1~Reyes 3:3 - CHUYA QELLQA La Biblia en Quechua de Ayacucho 2012

³ Salomonmi ichaqa Tayta Diosta kuyarqa, taytan Davidpa kamachisqankunatapas kasukurqam; chaywanpas alto moqokunapim animalkunata wañuchispan inciensota kañarqa.

Quechua Ayacucho Bible 1987

³ Salomonmi ichaqa Tayta Diosta kuyarqa taytan Davidpa decretonkunata kasukuspa, chaywanpas animalkunata wañuchispanmi inciensota kañarqa alto moqo capillakunapi.

Chuya Qellqa 1992

³ Salomonmi ichaqa Tayta Diosta kuyarqa, taytan Davidpa kamachisqankunatapas kasukurqam; chaywanpas alto moqokunapim animalkunata wañuchispan inciensota kañarqa.

1~Reyes 3:3 Iomraidhean Croise

1~Reyes 11:34

Chaywanpas Salomonmantaqa ma-nam qechusaqraqchu, payqa akllakusqay serviqniy Davidraykum wañunankama munaychakunqa, Davidqa kamachikuyniykunata hinaspa yachachikuyniykunatam waqaycharqa.

1~Reyes 11:38

Sichum kamachikuyniykunata ya-chachikuyniykunata kasukunki hi-naspa munasqayman hina kawsas-pa serviqniy David hina allinta ruwaptikiqa, ñoqam yanapasqayki, Davidpa munaychakuyninta hinam munaychakuynikitapas takyachisaq, Israel naciontapas makikimanmi churasaq,

1~Reyes 11:4

Yuyaqyaruptinmi Salomonta chay warminkuna sapaq dios-kunataña yupaychachirqaku, chaynapim payqa mana taytan David hinachu tukuy sonqonwan Tayta Diosman hapipakurqa.

1~Reyes 11:6

Chaynapim Salo-monqa Tayta Diospa qayllanpi mana allinkunata ruwarqa, manam taytan David hinachu Tayta Diosta kasukurqa.

1~Reyes 14:23

Paykunapas alto moqokunapim capillakunata ruwarqaku, hinaspam Asera idolotawan rumimanta kullumanta ruwasqa idolokunata sayachirqaku, sayachirqakutaqmi rapisapa hatun sachakunapa sikinpipas.

1~Reyes 14:8

Davidpa mirayninmanta munaychakuyta qechuruspaymi qanman qoykurqayki, ichaqa manam serviqniy David hinachu kamachisqaykunata kasukurqanki; Davidqa tukuy sonqonwanmi munasqayman hina kawsarqa.

1~Reyes 15:11

Rey Asaqa taytan David hinam Tayta Diospa qayllanpi allin kaqkunata ruwarqa.

1~Reyes 15:14

Moqokunapi capillakunatam ichaqa mana chinkachirqachu. Chaywanpas Asapa sonqonqa wañukunankamam Tayta Diosllapaq karqa.

1~Reyes 15:3

Abiampas taytanpa imaynam hucha ruwasqanta hinam ruwarqa. Yupaychasqan Tayta Diostapas hawa sonqollam servirqa, paypa sonqonqa manam ñawpaq taytan Davidpa sonqon hinachu karqa.

1~Reyes 15:5

Davidqa Tayta Diospa munasqanman hinam kawsarqa, wañukunankamapas kamachisqankunatam mana rakikuspa ruwayman churarqa; huchallikururqaqa Het casta Uriasta wañurachispallanmi.

1~Reyes 22:43

Rey Josafatqa taytan Asapa tukuy allinkuna ruwasqanman hinam kawsarqa, mana imallapipas pantaykuspanmi Tayta Diospa munasqanman hina ruwarqa, chaywanpas alto moqokunapi capillakunataqa manam chinkachirqachu; chay capillakunapim runakuna hinalla animalkunata wañuchispa, inciensota kañaspa idolokunata yupaychaqku.

