1~Samuel 10:11 - CHUYA QELLQA La Biblia en Quechua de Ayacucho 2012

¹¹ Ñawpaqmanta reqsiqninkunañataqmi profetakunawan kuskata rikuruspanku kaynata ninakurqaku: ¿Imataq Cispa churin Saulta pasarun? Paypas profetañam kasqa, nispanku.

Quechua Ayacucho Bible 1987

¹¹ Ñawpaqmanta llapallan reqsiqninkunañataqmi Diosmanta willakuqkunawan willakuqta qawaspanku ninakurqaku kaynata: —¿Imataq pasarun Cispa churintaqa? ¿Saulpas kasqa Diosmanta willakuqñachus? —nispa.

Chuya Qellqa 1992

¹¹ Ñawpaqmanta reqsiqninkunañataqmi profetakunawan kuskata rikuruspanku kaynata ninakurqaku: ¿Imataq Cispa churin Saulta pasarun? paypas profetañam kasqa, nispanku.

1~Samuel 10:11 Iomraidhean Croise

Amós 7:14

Hinaptinmi Amós nirqa: Ñoqaqa manam profetachu kani nitaqmi profetapa churinchu, aswanqa ovejata michispa purun higosta huñukuqllam kani.

Amós 7:15

Ichaqa Tayta Diosmi ovejata michichkaptiy qayaykuwaspan kamachiwarqa: “Israel llaqtayman riy hinaspa ñoqamanta willamuy”, nispan.

Juan 7:15

Chaymi judiokuna admirakuspa nirqaku: ¿Imaynataq kay runaqa tukuy imata yachan mana estudiachkaspaqa? nispanku.

Hechos 3:10

reqsirurqaku chay runaqa templopa “La Hermosa” sutiyuq punkunpi tiyaykuspan limosna mañakuq kasqanta. Chay runata puriqtaña rikuruspankum mana ima niytapas atispanku admirakurqaku.

Hechos 4:13

Pedrowan Juan mana manchakuspa rimaptinkum llapa kamachikuqkuna uyarispanku admirakurqaku, paykunaqa yacharqakum Pedrowan Juanqa mana estudioyuq kasqankuta, chayraqmi musyarurqaku paykunaqa Jesuspa puriqmasinkuna kasqankuta.

Hechos 9:21

Lliw uyariqkunañataqmi admirakuspanku kaynata ninakurqaku: ¿Manachum kay runaqa Jerusalén llaqtapi purirqa Jesucristopa sutinpi iñiqkunata qatikachastin? ¿Manachum kaymanpas hamurqa iñiqkunata presocharuspan sacerdotekunapa kamachiqninkunaman apananpaq? nispanku.

1~Samuel 19:24

Chaymantam Saulqa pachantapas chustukuruspan Samuelpa ñawpaqninpi qalallaña profetizarqa, hinaspanmi tukuy punchaw chaynataq tukuy tuta pampapi qalalla karqa. Chayraykum runakuna rimakuqku: ¿Saulpas profetañachus kasqa? nispanku.