1~Samuel 11:13 - CHUYA QELLQA La Biblia en Quechua de Ayacucho 2012

¹³ Chaymi Saulñataq nirqa: Kunan punchawqa manam pipas wañunqachu. Kunanqa Diosmi Israel runakunata libraykuwanchik, nispa.

Quechua Ayacucho Bible 1987

¹³ Chaymi Saulñataq nirqa: —Kunan punchawqa manam pipas wañunqachu. Kunanqariki Tayta Diosmi libraykuwanchik lliw Israel casta runakunata —nispa.

Chuya Qellqa 1992

¹³ Chaymi Saulñataq nirqa: Kunan punchawqa manam pipas wañunqachu. Kunanqa Diosmi Israel runakunata libraykuwanchik, nispa.

1~Samuel 11:13 Iomraidhean Croise

2~Samuel 19:22

Chaymi David nirqa: Sarviapa wawankuna, manam kayqa qamkunapa sasachakuynikichikchu, ¿imanasqataq qamkunaqa contraypi rikurirunkichik? Kunanqa yachakunim Israel nacionpi rey kasqayta, chaynaqa, ¿yaqachum kunan punchaw Israel nacionpi pipas wañunman? nispa.

2~Samuel 19:23

Chaymi Simeita juraspan rey nirqa: Manam wañunkichu, nispa.

2~Samuel 23:10

Eleazarmi ichaqa sunita sayaykuspa Filistea soldadokunata makinpas utinankama wañuchirqa makinpas espadanman laqakunankama. Tayta Diosmi yanapaykurqa chay punchawpi vencenanpaq, chaymi Israel soldadokunaqa Eleazarpa kasqanman kutirqaku wañuqkunapa llapa imankupas hoqarikuqllaña.

Éxodo 14:13

Chaymi runakunata Moisés nirqa: Ama manchakuychikchu, allinta sayaychik hinaspa Tayta Diospa salvawasqanchikta kunan qawaychik, wak Egipto runakuna qawasqaykichiktaqa manañam haykapipas rikunkichikñachu.

Éxodo 14:30

Chaynatam Tayta Diosqa Israel runakunata chay punchawpi salvarurqa Egipto runakunamanta. Israel runakunam Egipto tropakunata rikurqaku lamar qochapa patanpi wischu-wischu wañusqata.

Isaías 59:16

Tukuy chaykunata allichaq mana kasqanmantam Tayta Dios hukmanyarurqaraq, chaymi kikinpa atiyninwanña salvarqa, allinkuna ruwasqanwanmi takyachirqa.

1~Corintios 15:10

Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

1~Samuel 10:27

Ichaqa mana allin runakunam Saulta kamispa nirqaku: ¿Imaynataqsi kay runaqa salvawasunchik? nispankum despreciarqaku, hinaspam ima regalollatapas mana aparqakuchu, Saulmi ichaqa mana uyariqpas tukurqachu.

1~Samuel 14:45

Hinaptinmi runakunañataq Saulta nirqaku: ¡Manam Jonatanqa wañunmanchu! payqa ñoqanchik Israel runakunatam libraykuwanchik, kawsaq Tayta Diosraykum Jonatanpaqa huk chukchallanpas mana pampamanqa wichinqachu. Payqa Diospa yanapakuyninwanmi ruwarun, nispanku. Chaynatam Jonatantaqa wañunanmanta Israel runakuna librarurqaku.

1~Samuel 19:5

Payqa wañuytapas mana manchakuspam chay filisteo runatapas wañuchirqa. Chaynatam llapallan Israel runakunata Tayta Dios libraykurqa. Chayta qawaspam qampas kusikurqanki. Chaynaqa, ¿imanasqataq inocente runata wañuchiypi riwaq? Amayá munaychu yanqamanta Davidta wañuchiytaqa, nispa.