1~Reyes 22:44

Rey Josafatqa hawkayaypim Israelpa reyninwan kawsarqa.

1~Reyes 3:14

Sichum taytayki David hina yachachikuyniykunatawan kamachikuyniykunata kasukuspa munasqayman hina ruwaptikiqa unay watakunatam kawsachisqayki, nispa.

1~Reyes 3:6

Chaymi Salomón nirqa: Serviqniki taytay Davidtam llumpayta kuyapayarirqanki, chaynataqa ruwarqanki munasqaykiman hina cheqaptapuni allin ruwaq kasqanraykum, anchata kuyaspaykim churintapas paypa rantinpi munaychakunanpaq kunan churaykunki.

1~Reyes 8:25

Chaynaqa, Israelpa yupaychasqan Dios Taytalláy, kunanyá cumpliy serviqniki taytay Davidman prometesqaykita, qanmi payta nirqanki: “Ñoqapa ñawpaqniypiqa mana tukuytam qampa miraynikimanta Israel nacionpi munaychakuq kanqa, ichaqa churikikunayá munasqayman hina kawsachun, qampa kawsasqaykiman hinayá paykunapas kawsachunku”, nispa.

1~Reyes 8:61

Chaynaqa, kunan punchawpi hinayá sonqoykichikpas Señorninchik Tayta Diosllapaqña kachun, yachachikuyninkunata ruwayman churaspa kamachikuyninkunata kasukunaykichikpaq, nispa.

1~Reyes 9:4

Sichum taytayki David hina kawsaspa tukuy sonqoykiwan mana pantaspa lliw kamachisqaykunata ruwayman churaptikiqa chaynataq yachachikuyniykunatawan decretoykunata kasukuptikiqa,

2~Reyes 12:3

Chaywanpas moqokunapi capillakunataqa manam chinkachirqachu, chaypim runakunaqa hinalla sacrificiokunatawan inciensota idolokunapaq kañapuqku.

2~Reyes 12:4

Huk punchawmi sacerdotekunata rey Joás nirqa: Tayta Diospaq sapaqchaspa temploman apamusqanku qollqetawan sapa runapa impuesto qosqanta chaynataq voluntadninkuman hina apamusqanku qollqeta huñuychik,

2~Reyes 14:3

Rey Amasiasqa Tayta Diospa qayllanpim allinkunata ruwarqa, ichaqa manañam ñawpaq taytan David hinañachu, aswanqa taytan Joaspa ruwasqankunata hinam ruwarqa.

2~Reyes 14:4

Chaywanpas moqokunapi capillakunataqa manam chinkachirqachu, chaymi runakunaqa sacrificiokunata ofrecespa inciensota kañaqku.

2~Reyes 15:35

Tayta Diospa templonpa altonpi kaq punkutapas paymi ruwachirqa. Chaywanpas moqokunapi capillakunataqa manam chinkachirqachu, chayraykum runakunapas hinalla chaykunapi sacrificiokunata ofrecespa inciensota kañaqku.

2~Reyes 15:4

Chaywanpas moqo-kunapi capillakunataqa manam chinkachirqachu, chayraykum runakunapas hinalla chaypi sacrificiokunata ofrecespanku inciensota kañaqku.

2~Reyes 18:22

Sichum niwanki: Ñoqaykuqa yupaychasqayku Tayta Diospim hapipakuniku, nispa. Hinaptinqa, ¿manachum moqokunapi chay Diospa capillankunatawan altarninkunatapas lliwta Ezequías chinkarachirqa? Payqa Judapi chaynataq Jerusalén llaqtapi yachaqkunatam nirqa: Kay Jerusalén llaqtapi kaq altarpa ñawpaqllanpiñam yupaychankichik, nispa.

