1~Reyes 9:9 - CHUYA QELLQA La Biblia en Quechua de Ayacucho 2012

⁹ Hinaptinmi uyariqkunañataq ninqaku: “Egipto nacionmanta ñawpaq taytankuta hurqomuq Tayta Diosta saqeruspanku huk dioskunataña qatispanku yupaychasqankuraykum kaynaqa kachkanku. Chaymi paykunaman Tayta Dios tukuy kay mana allinkunata aparamun”, nispanku.

Quechua Ayacucho Bible 1987

⁹ Hinaptinmi uyariqkunañataq ninqaku: “Yupaychasqanku Tayta Diosta saqerusqankuraykum chaynaqa kachkanku. Paymi Egipto nacionmanta paykunapa abuelonkunata horqomurqa ichaqa chay runakunaqa huk dioskunataña qatispam adorarqaku chaymi paykunamanqa Tayta Dios tukuy kay mana allinkunata aparamun” nispa.

Chuya Qellqa 1992

⁹ Hinaptinmi uyariqkunañataq ninqaku: “Egipto nacionmanta ñawpaq taytankuta hurqomuq Tayta Diosta saqeruspanku huk dioskunataña qatispanku yupaychasqankuraykum kaynaqa kachkanku. Chaymi paykunaman Tayta Dios tukuy kay mana allinkunata aparamun”, nispanku.

1~Reyes 9:9 Iomraidhean Croise

1~Reyes 18:18

Eliasñataqmi nirqa: Ñoqaqa manam Israel naciontaqa chaqwachinichu, aswanqa qanmi chaq-wachirqankiqa, Tayta Diospa kamachikuyninkunata saqeruspa, taytaykipa mirayninkunapiwan kuska Baal idolokunataña qatispaykichik.

2~Reyes 22:17

Ñoqata saqeruwaspanku huk rikchaq dioskunamanña inciensota kañasqankuraykum piñakuyniy nina hina kay sitiopa contranpi ruparispan mana taninqachu.

2~Crónicas 29:8

Chayraykum Tayta Diospa piñakuynin Judá nacionpaq hinaspa Jerusalén llaqtapaq hamurqa, chaymi paykunataqa hatun sasachakuyman churaspan runakunapa asipayanantaña ruwarurqa, chaytaqa qamkunapas ñawikichikwanmi rikurqankichik.

2~Crónicas 7:22

Hinaptinmi kaynata ninqaku: “Ñaw-paq taytankupa Egiptomanta hurqomuqninku Tayta Diosta saqeruspanku huk dioskunataña servisqankuraykum paykunaman kay hatun mana allinkunata kachaykamun”, nispanku.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 22:8

Achka nacionkunamanta hamuq runakunam kay llaqtapa hichpanta pasaspa ninakunqaku: ¿Imanasqataq kay hatun llaqtata Tayta Dios kaynata ruwarun? nispanku.

Jeremías 44:23

Tukuy rikchaq idolokunaman inciensota kañaspa Tayta Diospa contranpi huchallikuspa, yachachikuyninkunatapas, kamachikuyninkunatapas mana kasukusqaykichikraykum tukuy kay sasachakuykuna chayaramurusunkichik, chaynam kunankamapas kachkankichik, nispa.

Jeremías 5:19

Sichum pipas kaynata tapusunki: “¿Imanasqataq Tayta Diosqa tukuy kaykunata ruwaruwanchik?” nispa, hinaptinqa kaynatam ninki: Imaynam Tayta Diosta qepanchakuspaykichik llaqtanpipunipas rikchaqmana idolokunataña yupaycharqankichik, chaynam huklaw llaqtapi mana reqsisqaykichik runakunataña servimunkichik.

Jeremías 50:7

Enemigonkunam tariruspanku mikururqaku, hinaspam kaynataraq nirqaku: “Manam ñoqanchikpaqqa huchanchikchu, paykunaqa Tayta Diospa contranpim huchallikururqaku. Tayta Diosqa mikunanku pasto hinam karqa, ñawpa taytankupa hapipakunanmi payqa karqa”, nispanku.

Lamentaciones 2:15

Haykam ñanninta puriqkunam makinta taqllakuspa asikusunki, umankutapas aywirisparaqmi qanmanta kaynata ninku: ¿Kay llaqtatachu “suma-sumaq Jerusalén” llaqta nirqaku? ¿Kay llaqtamantachu llapallan nacionkunapa kusikunan llaqta nirqaku? nispanku.

Deuteronomio 29:23

Chay allpaqa azufreyuq, kachiyuq hinaspa kañasqa, mana tarpuna, mana imapapas ikllinan nitaq qorapapas wiñanan allpam kanqa. Sodomapa, Gomorrapa, Admapa chaynataq Zeboimpa allpankunamanmi rikchakunqa. Chaykunatam Tayta Dios anchata piñakuspan chinkarachirqa.