1~Reyes 4:13 - CHUYA QELLQA La Biblia en Quechua de Ayacucho 2012

¹³ Geberpa churinmi kamachikurqa Ramotpi chaynataq Galaad lawpi tarikuq wakin llaqtakunapipas, chay llaqtakunaqa karqa Manasespa churin Jairpa llaqtankunam. Kamachikurqataqmi Basán allpapi tarikuq Argob lawkunapipas. Chaypim tarikurqa soqta chunka murallasqa llaqtakuna, chay llaqtakunapa punkunkunam broncemanta cerrojoyuqkama karqa.

Quechua Ayacucho Bible 1987

¹³ Galaad law Ramot llaqtapa prefectonñataqmi karqa Ben-Geber sutiyoq runa. Paytaqmi cuentallikurqa Manasespa miraynin Jairpa llaqtankunamantapas. Chay llaqtakunaqa karqa Galaad lawpim. Cuentallikurqataqmi Basan lawpi kaq Argob sutiyoq lawpi kaq soqta chunka murallasqa llaqtakunamantapas. Chay llaqtakunapa punkunkunam karqa broncemanta cerrojoyoq.

Chuya Qellqa 1992

¹³ Geberpa churinmi kamachikurqa Ramotpi chaynataq Galaad lawpi tarikuq wakin llaqtakunapipas, chay llaqtakunaqa karqa Manasespa churin Jairpa llaqtankunam. Kamachikurqataqmi Basán allpapi tarikuq Argob lawkunapipas. Chaypim tarikurqa soqta chunka murallasqa llaqtakuna, chay llaqtakunapa punkunkunam broncemanta cerrojoyuqkama karqa.

1~Reyes 4:13 Iomraidhean Croise

1~Reyes 22:3

Chaymi serviqninkunata Israelpa reynin Acab nirqa: Qamkunaqa yachankichikmi Galaad lawpi Ramot llaqtaqa ñoqanchikpa kasqanta, chayanaqa ¿imatataq ruwach-kanchik Siria nacionpa reyninmanta qechumunanchikpaq? nispa.

2~Reyes 9:1

Profeta Eliseom, profetakunapa hukninta qayaykuspan nirqa: Alistakuspa kay aysakupi aceiteta aparikuspayki Galaad lawpi Ramot llaqtaman riy.

2~Reyes 9:14

Rey Jorampa contranpim Nimsipa willkan Josafatpa churin Jehú hoqarikururqa. Chay punchawkunam Joramqa Israel runakunapiwan Siria nacionpa reynin Hazaelmanta Galaad law Ramot llaqtata defiendespan kachkarqa.

1~Crónicas 2:23

Ichaqa Aramwan Gesurmi, Jairpa llaqtankunata hapikuykurqaku, Kenat llaqtatapas taksa llaqtachankunatawan kuskatam hapikuykurqaku. Soqta chunka llaqtakunatam hapikuykurqaku. Paykunam karqaku Galaadpa taytan Maquirpa mirayninkuna.

Números 32:41

Manasespa miraynin Jairpas Galaad lawpi taksa llaqtakunatam hapikuykurqa, hinaspam “Havot-jair” nispa suticharqa.

Deuteronomio 3:10

Tukuy pampapi kaq llaqtakunatawan Galaadpi chaynataq Basán lawpi llapallan llaqtakunatam Salca hinaspa Edrei llaqtakunakama hapikuykurqanchik. Chay llaqtakunaqa Basán nacionpa reynin Ogpa munaychakusqan llaqtakunam karqa.

Deuteronomio 3:4

Mana huk llaqtallatapas puchuykuspam llapallanta vencerurqanchik, chay vencesqanchik llaqtakunaqa soqta chunka llaqtakunam karqa, chaykunaqa Argob lawpi otaq rey Ogpa munaychakusqan Basán nacionpi llaqtakunam karqa.

Deuteronomio 3:8

Chaynatam chay tiempopi Jordán mayupa waklawnin intipa qespimunan lawpi yachaq iskay reykunapa nacionninkunata Arnón mayumanta Hermón orqokama hapikuykurqankichik. Chay reykunaqa karqaku amorreokunapa reyninkunam.

Deuteronomio 4:43

Chay llaqtakunam kaykuna: Chunniq pampapi Beser llaqtam Rubén ayllukunapaq karqa, Galaad lawpi Ramot llaqtam Gad ayllukunapaq karqa, Basán lawpi Golán llaqtañataqmi Manasés ayllukunapaq karqa.

Josué 20:8

Jericó llaqtapa chimpan Jordán mayupa intipa qespimunan lawninpi Rubén ayllupa allpanpi Beser llaqtata, Galaad lawpi Gad ayllupa allpanpi Ramot llaqtata hinaspa Basán lawpi Manasés ayllupa allpanpi Golán llaqtatapas.

Josué 21:38

Gad ayllupa allpanpim qorqaku Galaad lawpi Ramot llaqtata, Ramotqa karqa amparakuna llaqtam. Qorqakutaqmi Mahanaim,