1~Samuel 1:10 - CHUYA QELLQA La Biblia en Quechua de Ayacucho 2012

¹⁰ Hinaspam Anaqa llumpay llakisqa sonqontin, sinchi waqakuywan Diosta mañakurqa.

Quechua Ayacucho Bible 1987

¹⁰ Anam llumpayta waqastin llakisqallaña Tayta Diosta mañakurqa.

Chuya Qellqa 1992

¹⁰ Hinaspam Anaqa llumpay llakisqa sonqontin, sinchi waqakuywan Diosta mañakurqa.

1~Samuel 1:10 Iomraidhean Croise

Génesis 30:1

Raquelmi qolluq kasqanrayku ñañanmanta envidiakuspan Jacobta nirqa: Wawakunata qoway mana chayqa wañurusaqmi, nispa.

Génesis 50:10

Jordán mayupa chimpan Atad eraman chayaruspankum llumpa-llumpayta waqarqaku. Chaypim José qanchis punchawpuni taytanmanta duelopi karqa.

2~Samuel 13:36

Jonadab rimayta tukuykuchkaptinmi reypa churinkuna chayaramuspanku qaparispa waqarqaku, reypas llapallan serviqninkunawan kuskam waqarqa.

2~Samuel 17:8

Yachankim taytaykipa runankunaqa allinnin qari-qari soldadokuna kasqanta, kunanqa mayna piñasqachiki kachkanku, wawan qechusqa ukumari hinaraq. Taytaykiqa guerrapi peleaq runam, manam runankunawan kuskaqa puñunmanchu.

2~Reyes 20:3

Dios Taytalláy mañakuykim, qayllaykipi cheqap sonqowan kawsasqayta hinaspa qampa munasqaykiman hina ruwasqaytayá yuyariykuy, nispa. Chaynata niruspanmi Ezequiasqa llumpayta waqakurqa.

Jobwan Sutichasqa Libro 10:1

¡Kawsaytapas amiruniñam! chayraykum mana upallaykuspa willakusaq, llumpay llaki sonqoyuqmi rimarisaq.

Jobwan Sutichasqa Libro 7:11

Chayraykum mana upallaykuspay rimasaq, llakipa intusqan sonqoywanmi rimasaq, sonqoypas nanasqam rimasaq.

Jobwan Sutichasqa Libro 9:18

Samayniy millpuykunaytapas mana saqeykuwaspam ñakariywan llakikuywan huntaykuwan.

Proverbios 14:10

Sonqoqa yachakunmi imakunam llakichisqantaqa, paypa kusikuyninwanqa manam kusikunmanchu sapaq runaqa.

Isaías 38:15

Ichaqa, ¿imatataq niyman? Payqa niwasqanman hinam ruwarun, sonqoypi llakikuy kasqanraykum humillasqalla sapa punchaw kawsasaq.

Isaías 54:6

Qosan saqeruptin llakisqa sonqoyuq warmita hinam, sipasllaraq kayninpi qosanpa saqesqan warmita hinam, Tayta Dios qayasurqanki, hinaspam nisunki:

Jeremías 13:17

Mana kasukuptikichikqa hatun tukuq kasqaykichikmantam mana pipa rikusqanta waqasaq; Tayta Diospa runankuna preso apasqa kasqankumantam waqasaq, weqeypas yaku hinañam kallpanqa.

Jeremías 22:10

Rey Josiaspa wañusqanmantaqa amaña waqaychikchu, waqaychikqa rey Salum preso apasqa kasqanmantayá, payqa manañam haykapipas kutimunqañachu, nacesqan allpatapas manañam rikunqañachu.

Lamentaciones 3:15

Tayta Diosmi llakikuywan huntaykuwarqa, qatqe ajenjowan hinam sinkarachiwarqa.

Lucas 22:44

Payñataqmi llumpay llakisqallaña tukuy kallpanwan Diosta mañakurqa, chaymi sudorninpas yawar hinaraq pampaman suturqa].

Hebreos 5:7

Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa.

Jueces 21:2

Ichaqa Bet-el llaqtapi huñunakuruspankum Tayta Diospa qayllanpi tukuylla punchaw sinchita waqaspanku nirqaku:

Rutwan Sutichasqa Libro 1:20

Chaymi Noemiyñataq nirqa: Amaña Noemí niwaychikñachu, aswanqa Mara niwaychikña, Tukuy Atiyniyuq Diospa sinchi llakirachiwasqanrayku.

1~Samuel 1:11

Chaymi prometekuspan Ana kaynata nirqa: Tukuy Atiyniyuq Tayta Diosnilláy, kay serviqnikipa ñakarisqanta qawaykuwaspaykiyá ama qonqaruwaychu. Qari wawata qoykuwaptikiqa Diosnilláy qampaqmi wañukunankama sapaqchapusqayki, chayraykum chukchanpas mana rutusqa kanqa, nispan.

1~Samuel 1:9

Silo llaqtapi kachkaptinkum, Anaqa mikusqanmanta hatarirqa. Sacerdote Eliyñataqmi Diospa templonpa punkunpi tiyachkarqa.