1~Samuel 1:28 - CHUYA QELLQA La Biblia en Quechua de Ayacucho 2012

²⁸ Chaymi ñoqapas Tayta Diosman qochkani, sapa punchaw kawsayninpi Diosllataña wañukunankama servinanpaq, nispan. Hinaspam chaypi llapanku Tayta Diosta yupaycharqaku.

Quechua Ayacucho Bible 1987

²⁸ Chaymi ñoqapas payman qochkani wañukunankama Tayta Diosta servinanpaq —nispa. Hinaptinmi sacerdote Eliy qonqoranpa kumuykuspan Tayta Diosta yupaycharqa.

Chuya Qellqa 1992

²⁸ Chaymi ñoqapas Tayta Diosman qochkani, sapa punchaw kawsayninpi Diosllataña wañukunankama servinanpaq, nispan. Hinaspam chaypi llapanku Tayta Diosta yupaycharqaku.

1~Samuel 1:28 Iomraidhean Croise

Génesis 24:26

Hinaptinmi Abrahampa serviqninqa qonqoranpa kumuykuspa Tayta Diosta yupaychaspan

Génesis 24:48

Hinaspaymi qonqoranpa kumuykuspay patronniy Abrahampa Tayta Diosninta yupaycharqani. Paymi allinllata kaykama pusamuwarqa, chaynapi patronniypa ayllunpa warmi churinta Isaacpaq pusanaypaq.

Génesis 24:52

Abrahampa serviqninmi chay nisqankuta uyariykuspan Tayta Diospa qayllanpi qonqoranpa kumukuykurqa.

Proverbios 31:2

Wawalláy, wachakusqalláy, Tayta Diosta mañakuptiy qowasqan wawalláy, ¿imatawanraqtaq nikiman?

Números 6:8

Tukuy tiempo sapaqchasqa kanankamaqa ñoqa Tayta Diospaq sapaqchasqam kanqa.

2~Timoteo 3:15

Qamqa warma kasqaykimantaraqmi Chuya Qellqapi yachachikuykunata yacharqanki, chaykunaqa yachaytam qosunki Cristo Jesuspi iñispa salvakunaykipaq.

Jueces 7:15

Gedeonñataqmi mosqoy willakusqanta chaynataq imam ninanta uyariykuspan Tayta Diosta yupaycharqa. Israel miraykunapa campamentonman kutiruspanmi nirqa: ¡Hatariychik, Tayta Diosmi madianitakunapa campamentonta qoykuwasunchik! nispa.

1~Samuel 1:11

Chaymi prometekuspan Ana kaynata nirqa: Tukuy Atiyniyuq Tayta Diosnilláy, kay serviqnikipa ñakarisqanta qawaykuwaspaykiyá ama qonqaruwaychu. Qari wawata qoykuwaptikiqa Diosnilláy qampaqmi wañukunankama sapaqchapusqayki, chayraykum chukchanpas mana rutusqa kanqa, nispan.

1~Samuel 1:22

Anam ichaqa mana rirqachu hinaspam qosanta nirqa: Ñoqaqa manam risaqchu wawata anukanaykama. Chaymantañam apaspay Tayta Diosman qomusaq chaypiña wañukunankama kawsananpaq, nispa.

1~Samuel 2:11

Chaymantam Elcanaqa Ramá llaqtapi wasinman kutikurqa; Samuelñataqmi sacerdote Eliywan qeparurqa Tayta Diosta servinanpaq.

1~Samuel 2:20

Chaymi sacerdote Elí, Elcanatawan warmin Anata bendecispa kaynata nirqa: Tayta Diosyá kay warmikipi, Diosmanta mañakusqan wawapa rantinpi, achka churikikunata qosunki, nispa. Chaymantam wasinkuman kutikurqaku.

1~Samuel 28:2

Davidñataqmi nirqa: Arí qanwanmi lloqsisaq, kunanmi yachanki kay serviqnikipa imam ruwas-qanta, nispa. Chaymi rey Aquis nirqa: Chaynaqa, waqaychaqniy soldadoypaqyá churasqayki, chaynaqa kanki kawsakunay punchawkamam, nispa.