1~Samuel 11:2 - CHUYA QELLQA La Biblia en Quechua de Ayacucho 2012

² Hinaptinmi Amón casta runakunapa reynin Nahasñataq nirqa: Sapakamapa alleq ñawikichikta hurqonay kaptinmi qamkunawanqa contratota ruwasaq. Chayta ruwaspaymi lliw Israel runakunata penqayman churasaq, nispa.

Quechua Ayacucho Bible 1987

² Hinaptinmi chay Amon casta runakunapa reynin Nahasñataq nirqa: —Sapakamapa alleq ñawikichikta horqonay kaptinqa allinmi, qamkunawanmi contratota rurasaq. Chayta ruraspayqa munachkani lliw Israel casta runakuna penqayman churaytam —nispa.

Chuya Qellqa 1992

² Hinaptinmi Amón casta runakunapa reynin Nahasñataq nirqa: Sapakamapa alleq ñawikichikta hurqonay kaptinmi qamkunawanqa contratota ruwasaq. Chayta ruwaspaymi lliw Israel runakunata penqayman churasaq, nispa.

1~Samuel 11:2 Iomraidhean Croise

Génesis 34:14

nirqaku: Manam kaytaqa ruwaymankuchu, paniykutaqa manam qoymankuchu qari kaynin mana señalasqa runakunamanqa, chayqa ñoqayku ukupiqa huk hatun penqaymi.

2~Reyes 18:31

Hinaptinqa amayá Ezequiaspa chayna nisqantaqa kasuychikchu, Asiria nacionpa reyninmi kaynata nin: “Ñoqawan allinyanakuspa qayllaypi uchuychakuychik, chaynata ruwaspaqa sapakamam uvasnikichikpa chaynataq higosnikichikpa rurunta mikunkichik, sapakamataqmi pozoykichikpi yakutapas tomankichik,

Éxodo 3:6

Diosqa nirqataqmi: Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa. Chaymi Diosta qawaykuyta manchakuspan uyanta Moisés tapakuykurqa.

Proverbios 12:10

Allin ruwaq runaqa uywankunatapas nanachikunmi, mana allin runam ichaqa mana llakipayanchu.

Jeremías 39:7

Sede-quiastañataqmi ñawinkunata hurqorachispan bronce cadenakunawan watasqata Babilonia nacionman aparqa.

Números 16:14

¿Maytaq chay tukuy imapa kanan chaynataq tukuy imapa qespinan allpa? ¿Haykapitaq chakrakunatapas hinaspa uvas huertakunatapas qowankiku? ¿Ñawsakunata hinachu llapallaykuta pusaykachawankiku? ¡Manam qayllaykimanqa hamusaqkuchu! nispa.

Jueces 16:21

Filisteokunañataqmi Sansonta hapiruspanku ñawinkunata hurqorurqaku, hinaspam Gaza llaqtaman aparqaku, chaypim broncemanta cadenawan wataruspanku carcelpi kaq molinopi kutachirqaku.

1~Samuel 11:10

Hinaspam enemigonku Amón runakunapa reynin Nahasta nirqaku: Paqarinmi makikiman churakusaqku munasqaykiman hina ñoqaykuwan ruwanaykipaq, nispa.

1~Samuel 12:12

Ichaqa Amonpa reynin Nahasta contraykichikpi peleaq hamuqta rikuspam huk reyta qonaypaq mañakuwarqankichik, yupaychasqanchik Diospuni reyninchik kachkaptinmi huk munaychakuqtaraq mañakuwarqankichik.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.