llaqtapa muyuriqninpi llapallan llaqtakunata atacarurqaku, Tayta Diospa ruwasqanwanmi chaykunapi yachaqkuna mancharikururqaku. Judá runakunam llapallan llaqtakunapa tukuy imankuta qechurqaku chaypi achkallaña llapa imakuna kasqanrayku.

2~Crónicas 17:10

Judá nacionpa muyuriqninpi nacionkunam Tayta Diosta manchakururqaku, chayraykum rey Josafatpa contranpi mana peleayta munarqakuchu.

2~Crónicas 19:7

Chaynaqa, Tayta Diosta kasukuspaykichikyá allinta ruwaychik, Tayta Diosqa manam munanchu mana allin ruwaq kanaykichiktaqa, nitaq pimanpas sayapakuspa soborno chaskinaykichiktapas, nispa.

Isaías 8:13

Tukuy Atiyniyuq Tayta Diosllata chuyapaqqa hapiychik, payllata kasukuspa hatunchaychikpas.

Jueces 19:29

Wasinman chayaruspanmi cuchillota hapiykuspan, warminpa ayanta chunka iskayniyuqman kuchuparurqa, hinaspam Israel nacionpi sapa aylluman apachirqa.

Jueces 20:1

Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.