1~Samuel 1:23 - CHUYA QELLQA La Biblia en Quechua de Ayacucho 2012

²³ Qosan Elcanañataqmi nirqa: Munasqaykiman hinayá ruway, hinapiyá kachkay wawata anukanaykikama; Tayta Diosyá imam rimasqanta cumplichun, nispa. Chaynapim Ana qeparuspan wawanta uywarqa anukanankama.

Quechua Ayacucho Bible 1987

²³ Hinaptinmi qosan Elcanañataq nirqa: —Munasqaykiman hinayá ruray. Hinapiyá kakuy wawata anukanaykikama. Tayta Diosyá cumplichun imam prometekusqanta —nispa. Chaynapim Anaqa quedaruspan wawanta uywarqa anukanankama.

Chuya Qellqa 1992

²³ Qosan Elcanañataqmi nirqa: Munasqaykiman hinayá ruway, hinapiyá kachkay wawata anukanaykikama; Tayta Diosyá imam rimasqanta cumplichun, nispa. Chaynapim Ana qeparuspan wawanta uywarqa anukanankama.

1~Samuel 1:23 Iomraidhean Croise

2~Samuel 7:25

Señorlláy, Dios Taytalláy, kunanyá kay serviqnikimantawan mirayninmanta rimasqaykita wiñaypaq takyachiy. Nisqaykiman hinayá ruway.

1~Reyes 3:21

Wawayta ñuñunaypaq tutapayta hatariruspaymi wañusqataña tariykurqani, ichaqa achikyaruptinmi allinta qawaykuspay reqsiykurqani mana waway kasqanta, nispa.

Isaías 44:26

Serviqniykunapa rimasqantam ichaqa cumplichini, kachasqaykunapa willakuyninkutapas allintam qespichini, chaymi ima ruwayninkupas allin lloqsin. Jerusalentam nini: Llaqtayankim nispay; Judatañataqmi nini: Kaqllamantam hatarichisqa kanki, tuñichisqa perqaykikunatam musoqmanta hatarichisaq, nispay.

Números 30:12

Sichum qosan chayta yacharuspan harkakuruptinqa manam ima prometekusqantapas cumplinqachu. Qosan harkakurusqanraykum Tayta Diospas pampachaykunqa.

Mateo 24:19

¡Imaynaraq kanqaku chay punchawkunapi wiksayuq otaq ñuñuq wawayuq warmikuna!

Lucas 11:27

Chaynata Jesús rimachkaptinmi, runakunapa chawpinmanta huk warmi qaparimurqa: ¡Mayna kusisqaraq wachakusuqniki hinaspa ñuñusuqniki warmiqa! nispa.

1~Samuel 1:17

Eliyñataqmi nirqa: Hawkalla ripukuy, Israelpa Diosninyá tukuy mañakusqaykita qosunki, nispan.

1~Samuel 14:36

Saulmi tropankunata nirqa: Hakuchik kunan tuta uraykusun Filis-teokunapa contranpi achikyanankama tukuy imankuta qechumuq. Amam imatapas saqemusunchu, nispa. Chaymi tropankuna nirqaku: Tanteasqaykiman hinayá ruway, nis-panku. Sacerdoteñataqmi nirqa: Puntataqa Diostayá tapuykusun, nispa.

1~Samuel 14:40

Chaymantam Israel runakunata Saúl nirqa: Qamkunayá chaylawpi sayaykuychik, ñoqañataqmi churiy Jonatanpiwan kaylawpi sayaykusaqku, nispa. Chaymi runakunañataq Saulta nirqaku: Tanteasqaykiman hinayá ruway, nispanku.