1~Reyes 7:2 - CHUYA QELLQA La Biblia en Quechua de Ayacucho 2012

² Ruwarqataqmi “Líbano monte” sutiyuq palaciontapas. Chay palaciopa largonmi karqa tawa chunka pichqayuq metro, anchonñataqmi iskay chunka iskayniyuq metro parten, sayayninñataqmi chunka kimsayuq metro parten. Pilarninkunam karqa cedro qerukunamanta tawa seqe. Chay pilarkunam takyachirqa cedromanta chakakunata.

Quechua Ayacucho Bible 1987

² Rurachirqataqmi Libano “Monte” sutiyoq palaciotapas. Chay palaciopa largonmi karqa tawa chunka pichqayoq metro, anchonñataqmi karqa iskay chunka iskayniyoq metro parten, sayayninñataqmi karqa chunka kimsayoq metro parten. Chay palaciopa pilarninkunam karqa cedro qerumanta, chay pilarkunaqa tawa seqem sayarqa. Chay tawa seqe pilarkunapa hawanpiñataqmi karqa cedromanta vigakuna.

Chuya Qellqa 1992

² Ruwarqataqmi “Líbano monte” sutiyuq palaciontapas. Chay palaciopa largonmi karqa tawa chunka pichqayuq metro, anchonñataqmi iskay chunka iskayniyuq metro parten, sayayninñataqmi chunka kimsayuq metro parten. Pilarninkunam karqa cedro qerukunamanta tawa seqe. Chay pilarkunam takyachirqa cedromanta chakakunata.

1~Reyes 7:2 Iomraidhean Croise

1~Reyes 10:17

Hina qorimantataqmi ruwachirqa kimsa pachak escudokunatapas. Sapakamatam huk kilo parten masnin qorimanta ruwachirqa, hinaspam “Líbano monte” sutiyuq palacionpi churachirqa.

1~Reyes 10:21

Rey Salomonpa tomanan vasokunapas qorimantam karqa, “Líbano monte” sutiyuq palacionpi serviciokunapas qorimantam karqa, qollqemantaqa manam imapas karqachu. Salomonpa tiemponpiqa manam qollqetaqa qawariqkupaschu.

1~Reyes 7:3

Tawa chunka pichqayuq chakakunam karqa, chunka pichqayuqtakama kimsa seqeman rakisqa; chay chakakunatam tawa seqe pilarkuna takyachirqa. Chay chakakunapa hawantam cedro tablakunawan qatarqaku.

1~Reyes 9:1

Tayta Diospa templontapas, kikinpa palaciontapas chaynataq kikinpa tukuy ima ruway munasqantapas rey Salomón qespirachiptinmi,

1~Reyes 9:19

chaynataq kawsay waqaychana llaqtakunatapas, guerrapaq carretakuna waqaychana llaqtakunatapas hinaspa guerrapaq caballokuna uywana llaqtakunatapas. Ruwachirqataqmi Jerusalén llaqtapi, Líbano orqokunapi hinaspa lliw munaychakusqan allpapi llapa ima ruway munasqantapas.

2~Crónicas 9:16

ruwachirqataqmi qorimanta kimsa pachak escudokunatapas, sapa escudotam kimsa kilo masnin qorimanta ruwachirqa, hinaspam “Líbano monte” sutiyuq palaciopi churachirqa.

Cantares 7:4

Kunkaykipas, marfilmanta ruwasqa torre hinam; ñawikikunapas, Hesbón llaqtapi Bat-rabimpa punkunpi iskay estanquekuna hinam. Sinqaykipas, Damasco llaqtaman qawaq Líbano lawpi torre hinam.

Isaías 22:8

Judá nacionpa harkachikunanmi tuñirun. Chay punchawmi, monte wasipi pakasqa armakunata qawarqankichik.