1~Reyes 6:7 - CHUYA QELLQA La Biblia en Quechua de Ayacucho 2012

⁷ Templota ruwanankupaqqa rumikunatapas labrasqatañam apamurqaku, chaynapim templota ruwaptinkuqa martillopa, cincelpa nitaq fierromanta herramientakunapa taqtaqyasqanpas manaña uyarikurqachu.

Quechua Ayacucho Bible 1987

⁷ Templota ruranankupaq rumikuna apamusqankum karqa labrasqakamaña chaymi templota ruraspankuqa manaña uyarirqakuchu martillopa, cincelpa nitaq fierromanta herramientakunapa chalanyasqanta.

Chuya Qellqa 1992

⁷ Templota ruwanankupaqqa rumikunatapas labrasqatañam apamurqaku, chaynapim templota ruwaptinkuqa martillopa, cincelpa nitaq fierromanta herramientakunapa taqtaqyasqanpas manaña uyarikurqachu.

1~Reyes 6:7 Iomraidhean Croise

1~Pedro 2:5

Qamkunapas kawsaq rumi hinam kachkankichik. Diosmi qamkunawan rumiwan perqachkaq hina mana rikuy atina templota ruwachkan, chaynapi sacerdotekunaña kaspa Jesucristontakama mana rikuy atina sacrificiokunata Diosman ofrecenaykichikpaq.

Proverbios 24:27

Hawapi ruwanaykikunataraq ruwamuy, chakra llamkanaykitaraq llamkamuy, chaymantaña wasikitaqa ruway.

Éxodo 20:25

Rumimanta altarta ruwapuwaspaykiqa, amam labrasqa rumimantaqa ruwankichu, herramientawan labraspaykiqa manam yupaychawanaykipaq hinachu ruwach-kanki.

Colosenses 1:12

hinaspa kusikuywan Dios Taytanchikman graciasta qonaykichikpaq. Paymi sapakamaman achkirichkaq tupasuqnikichikta qosunkichik.

2~Corintios 5:5

Kayna kanapaq ruwawaqninchikqa Diosmi, paymi garantiata hina Chuya Espirituta qowarqanchik.

Romanos 9:23

Chaynataqmi kuyayllapaq mankamanta hina ñoqanchikmantapas kuyapayarikurqa llumpay hatun atiyninta qawachikunanpaq. Ñawpaqmantapunim preparawachkanchik payman rikchakuqña sumaq kancharichkaq kananchikpaq.

Hechos 9:31

Chaymi tukuy Judea lawpi, Galilea lawpi hinaspa Samaria lawpi iñiqkuna hawkaña karqaku. Iñiyninkupim wiñaqku hinaspam Señorta manchakuspanku kawsaqku, Chuya Espiritupa kallpanchasqan kaspankum aswan-aswan miraqku.

Isaías 42:2

Manam payqa qayaykachakunqachu, nisyumantaqa manam qaparinqachu, callekunapiqa vozninpas manam uyarikunqachu.

Santiago 1:20

Piñasqa runaqa manam Diospa munasqanman hinachu ruwan.

1~Reyes 6:6

Sapa cuartopa anchonmi karqa iskay metro iskay chunka pichqayuq centímetro, altosninpa anchonñataqmi karqa iskay metro qanchis chunka centímetro, chay altospa altosninpa anchonñataqmi karqa kimsa metro chunka pichqayuq centímetro. Chaynataqa ruwarqaku templopa hawa lawninpi perqakunata menosyarachisqankuraykum, chaynapi qerukunata ustuchinankupaq wasipa perqanta manaña uchkunankupaq.

1~Reyes 6:8

Templopa waqtankunapi cuartokunaman yaykunapaq punkum templopa alleq lawninpi karqa. Chayninta yaykuspam gradasninta seqaqku punta kaq altosman hinaspa iskay kaq altosmanpas.