1~Samuel 10:27 - CHUYA QELLQA La Biblia en Quechua de Ayacucho 2012

²⁷ Ichaqa mana allin runakunam Saulta kamispa nirqaku: ¿Imaynataqsi kay runaqa salvawasunchik? nispankum despreciarqaku, hinaspam ima regalollatapas mana aparqakuchu, Saulmi ichaqa mana uyariqpas tukurqachu.

Quechua Ayacucho Bible 1987

²⁷ Ichaqa mana allin runakunam kamirqaku: —Imaynataqsi kay runaqa salvawachwanchik —nispa. Manam ima regalollatapas aparqakuchu. Saulmi ichaqa upallakuykuspan mana uyariqpas tukurqachu.

Chuya Qellqa 1992

²⁷ Ichaqa mana allin runakunam Saulta kamispa nirqaku: ¿Imaynataqsi kay runaqa salvawasunchik? nispankum despreciarqaku, hinaspam ima regalollatapas mana aparqakuchu, Saulmi ichaqa mana uyariqpas tukurqachu.

1~Samuel 10:27 Iomraidhean Croise

2~Samuel 20:1

Gilgal llaqtapim huk mana allin runa tarikurqa, paymi karqa Benjamín ayllumanta Bicripa churin Seba. Paymi trompetata tocaspan qaparirqa: Israel runakuna ¡Davidwanqa manam ima ruwananchikpas kanñachu, Isaipa churinwanqa manam herenciapas rakinakunanchikpaq kanñachu! ¡Wasikichikman sapakama ripukusunchik! nispa.

2~Samuel 8:2

Moab tropakunatapas venceruspanmi pampaman siriykachispan cordelwan tupurqa; cordelwan iskay kuti tupusqapi kaqkunam wañuchisqa karqaku, cordelwan huk kuti tupusqapi kaqkunañataqmi kawsarqaku. Moab runakunapi David munaychakuptinmi impuestota pagarqaku.

1~Reyes 10:25

Llapallankum qorita, qollqeta serviciokunata, sumaq pachakunata, armakunata, miski asnaq perfumekunata, caballokunata hinaspa mulakunata regalanankupaq sapa wata apamuqku.

1~Reyes 4:21

Salomonmi munaychakurqa Eufrates mayumanta qallaykuspa Filistea nacionkama hinaspa Egipto nacionwan tupanakuqkama. Paykunam impuestota pagaspanku rey Salomonta wañukunankama servirqaku.

1~Reyes 5:1

Tiro llaqtapa reynin Hirammi yacharurqa Davidpa rantinpi churin Salomontaña rey kananpaq churarusqankuta, chayraykum serviqninkunata Salomonman kachamurqa. Hiramqa tukuy tiempom Davidwan llumpay amigo karqaku.

2~Crónicas 13:7

Jeroboammanmi hukllawakururqa mana allin runakunawan qella runakuna, paykunam Salomonpa churin Roboampa contranpi hoqarikururqaku, Roboamñataqmi warmallaraq kaspa mana tanteakuq kasqanrayku mana imayna rimarikuyta atirqachu.

2~Crónicas 17:5

Chayraykum paypa munaychakuyninta Tayta Dios takyachirqa; Judá runakunapas regalokunatam qorqaku, chaynapim payqa achka kapuqniyuq kaspan ancha reqsisqa karqa.

Eclesiastés 7:21

Amayá lliw rimasqankutaqa kasuychu, chaynapim criadoykipa rimakususqaykitapas mana uyarinkichu.

Isaías 36:21

Uyariqnin runakunañataqmi upallalla kaspanku mana imatapas nirqakuchu. Reymi paykunata kamachirqa: Amam kutipakunkichikchu, nispa.

Mateo 2:11

Chaymi wasiman yaykuykuspanku wawatawan maman Mariata tariykurqaku hinaspam qonqorakuykuspa wawata hatuncharqaku, chaymantam qepinkuta kichaspa apamusqanku qorita, inciensota hinaspa miski asnaq mirrata qorqaku.

Hechos 7:35

Kay Moisestam paykuna qepanchaspanku kaynata nirqaku: “¿Pitaq qamtaqa ñoqaykupa kamachiqniyku hinaspa juezniyku kanaykipaq churasurqanki?” nispanku. Ichaqa Diosmi payta kacharqa kamachiqninku hinaspa libraqninku kananpaq tankar kichkapi rikuriqnin angelnintakama.

1~Samuel 11:12

Hinaptinmi Samuelta Israel runakuna nirqaku: ¿Pikunataq manam Saulqa reyninchikqa kanmanchu nispa nirqaku? ¡Chay runakunata qomuwayku wañuchinaykupaq! nispanku.

1~Samuel 11:13

Chaymi Saulñataq nirqa: Kunan punchawqa manam pipas wañunqachu. Kunanqa Diosmi Israel runakunata libraykuwanchik, nispa.

1~Samuel 16:20

Chaymi Isaiyqa churin Davidta kacharqa rey Saulman, kikinwantaqmi apachirqa asnonpi tanta cargata, puyñupi vinota chaynataq uña cabrachatapas.

1~Samuel 2:12

Eliypa churinkunam karqaku mana allin ruwaqkuna. Paykunaqa manam Diosta manchakurqakuchu,

1~Samuel 25:17

Ichaqa rumi sonqo qosaykim mana pipa rimapayaykunan. Chaynaqa, mamalláy, qamyá tantearispa imallatapas ruway, mana chayqa ima mana allintapas Davidqa ruwanmanmi, Nabalta chaynataq ayllunkunatapas, nispa.