1~Reyes 8:6 - CHUYA QELLQA La Biblia en Quechua de Ayacucho 2012

⁶ Llapa sacerdotekunam Tayta Diospa pacto ruwasqan Arcanta apaspanku templopa ukun lawpi kaq “Chuyay-chuyay” sutiyuq cuartopi kaq querubinkunapa rapranpa ukunman churaykurqaku.

Quechua Ayacucho Bible 1987

⁶ Sacerdotekunam Tayta Diospa contrato baulninta churaykurqaku maypim kanan templopa ukun lawpi kaq “Chuyay-chuyay” sutiyoq cuartoman, chay churananku sitioqa karqa querubin sutiyoq angelkunapa rapranpa ukunpim.

Chuya Qellqa 1992

⁶ Llapa sacerdotekunam Tayta Diospa pacto ruwasqan Arcanta apaspanku templopa ukun lawpi kaq “Chuyay-chuyay” sutiyuq cuartopi kaq querubinkunapa rapranpa ukunman churaykurqaku.

1~Reyes 8:6 Iomraidhean Croise

2~Samuel 6:17

Tayta Diospa Arcanta chayarachispankum Davidpa hatarichisqan carpapa ukunman churaykurqaku. Davidmi Tayta Diospa qayllanpi lliw kañana sacrificiota ofrecerqa chaynataq Dioswan allinlla kasqankumanta ofrendakunatapas.

2~Samuel 6:2

hinaspam llapallan tropankunapiwan Judá lawpi Baala llaqtaman pasarqaku Diospa Arcanta chay lugarmanta Jerusalenman apanankupaq. Chay Arcapim Diospa sutinta mañakuqku. Chaypitaqmi querubinkunapa chawpinpi Tukuy Atiyniyuq Tayta Diosqa munaychakuq.

1~Reyes 6:16

Templopa uku lawninpi “Chuyay-chuyay” sutiyuq cuartotapas pampanmanta qatankamam cedro tablakunawan tableachirqa, chay cuartopa largonmi karqa isqon metro.

1~Reyes 6:19

Salomonmi templopa uku lawninpi “Chuyay-chuyay” sutiyuq cuartota allicharqa, Tayta Diospa pacto ruwasqan Arcata chayman churananpaq.

1~Reyes 6:27

Chay querubinkunatam templopa uku lawninpi kaq “Chuyay-chuyay” sutiyuq cuartoman churarqa, chaynapim huknin querubinpa mastarisqa rapranpa puntan kaylaw perqaman tuparqa, hukninpa mastarisqa rapranñataqmi waklaw perqaman tuparqa, huknin raprankupa puntanñataqmi chay cuartopa chawpinpi tupanakurqa.

1~Reyes 8:3

Maypacham Israelpa ancianonkuna chayaramuptinkum Arcata hoqarispa llapa sacerdotekuna aparqaku.

1~Reyes 8:4

Aparqakutaqmi Tayta Diosman asuykuna carpatawan Diospaq sapaqchasqa serviciokunatapas. Chaykunataqa sacerdotekunawan Levitakunam apar-qaku.

1~Reyes 8:7

Chay querubinkunam kicharisqa raprankunawan Arcatawan hombronanku varillakunata taparqaku.

1~Crónicas 22:19

Chaynaqa, tukuy sonqoykichikwanyá Tayta Diosta maskaychik, hinaspayá Tayta Diospa santuarionta hatarichiychik, chaynapi Tayta Diospa pacto ruwasqan Arcatawan paypaq sapaqchasqa serviciokunata Tayta Diospaq ruwasqaykichik temploman apanaykichikpaq, nispa.

2~Crónicas 5:7

Llapa sacerdotekunam Tayta Diospa pacto ruwasqan Arcata templopa ukun lawninpi kaq “Chuyay-chuyay” sutiyuq cuartoman churaykurqaku, querubinkunapa rapranpa ukunman.

Éxodo 37:9

Chay querubinkunapa raprankunam llantuchkaq hina tapapa hawanman kichasqa karqa, uyankunañataqmi kumuykuspa tapata qawarqaku.

Isaías 37:16

Querubinkunapa chawpinpi yachaq Israelpa Tukuy Atiyniyuq Diosnin, qamllam kanki llapallan nacionkunapi munaychakuqqa. Qanmi ruwarqanki hanaq pachatapas chaynataq kay pachatapas.

Ezequiel 10:5

Chay querubinkunapa rapranpa rapapapasqanmi hawa patiokamaraq uyarikurqa, uyarikurqaqa Tukuy Atiyniyuq Tayta Diospa rimaynin hinaraqmi.

Ezequiel 41:4

Tupurqataqmi templopa uku law salantapas, chaymi tawan lawnin kasqa chunka metrokama. Hinaspanmi chay tupuq runa niwarqa: Kay salaqa “Chuyay-chuyaywan” sutichasqam, nispan.

1~Samuel 4:4

Chaynapim runakunata Silo llaqtaman kacharqaku, querubinkunapa chawpinpi tiyakuq Tukuy Atiyniyuq Tayta Diospa contrato ruwasqan Arcata apamunankupaq; Eliypa churin Ofniwan Fineespas Arcawan kuskam hamurqaku.