1~Reyes 6:1 - CHUYA QELLQA La Biblia en Quechua de Ayacucho 2012

¹ Israelpa mirayninkuna Egipto nacionmanta lloqsimusqanku tawa pachak pusaq chunka wataña pasaruptinmi otaq Salomón tawa wataña Israel nacionpi munaychakuchkaspanmi Zif sutiyuq iskay kaq killapi Tayta Diospa templon ruwayta qallarichirqa.

Quechua Ayacucho Bible 1987

¹ Israelpa mirayninkuna Egipto nacionmanta lloqsimusqanku tawa pachak pusaq chunkan wataña pasaruptinmi otaq Israel nacionpi Salomon tawa watamanña gobiernachkaspanmi Ziv sutiyoq iskay kaq killapi Tayta Diospa templon rurayta qallarichirqa.

Chuya Qellqa 1992

¹ Israelpa mirayninkuna Egipto nacionmanta lloqsimusqanku tawa pachak pusaq chunka wataña pasaruptinmi otaq Salomón tawa wataña Israel nacionpi munayckakuchkaspanmi Ziv sutiyuq iskay kaq killapi Tayta Diospa templonta ruwayta qallarichirqa.

1~Reyes 6:1 Iomraidhean Croise

1~Reyes 6:2

Tayta Diospaq rey Salomonpa templo ruwachisqanpa largonmi karqa iskay chunka qanchisniyuq metro, anchonmi karqa isqon metro, sayayninñataqmi karqa chunka kimsayuq metro parten.

1~Reyes 6:37

Tawa wataña Salomón munaychakuchkaptinmi Zif sutiyuq killapi, Tayta Diospa templonpa cimientonkuna churayta qallarirqaku.

1~Crónicas 29:19

Churiy Salomonmanpas allin sonqotayá qoykuy, chaynapi kamachikuynikikunata decretoykikunata, yachachikuynikikunata kasukuspan kay alistasqay kaqkunawan temploykita ruwananpaq, nispa.

1~Crónicas 6:10

Johananpa churinmi karqa Azarías. Azariasqa karqa Jerusalén llaqtapi Salomonpa ruwachisqan templopi sacerdotem.

2~Crónicas 3:3

Kay medidakunawanmi Tayta Diospa templonta rey Salomón cimientachirqa: Largonmi karqa iskay chunka qanchisniyuq metro, anchonñataqmi isqon metro.

Esdras 5:11

Hinaptinmi paykuna niwarqaku: “Ñoqaykuqa kaniku hanaq pachapipas kay pachapipas munaychakuq Diospa serviqninkunam. Kay musoqmanta hatarichisqayku temploqa ñawpaqmantaraqmi ruwasqa karqa, chaytaqa Israelpa hatun reyninmi ruwachispan qespichirqa.

Éxodo 12:41

Tawa pachak kimsa chunka wata pasaruptinmi, Tayta Diospa llapallan tropankuna Egipto nacionmanta lloqsirqaku.

Éxodo 12:51

Chay punchaw-pipunim Israelpa mirayninkunata Egipto nacionmanta tropa-tropata Tayta Dios hurqorqa.

Ezequiel 41:1

Chay runam templopa ukuman pusaruwarqa. Chaypim pilarkunapa muyuriqninta tupurqa, hinaptinmi kimsa metroyuqkama kasqa.

Hageo 1:8

Orqokunaman rispa qerukunata apamuychik hinaspa temployta kaqllamanta ruwaychik. Chaynata ruwaptikichikqa, kusikuspaymi chaypi yupaychasqa kasaq.

Zacarías 6:15

Karu llaqtakunapi kaqkuna hamuspam Tayta Diospa templonta huktawan hatarichiypi yanapakunqaku. Chaynapim yachankichik Tukuy Atiyniyuq Tayta Dios qamkunaman kachamuwasqanta. Kaykunaqa pasakunqa Tayta Diospa nisqanta uyarispa kasukuptikichikmi.

Números 1:1

Israelpa mirayninkuna Egipto nacionmanta lloqsiramuspa yaqa iskay watamanña richkaptinkum, chay watapa iskay kaq killanpa qallariynin punchawpi, Sinaí chunniqpi, Diosman asuykuna carpapi Moisesta Tayta Dios kaynata nirqa:

Hechos 13:19

Canaán allpapi qanchis nacionkunata chinkachispam chay allpata ñawpaq taytanchikkunaman qorqa.

Hechos 7:47

Ichaqa Salomonñam Diospa tem-plontaqa ruwarqa,

1~Corintios 6:19

¿Manachu yachankichik cuerpoykichik Chuya Espiritupa templon kasqanta? Chay Espiritutaqa Diosmi qamkunapi kananpaq qosurqankichik. Qamkunaqa manam kikikichikpañachu kankichik.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Colosenses 2:7

Paypi sapinchasqayá allinta takyaychik, yachachisqa kasqaykichikman hinayá iñiypi kallpachakuychik, Diosman graciasta qospa.

Hebreos 11:10

Abrahamqa allin cimientasqa llaqtatam otaq allin wasi ruwaq Diospa ruwasqan llaqtatam suyarqa.

Hebreos 9:11

Cristom ichaqa hamurunña, payqa mana haykapipas tukuq allin kaqkunapa Sumo sacerdoten kaspanmi allin chuya carpaman yaykurun, chay carpaqa manam runakunapa ruwasqanchu nitaqmi kay pachallamanta kaqchu.

1~Pedro 2:5

Qamkunapas kawsaq rumi hinam kachkankichik. Diosmi qamkunawan rumiwan perqachkaq hina mana rikuy atina templota ruwachkan, chaynapi sacerdotekunaña kaspa Jesucristontakama mana rikuy atina sacrificiokunata Diosman ofrecenaykichikpaq.

Jueces 11:26

Israel miraykunaqa yaqa kimsa pachak watañam Hesbón hinaspa Aroer llaqtakunapiqa yachachkaniku chaynataq taksa llaqtakunapiwan Arnón mayupa patan llaqtakunapipas. ¿Imanasqataq mana chay tiempopichu kutichikurqankichik?