1~Reyes 3:7 - CHUYA QELLQA La Biblia en Quechua de Ayacucho 2012

⁷ Yupaychasqay Dios Taytalláy, kunanmi kay serviqnikita taytay Davidpa rantinpi munaychakunaypaq churaykuwanki, ñoqaqa warmaraqmi kani, yachayniypas manam ancha kanraqchu.

Quechua Ayacucho Bible 1987

⁷ Yupaychasqay Dios Taytalláy, kunanmá taytay Davidpa rantinpi kay serviqnikita gobiernachiwachkanki, ñoqaqa warmaraqmi kani, manam ima ruraytapas yachaniraqchu.

Chuya Qellqa 1992

⁷ Yupaychasqay Dios Taytalláy, kunanmi kay serviqnikita taytay Davidpa rantinpi munaychakunaypaq churaykuwanki, ñoqaqa warmaraqmi kani, yachayniypas manam ancha kanraqchu.

1~Reyes 3:7 Iomraidhean Croise

2~Samuel 5:2

Pasaq watakunapi Saúl kamachiwachkaptinkupas, qanmi Israelpa tropankunataqa kamachirqanki. Tayta Diosmi prometesurqanki: “Qanmi oveja michiq hina Israel runaykunata kamachispa munaychakunki”, nispa.

1~Crónicas 22:5

Davidmi tantearqa: Churiy Salomonqa warmallaraqmi, Tayta Diospa templontaqa ruwasunchik allin hatuntam, suma-sumaq hinaspa ancha reqsisqa kananpaq. Chayraykum llapa materialkunatapas listollataña saqesaq, nispan. Chaynata nispanmi Davidqa manaraq wañukuchkaspan tukuy imata achkanpi alistarqa.

1~Crónicas 22:9

Aswanqa huk churikim nacenqa, payqa hawka kawsakuqmi kanqa. Ñoqam muyuriqninpi enemigonkunawan hawkayaypi kawsachisaq, chayraykum Salomón sutin kanqa. Paypa tiempopim Israel nacionman hawkayayta qosaq.

1~Crónicas 29:1

Chaymantam llapallan huñunasqa runakunata rey David nirqa: Diosmi templonta ruwananpaq churiy Salomonta akllaykun, payqa warmallaraqmi, yuyayninpas manam huntasqaraqchu, ruwananmi ichaqa ancha hatun; payqa manam runapa wasintachu ruwanqa aswanqa Tayta Diospa wasintam.

Proverbios 18:12

Tuñichisqa kayqa hatun tukuypa qepantam hamun, hatunchasqa kayñataqmi uchuychakuypa qepanta hamun.

Eclesiastés 10:16

¡Imaynaraq kanqa! Jovenllaraq reyniyuq nacionqa, kamachiqninkunapas convidollapi sapa punchaw kaptinkuqa.

Jeremías 1:6

Ñoqañataqmi kaynata nirqani: ¡Ay, Señor, Dios Taytalláy, ancha warmaraqmi kani, manaraq rimay yachaqmi kani! nispay.

Jeremías 1:7

Ichaqa Tayta Diosmi niwarqa: Ama niychu ancha warmaraq kasqaykitaqa, qamqa kamachisqaymanmi maymanpas rinki, imam kamachisqaytam willakamunki.

Daniel 2:21

Payllam tiempokunatawan punchawkunatapas tikran, payllam reykunata hurqon hinaspa churan, payllam yachayniyuqkunaman yachayta qon, payllataqmi yuyayniyuqmanpas yuyayta qon.

Daniel 4:25

Reynilláy, runakuna ukumanta wischusqa kaspam purun animalkunawanña kawsanki, torokuna hinam pastotaña mikunki, sullapas nuyusunkim. Qanchis watapunim chayna kawsanki, chaymantañam qamqa reqsikunki, tukuy imapa hawanpi munaychakuq Diosqa llapallan runakunapa kamachikuyninpi munaychakuq kasqanta, kamachikuq kananpaqqa paymi munasqanman hina pitapas churan.

Daniel 4:32

runakuna ukumanta wischusqa kaspam purun animalkunawanña kawsanki, torokuna hina pastota mikuspam qanchis watapuni kawsanki, chaymantañam reqsikunki tukuy imapa hawanpi munaychakuq Diosqa llapallan runakunapa kamachikuyninpi munaychakusqanta, payqa chay kamachikuytaqa munasqanmanmi pimanpas qon”, nispa.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Daniel 5:21

Paytaqa runakuna ukumanta wischuruptinkum animal hinaña rikurirurqa, hinaspam purun asnokunawan kawsaspa torokunawan kuskaña pastota mikurqa, cuerpontapas sullam nuyurqa. Chaynam tarikurqa, tukuy imapa hawanpi munaychakuq Diospa llapallan runakunapa kamachikuyninpi munaychakusqanta reqsikunankama, reqsikurqataqmi chay kamachikuykunataqa munasqanman hina pimanpas Dios qosqantapas.

Números 27:17

llaqtaykita mayman risqankupi puntaman pusananpaq, chaynapi runaykikuna mana michiqniyuq ovejakuna hina mana kanankupaq, nispa.

Juan 10:9

Ñoqam punku kani, pipas ñoqantakama yaykuqqa salvasqam kanqa. Yaykunqam, hinaspam lloqsinqa, pastokunatapas tarinqataqmi.

Deuteronomio 31:2

Ñoqaqa pachak iskay chunka wataypiñam kachkani, mayman rinaypaqpas manañam kallpay kanñachu. Tayta Diospas niwarqataqmi “Jordán mayutaqa manam chimpankichu”, nispa.

1~Samuel 18:16

Israel runakunawan Judá runakunañataqmi Davidta kuyarqaku. Payqa tropankunata kamachispanmi tukuy hinastinman riq.