1~Samuel 1:26 - CHUYA QELLQA La Biblia en Quechua de Ayacucho 2012

²⁶ Chaymi Ana nirqa: Taytay cheqaptapunipas, ñoqam kachkani qampa qayllakipi Tayta Diosta mañakuq warmi.

Quechua Ayacucho Bible 1987

²⁶ Paytam nirqa: —Taytáy, chullachalla almayki hawam yuyarichiki, ñoqaqariki kachkani Tayta Diosta qampa ñawpaqnikipi mañakuqmi.

Chuya Qellqa 1992

²⁶ Chaymi Ana nirqa: Taytay cheqaptapunipas, ñoqam kachkani qampa qayllakipi Tayta Diosta mañakuq warmi.

1~Samuel 1:26 Iomraidhean Croise

Génesis 42:15

Kunanmi pruebasqa kankichik: Faraonraykum jurani, sullka wawqekichik kayman mana hamuptinqa manam kaymanta lloqsinkichikchu.

2~Samuel 11:11

Uriasñataqmi nirqa: Diospa Arcanpas, Israel tropaku-napas, Judá tropakunapas, kamachiwaqniy Joabpas serviqninkunapiwan carpallapi hawa pampapi kachkaptinkuchu, ¿ñoqañataq mikukuq, tomakuq hinaspa wasiyman yaykuyman karqa warmiywan puñukuq? Vidaykiraykum jurani, manapunim chaytaqa ruwaymanchu, nispa.

2~Samuel 14:19

Chaymi rey kaynata tapurqa: ¿Manachum tukuy kaykuna niwasqaykiqa Joabpa nimususqayki? nispa. Chay warmiñataqmi nirqa: Reynilláy, kay niwasqaykiqa cheqapmi, arí serviqniki Joabmi ima ninaytapas sumaqta umachaykamuwaspan kamachimuwarqa.

2~Reyes 2:2

Hinaptinmi Eliseota Elías nirqa: Tayta Diosmi Bet-el llaqtaman kachawachkan, ama hina kaspaykiyá kayllapi kachkay, nispa. Chaymi Eliseo nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaynapim kuskanku Bet-el llaqtaman rirqaku.

2~Reyes 2:4

Huktawanmi Eliseota Elías nirqa: Tayta Diosmi Jericó llaqtaman kachawachkan, ama hina kaspayki kayllapi kachkay, nispa. Hinaptinmi Eliseo nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaymi kuskanku Jericó llaqtaman chayarurqaku.

2~Reyes 2:6

Chaymantam Eliseota Elías nirqa: Tayta Diosmi Jordán mayuman kachawachkan, ama hina kaspayki kayllapi kachkay, nispa. Eliseoñataqmi nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaymi kuskanku pasarqaku.

2~Reyes 4:30

Warmapa mamanñataqmi nirqa: Tayta Diosqa kawsanmi, qampas kawsankitaqmi, manam saqesqaykichu, nispa. Chaymi Eliseoqa chay warmiwan pasarqa.

1~Crónicas 4:10

Jabesmi Israelpa Diosninta mañakuspa nirqa: “Ruegakuykim bendeciykuwanaykipaq, hatun allpata qoykuwanaykipaq, yanapaykuwanaykipaq, mana allinmanta libraykuwanaykipaq, chaynapi mana ñakarinaypaq”, nispa. Chaymi mañakusqanta Dios qoykurqa.

1~Samuel 17:55

Filisteo runawan David peleachkaptinmi, tropankunapa kamachiqnin Abnerta Saúl tapurqa: ¿Pitaq wak warmapa taytan? nispa. Abnerñataqmi nirqa:

1~Samuel 20:3

Chaymi David nirqa: Taytaykiqa allintam yachan llumpay amigo kasqanchikta. Chayraykum llakikunaykimanta mana willasunkimanchu. Ichaqa Diosrayku hinaspa qamraykum jurani, ¡ñoqaqa wañuypa patanpiñam tarikuchkani! nispa.

1~Samuel 25:26

Aswanpas Tayta Diosmi harkaykusurqanki, hamuruspayki ya-warta chaqchuspa makikiwan justicia ruwarunaykita. Diosyá munachun enemigoykikunapas chaynataq mana allin ruway munasuqnikikunapas Nabal hina castigasqa kananta.