1~Samuel 1:2 - CHUYA QELLQA La Biblia en Quechua de Ayacucho 2012

² Elcanaqa iskay warmiyuqmi karqa: Anawan Penina. Peninaqa wachakuq warmim karqa, Anañataqmi qolluq.

Quechua Ayacucho Bible 1987

² Elcanam karqa iskay warmiyoq, hukninpa sutinmi karqa Ana, hukninpañataqmi karqa Penina. Peninapam karqa wawankuna, Anapañataqmi mana karqachu.

Chuya Qellqa 1992

² Elcanaqa iskay warmiyuqmi karqa: Anawan Penina. Peninaqa wachakuq warmim karqa, Anañataqmi qolluq.

1~Samuel 1:2 Iomraidhean Croise

Génesis 11:30

Saraiqa qolluq kasqanraykum mana wawayuq karqa.

Génesis 25:21

Isaacmi warmin qolluq kasqanrayku Tayta Diosta mañakurqa, mañakusqanta Dios uyariykuptinmi Rebeca wiksayakururqa.

Génesis 29:31

Leata Jacobpa despreciasqan kasqanta Tayta Dios qawaspanmi wachakuq kananpaq yanaparqa, Raqueltañataqmi qolluqta ruwarurqa.

Génesis 4:19

Lamecmi iskay warmiwan casarakurqa, hukninmi karqa Ada, hukninñataqmi Zila.

Génesis 4:23

Huk punchawmi warminkunata Lamec nirqa: Ada, Zila nisqayta uyariwaychik, warmiykuna uyariychik: Huk qaritam heridaruwaptin wañurachini, huk joventañataqmi maqaruwaptin wañurachini.

Mateo 19:8

Chaymi Jesusñataq nirqa: Rumi sonqo kasqaykichikraykum Moisesqa permitisurqankichik warmiki-chikmanta rakikunaykichiktaqa, chay-wanpas qallariyninpiqa manam chaynachu karqa.

Lucas 1:7

Ichaqa warmin Elisabet qolluq kasqanraykum mana wawa-churiyuq karqaku. Iskayninkum yuyaqkamaña karqaku.

Lucas 2:36

Chaypitaqmi kachkarqa Aserpa mirayninmanta kaq Fanuelpa churin profetisa Anapas, payqa ancha yuyaqñam karqa. Paymi warmallaraq kachkaspan casarakururqa, ichaqa qanchis watallam qosanwan kawsarqa.

Jueces 13:2

Zora llaqtapim Dan ayllumanta kaq Manoa yacharqa, warminñataqmi mana wachakuq karqa.

Jueces 8:30

Payqa achka warmiyuq kasqanraykum qanchis chunka churiyuq karqa.