1~Reyes 9:6 - CHUYA QELLQA La Biblia en Quechua de Ayacucho 2012

⁶ Sichum qamkunapas otaq miray-nikichikkunapas ñoqata qepanchawas-pa kamachikuykuna hinaspa yacha-chikuykuna qosqayta mana kasukuspa huk dioskunataña qatispa yupaychaptikichikqa,

Quechua Ayacucho Bible 1987

⁶ Ichaqa sichu qamkunapas otaq miraynikichikpas ñoqata qepanchakuruspa qosqay kamachikuyniykunata hinaspa decretoykunata mana kasukuspa huk dioskunataña qatispa adoraptikichikqa

Chuya Qellqa 1992

⁶ Sichum qamkunapas otaq miraynikichikkunapas ñoqata qepanchawaspa kamachikuykuna hinaspa yachachikuykuna qosqayta mana kasukuspa huk dioskunataña qatispa yupaychaptikichikqa,

1~Reyes 9:6 Iomraidhean Croise

2~Reyes 18:12

Chaykunaqa pasakurqa Tayta Diospa nisqanta mana kasukusqankuraykum chaynataq pacto ruwasqantapas mana cumplisqankuraykum. Tayta Diospa serviqnin Moisespa kamachisqankunatam mana kasukurqakuchu nitaqmi ruwaymanpas churarqakuchu.

2~Reyes 22:17

Ñoqata saqeruwaspanku huk rikchaq dioskunamanña inciensota kañasqankuraykum piñakuyniy nina hina kay sitiopa contranpi ruparispan mana taninqachu.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 15:2

Rey Asawan tupananpaq rispan nirqa: Rey Asa, Judá runakuna hinaspa Benjamín ayllukuna, llapallaykichik uyariwaychik: Tayta Dioswan kaptikichikqa paypas qamkunawanmi kanqa, maskaspaykichikqa tarinkichikmi, saqeruptikichikqa paypas saqerusunkichikmi.

Jeremías 26:4

Ñoqa Tayta Diospa nisqayta paykunaman kaynata nimuy: Mana kasuwaspaykichik kamachikuykuna qosqaytapas mana ruwayman churaptikichikqa,

Lamentaciones 1:8

Jerusalén llaqtam sinchita huchallikurun, chayraykum penqaypi rikurirun, haykam kuyaqninkunam penqayninta rikuspanku qepancharunku, chayraykum penqakuymanta qepaman muyurispa waqachkan.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.