1~Reyes 9:8 - CHUYA QELLQA La Biblia en Quechua de Ayacucho 2012

⁸ Kay suma-sumaq templotapas purmasqataña qaway-kuspankum, haykam kayninta pasaqkuna burlakuspa admirasqallaña ninqaku: ¿Imanasqataq kay naciontawan kay templotaqa Tayta Dios kaynata ruwarun? nispanku.

Quechua Ayacucho Bible 1987

⁸ Kay suma-sumaq templotapas purmasqataña qawaykuspankum haykam pasaqkuna admirasqallaña burlakuspa ninqaku: “¿Imanasqamá Tayta Diosqa kay naciontawan kay templotaqa kaynata rurarun?” nispa.

Chuya Qellqa 1992

⁸ Kay suma-sumaq templotapas purmasqataña qawaykuspankum, haykam kayninta pasaqkuna burlakuspa admirasqallaña ninqaku: ¿Imanasqataq kay naciontawan kay templotaqa Tayta Dios kaynata ruwarun? nispanku.

1~Reyes 9:8 Iomraidhean Croise

2~Reyes 22:17

Ñoqata saqeruwaspanku huk rikchaq dioskunamanña inciensota kañasqankuraykum piñakuyniy nina hina kay sitiopa contranpi ruparispan mana taninqachu.

2~Reyes 25:9

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa wasinkunatapas.

2~Crónicas 29:8

Chayraykum Tayta Diospa piñakuynin Judá nacionpaq hinaspa Jerusalén llaqtapaq hamurqa, chaymi paykunataqa hatun sasachakuyman churaspan runakunapa asipayanantaña ruwarurqa, chaytaqa qamkunapas ñawikichikwanmi rikurqankichik.

2~Crónicas 36:19

Tayta Diospa templontapas kañaykuspankum Jerusalén llaqtapa murallantapas taqmarurqaku. Llaqtapa palacionkunatapas kañaykuspankum llapa valorniyuq kaqkunatapas ñutuparurqaku.

2~Crónicas 7:21

Kay suma-sumaq templotapas purmasqataña qawaykuspankum, haykam pasaqkuna admirasqallaña tapukunqaku: “¿Imanasqataq Tayta Diosqa kay naciontawan, kay templotaqa kaynata ruwarun?” nispa.

Isaías 64:11

Qampaq sapaqchasqa kuyayllapaq temploykum kañasqa kachkan, ñawpaq taytakupa yupaychasunayki suma-sumaq temploykum, kañasqa kachkan. Llapallan kuyasqayku kaqkunapas lliwmi purmachkan.

Jeremías 16:10

Llapa runakunaman kayta willaptikim paykuna kaynata tapusunki: ¿Imanasqataq Tayta Diosqa kay hatun castigokunata rimachisuchkanki? ¿Ima mana allintataq ruwaruniku? ¿Imapitaq Tayta Diospa contranpi huchallikuruniku? nispanku.

Jeremías 18:16

Chaynapim allpankutapas chunnirachinku, runakunapa asipayanantañam ruwarunku. Chayninta puriqkunapas admirakuspam umankutaraq aywinqaku.

Jeremías 19:8

Kay llaqtatam manchakunanku hinaspa burlakunanku sitiomanña tikrarusaq. Chaynin pasaq runaku-napas pasaypaq tuñisqata qawaykuspankum admirakusparaq asikunqaku.

Jeremías 22:28

Jeconiasqa ¿manaña pipapas munanan pakisqa aysaku hinachu rikurirun? ¿Mana imapaq valeq kallana hinachu rikurirun? ¿Imanasqataq paytapas chaynataq churinkunatapas mana reqsisqanku nacionman qarqorunku?

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 44:8

¿Imanasqataq kay yachasqaykichik Egipto nacionpi kikikichikpa ruwakusqaykichik idolokunaman inciensota kañapuspaykichik piñachiwachkankichik? Chaykuna ruwasqaykichikwanqa kikillaykichikmi tukusqa kankichik, hinaspam llapa nacionkunapa ñakasqan chaynataq burlakusqan kankichik.

Jeremías 49:17

Edom nación pasaypaqta chinkaruptinmi, chayninta pasaqkunapas admirakunqaku, hinaspam purmachisqa kasqanmanta burlakunqaku.

Jeremías 5:19

Sichum pipas kaynata tapusunki: “¿Imanasqataq Tayta Diosqa tukuy kaykunata ruwaruwanchik?” nispa, hinaptinqa kaynatam ninki: Imaynam Tayta Diosta qepanchakuspaykichik llaqtanpipunipas rikchaqmana idolokunataña yupaycharqankichik, chaynam huklaw llaqtapi mana reqsisqaykichik runakunataña servimunkichik.

Jeremías 50:13

Ñoqa Tayta Dios piñakurusqayraykum manaña runayuq chunninqa, pasaypaq purmachisqam kanqa. Babilonia lawninta pasaqkunam admirakunqaku, purmachisqa kasqanmantam burlakunqaku.

Jeremías 52:13

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa llapallan wasinkunatapas.

Lamentaciones 2:15

Haykam ñanninta puriqkunam makinta taqllakuspa asikusunki, umankutapas aywirisparaqmi qanmanta kaynata ninku: ¿Kay llaqtatachu “suma-sumaq Jerusalén” llaqta nirqaku? ¿Kay llaqtamantachu llapallan nacionkunapa kusikunan llaqta nirqaku? nispanku.

Daniel 9:12

Qamqa ñam cumplirunkiña contraykupi chaynataq kamachiqniykupa contranpi rimasqaykitapas, chaynapim chay hatun ñakariyta hawaykuman chayachimurqanki; sasachakuyqa manam haykapipas Jerusalén llaqtapiqa karqachu.

Deuteronomio 28:37

Tayta Diospa pusachisusqayki nacionkunapim qanmanta rimaspanku asipayaspa burlakusunki.

Deuteronomio 29:23

Chay allpaqa azufreyuq, kachiyuq hinaspa kañasqa, mana tarpuna, mana imapapas ikllinan nitaq qorapapas wiñanan allpam kanqa. Sodomapa, Gomorrapa, Admapa chaynataq Zeboimpa allpankunamanmi rikchakunqa. Chaykunatam Tayta Dios anchata piñakuspan chinkarachirqa.