1~Samuel 11:6 - CHUYA QELLQA La Biblia en Quechua de Ayacucho 2012

⁶ Chayta uyariykuptinmi Saulman Diospa Espiritun huntaykurqa, hinaptinmi llumpa-llumpayta piñakururqa.

Quechua Ayacucho Bible 1987

⁶ Chayta uyariykuptinmi Saulman Diospa Espiritun huntaykurqa hinaptinmi chay ratopi payqa llumpa-llumpayta piñakururqa.

Chuya Qellqa 1992

⁶ Chayta uyariykuptinmi Saulman Diospa Espiritun huntaykurqa, hinaptinmi llumpa-llumpayta piñakururqa.

1~Samuel 11:6 Iomraidhean Croise

Éxodo 32:19

Moisesmi campamentoman chayaruspan rikururqa malta torillotawan runakunapa tususqanta, chaymi hapisqan tabla rumikunata piñakuywan chamqarurqa, hinaptinmi orqopa sikinpi pakipakururqa.

Números 12:3

Moisesqa llapallan runakunamantapas llumpay uchuychakuqmi karqa.

Marcos 3:5

Chaymi Jesusqa muyuriqninpi kaqkunata piñasqallaña qawarispan rumi sonqo kasqankumanta llakikurqa; chay runatañataqmi nirqa: Makikita haywariy, nispa. Haywariykuptillanmi makin sanoyarurqa.

Efesios 4:26

Piñakuspaqa amataqyá huchallikuychikchu, amayá inti seqaykunankamaqa piñakuruychikchu.

Jueces 11:29

Tayta Diospa Espiritun Jefteyta yanapaptinmi Galaad hinaspa Manasés lawninta pasarqa. Chaymantam Galaad lawpi Mizpa llaqtaman chayarurqa. Mizpa llaqtamantañataqmi Amonpa mirayninkunapa kasqanman rirqa.

Jueces 13:25

Zora llaqtamanta Estaol llaqtaman rinapi, Dan ayllupa campamentonkunapi Sansón kachkaptinmi Tayta Diospa Espiritun paypi llamkayta qallaykurqa.

Jueces 14:6

Chaymi Sansonman Tayta Diospa Espiritun huntaykuptin, yaqa uña cabrata tisapachkaq hina mana imallawan tisaparurqa. Ichaqa manam chay ruwasqanta tayta-mamanman willakurqachu.

Jueces 15:14

Lehi lawman chayarachimuptinkum Sansonwan tupanankupaq filisteokuna kusikuymanta qaparistin lloqsimurqaku, ichaqa Sansonman Tayta Diospa Espiritun huntaykuptinmi brazonkunapi chaqnasqa waskakunata rupasqa lino waskata tipichkaq hinalla tipirurqa, hinaptinmi makinkunamanta wichirurqa.

Jueces 3:10

Otonielman Tayta Diospa espiritun huntaykuptinmi Israel miraykunata kamachispan guerrapi peleaq lloqsirqa, hinaptinmi Siria nacionpa reynin Cusan-risataimta Otonielpa makinman Tayta Dios churaykuptin vencerurqa.

Jueces 6:34

Hinaptinmi Tayta Diospa Espiritun Gedeonta huntaykuptin trompetata tocarqa, chaymi Abiezer castakuna payman hukllawakuykurqaku.

1~Samuel 10:10

Chaymantam criadonpiwan Saúl pasaspan chayarurqa Gabaa sutiyuq llaqtaman, chaypim profetakunawan tupanakururqaku. Hinaptinmi Saulman Diospa Espiritun huntaykuptin paykunawan kuska profetizarqa.

1~Samuel 10:6

Chaymi Tayta Diospa Espiritun qanman huntaykusuptiki paykunawan kuska profetizayta qallaykunki, hinaspam musoq runaña rikurirunki.

1~Samuel 16:13

Chaymi Samuel, waqrapi aceiteta hapiykuspan wawqenkunapa qayllanpi Davidpa umanman talliykurqa; Chay punchawmantam Davidman Diospa Espiritun huntaykurqa. Chaymantam Samuelqa Ramá llaqtaman kutikurqa.

1~Samuel 16:14

Tayta Diospa Espiritunmi Saulmanta anchurikururqa, hinaptinmi Tayta Diospa kachamusqan mana allin espíritu Saulta ñakarichirqa.