2~Reyes 18:4

Moqokunapi capillakunata tuñichispanmi yupaychananku idolokunatapas pakiparurqa, Aseraman rikchakuq idolokunatapas ñutuparurqam, Moisespa ruwachisqan broncemanta maqta urutapas ñutuparurqam. Chay punchawkunapim Israelpa mirayninkunaqa inciensota kañapuspanku Nehustán nispa sutichaqku.

2~Crónicas 15:17

Israel runakunapa kasqan moqokunapi capillakunatam ichaqa mana chinkachirqachu, chaywanpas Asaqa wañukunankamam tukuy sonqonwan Diosta servikurqa.

Levítico 17:5

Chaynapim Israelpa mirayninkunaqa campamentomanta huklawpiña nakaspapas ofrendankutaqa ñoqaman apamuwanqaku carpapa punkunman, sacerdoteñataqmi ñoqawan allinlla kasqankumanta ofrendata ofrecewanqa.

Mateo 22:37

Chaymi Jesusñataq nirqa: Señor Diosnikitam kuyanki tukuy sonqoykiwan, tukuy vidaykiwan hi-naspa tukuy yuyaymanaynikiwan.

Juan 14:15

Kuyawaspaykichikqa kamachikuyniykunatayá kasukuychik.

Juan 14:21

Kamachikuyniykunata yachaspa kasukuq runaqa kuyawanmi, Taytaypas kuyanqam chayna kuyaqniytaqa. Ñoqapas kuyaspaymi reqsichikusaq paywan.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

1~Corintios 8:3

Dios kuyaq runaqa Diospa reqsisqanmi.

Deuteronomio 10:12

Israelpa mirayninkuna, ¿imatataq Señornikichik Tayta Dios qamkunamanta munan? Payqa munan kasukuspaykichik munasqanman hina kawsanaykichiktam, tukuy sonqoykichikwan chaynataq tukuy vidaykichikwan kuyaspa yupaychanaykichiktam.

Deuteronomio 10:13

Payqa munan kunan kamachisqay kamachikuyninkunata hinaspa yachachikuykunata kasukunaykichiktam, chaynapi allinlla kanaykichikpaq.

Deuteronomio 11:13

Sichum kunan punchawpi qosqay kamachikuykunata kasukunkichik hinaspa Señornikichik Tayta Diosta kuyaspaykichik tukuy sonqoykichikwan hinaspa tukuy vidaykichikwan serviptikichikqa,

Deuteronomio 30:16

Sichum kunan kamachisqaykunata kasukuspa Tayta Diosta kuyaspaykichikqa, munasqanman hina kawsaspa kamachikuyninkunata, yachachikuyninkunata, reglamentonkunata ruwayman churaspaykichikqa, allinta kawsaspam achkallaña mirayniyuq kankichik, chaynatam Señornikichik Tayta Diosqa qosusqaykichik allpapi bendecisunkichik.

Deuteronomio 30:20

Tayta Diosta kuyaspaqa kasukuychik, ama paymantaqa kacharikuychikchu. Paymi kawsay qosuqnikichikqa chaynataq unay watakunata kawsachisuqnikichikpas, chaynapim ñawpaq taytaykichik Abrahamman, Isaacman hinaspa Jacobman Tayta Diospa jurasqan allpapi yachankichik.

Deuteronomio 30:6

Señornikichik Tayta Diosmi qamkunatapas chaynataq miraynikichiktapas kasukuq sonqotaña ruwasunkichik, chaynapi tukuy sonqoykichikwan, tukuy vidaykichikwan payta kuyaspa allinta kawsanaykichikpaq.

Deuteronomio 6:5

Señorniki Tayta Diostam tukuy sonqoykiwan, tukuy vidaykiwan hinaspa tukuy kallpaykiwan kuyanki.

Santiago 1:12

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

1~Samuel 9:12

Sipaskunañataqmi nirqaku: Arí, kaypim kachkan, utqaymanyá riychik, payqa hamurqa kunan punchaw llaqtawan kuska moqopi sacrificiota Diosman ofrecenanpaqmi.