1~Samuel 10:22 - CHUYA QELLQA La Biblia en Quechua de Ayacucho 2012

²² Hinaptinmi Tayta Diosta huktawan tapurqaku: ¿Chayaramunñachu chay runa? nispanku. Tayta Diosñataqmi nirqa: Payqa cargakunapa chawpinpim pakakurun, nispa.

Quechua Ayacucho Bible 1987

²² Hinaptinmi huktawan Tayta Diosta tapurqaku: —¿Chayaramunñachu chay runaqa? —nispa. Chaymi Tayta Dios nirqa: —Payqa cargakunapa qepanpim pakarayachkan —nispa.

Chuya Qellqa 1992

²² Hinaptinmi Tayta Diosta huktawan tapurqaku: ¿Chayaramunñachu chay runa? nispanku. Tayta Diosñataqmi nirqa: Payqa cargakunapa chawpinpim pakakurun, nispa.

1~Samuel 10:22 Iomraidhean Croise

Génesis 25:22

Chaymi wawankuna wiksan ukupi peleakuptinku nirqa: ¿Imapaqtaq kawsasaq kayna kaptinqa? nispa. Chayraykum Tayta Diosta tapurqa.

2~Samuel 2:1

Chaykuna pasaruptinmi Tayta Diosta David tapurqa: ¿Yaqachu Judá lawpi hukkaqnin llaqtaman riyman? nispa. Chaymi Tayta Dios nirqa: Riy, nispa. Huktawanmi David tapurqa: ¿Mayqan llaqtamantaq risaq? nispa. Tayta Diosñataqmi nirqa: Hebrón llaqtamanmi, nispa.

2~Samuel 21:1

Davidpa tiempopim kimsa watan-tin muchuy karqa, chaymi David tapuptin Tayta Dios nirqa: Kay muchuyqa Saulwan runankuna Gabaón llaqtayuq runakunata wañu-chisqankumantam, nispa.

Números 27:21

Sacerdote Eleazarpa ñawpaqninpi Josué sayaykuptinmi paypaq Urim rumintakama Eleazar tapuwanqa. Josueymi Israelpa llapallan mirayninkunaman tukuy ima ruwanankuta kamachinqa, nispa.

Lucas 14:11

Pipas hatunchakuqqa uchuy-chasqam kanqa, uchuychakuqñataqmi hatunchasqa kanqa.

Jueces 1:1

Josué wañukuptinmi, Tayta Diosta Israelpa mirayninkuna kaynata tapurqaku: ¿Mayqanniykutaq puntata risaqku cananeokunawan peleamunaykupaq? nispanku.

Jueces 20:18

Israelpa mirayninkunam Diosta tapukunankupaq Bet-el llaqtaman rirqaku: ¿Mayqanniykutaq Benjaminpa mirayninkunawan peleaq puntata rinqa? nispanku. Chaymi Tayta Dios nirqa: Judá castakunam rinqaku, nispa.

Jueces 20:23

Chaynataqa ruwarqaku Israelpa mirayninkuna tutaykuqkama Tayta Diospa qayllanpi waqasqankuraykum, chaypim Tayta Diosta kaynata tapurqaku: ¿Huktawanchu castamasiyku Benjamín aylluwan peleaq risaqku? nispanku. Hinaptinmi Tayta Dios nirqa: Riychik, nispa.

1~Samuel 10:21

Hinaspam Samuelqa kamachirqa Benjamín ayllu castankunaman hina asuykunankupaq. Hinaptinmi Matripa castan akllasqa karqa. Chay castamantañataqmi Cispa churin Saúl akllasqa karqa, chaymi payta maskaspa mana tarirqakuchu.

1~Samuel 14:37

Hinaptinmi Tayta Diosta Saúl tapurqa: ¿Qatikachaymankuchu filisteokunata? ¿Yaqachum makiykuman churaykamunki? nispa. Ichaqa Diosmi chay punchaw mana imallatapas nirqachu.

1~Samuel 15:17

Hinaptinmi Samuel nirqa: Mana valeqpaq kikikita qawakuchkaspapas qamqa kanki Israel ayllukunapa kamachiqninmi. ¿Manachu yacharqanki Diospuni Israel casta runakunapa reynin kanaykipaq sapaqchasusqaykita?

1~Samuel 22:10

Chaypim sacerdote Ahimelec Davidpaq Tayta Diosta tapurqa, hinaspam mikuytapas qoykurqa, qoykurqataqmi filisteo Goliatpa espadantapas, nispa.

1~Samuel 23:9

Chayta yacharuspanmi Sacerdote Abiatarta David nirqa: Efodta aparamuy, nispa.

1~Samuel 30:7

Ahimelecpa churin sacerdote Abiatarta David nirqa: Ama hina kaspayki Diosninchik tapuna efodta aparamuway, nispa. Chay efodta Abiatar aparamuptinmi,

1~Samuel 30:8

Tayta Diosta David tapurqa: ¿Qatisaqchu icha manachu chay suwa runakunata? ¿Yaqaraqchu hayparuyman? nispa. Chaymi Tayta Dios nirqa: ¡Qatiypuni, paykunataqa hayparunkim, hinaspam presokunatapas libramunki! nispa.

1~Samuel 9:21

Chaymi Saúl nirqa: ¿Imanasqataq chaynata niwanki? ¿Manachum ñoqaqa kani Israelpi llapallan ayllukunamanta taksan kaq Benjamín castamanta? Hinaptinqa, ¿imanasqamá chaykunataqa niwanki? nispa.