1~Reyes 3:12 - CHUYA QELLQA La Biblia en Quechua de Ayacucho 2012

¹² chaynaqa mañakusqaykiman hinam yachaytawan yuyayta qoyki. Ñawpaqtaqa manam pipas qam hina yachayniyuqqa karqachu, nitaqmi qepatapas kanqachu.

Quechua Ayacucho Bible 1987

¹² chaynaqa qoykim mañakusqaykiman hina. Qoykimá yachaytapas chaynataq allin entiendemientotapas, ñawpaqtaqa manam pipas karqachu qam hina yachayniyoqqa, manataqmi qanmanta qepatapas kanqachu.

Chuya Qellqa 1992

¹² chaynaqa mañakusqaykiman hinam yachaytawan yuyayta qoyki. Ñawpaqtaqa manam pipas qam hina yachayniyuqqa karqachu, nitaqmi qepatapas kanqachu.

1~Reyes 3:12 Iomraidhean Croise

1~Reyes 2:6

Chaynaqa, yachaywanyá ruway, amayá machuyanankamaqa saqeychu, wañuchinkipunim.

1~Reyes 2:9

Chaywanpas qamqa amam pampachankichu; yuyayniyuq runam kanki, tanteasqaykiman hina ruwaspa wañuchiypuni, nispa.

1~Reyes 3:28

Israelpa mirayninkunam reypa allin arreglo ruwasqanta yacharurqaku, chayraykum anchata reyta respetarqaku, chaynapim qawarqaku Tayta Diospa yachay qosqanwan allinta munaychakusqanta.

1~Reyes 5:12

Tayta Diosmi prometesqanman hina yachayta Salomonman qorqa. Salomonpas rey Hiramwanmi contratota ruwaspa hawka kawsakurqaku.

1~Reyes 5:9

Serviqniykunam Líbano montemanta lamar qochakama apanqaku. Chaypim balsakunata hina watachispay lamar qochanta nisqayki sitiokama apachimusaq, chaymantam qamña paskachispayki apachinki. Kay ruwasqaymantam qamñataq aylluykunapaq mikuyta apachimunki, nispa.

1~Crónicas 29:25

Tayta Diosmi Israel runakunapa qayllanpi rey Salomonta llumpayta hatuncharqa, munaychakuynintapas ancha reqsisqatam ruwarqa, payta hinaqa manam mayqan reytapas Israel nacionpiqa hatuncharqachu.

2~Crónicas 2:12

Kay pachatapas hanaq pachatapas unanchaq Israelpa Diosninyá yupaychasqa kachun. Paymi rey Davidman qoykurqa yachaysapa, allin tanteoyuq, allin yuyayniyuq churita, chaynapi Tayta Diospa templontawan yachanan palaciota ruwananpaq.

Nehemías 13:26

Israel nacionpa reynin Salomonpas chaynata ruwaspam huchallikurqa; pay hina Tayta Diospa ancha kuyasqan reyqa manam mayqan nacionpipas karqachu. Paytam Israel nacionpi rey kananpaq Tayta Dios churarqa. Ichaqa paytapas huklaw nacionniyuq warmikunam huchallirachirqa.

Proverbios 2:6

Tayta Diosllam yachay qokuqqa, paypa siminmantam yachayqa hamun.

Eclesiastés 1:13

Hinaspam kay pachapi runakunapa tukuy ima ruwasqanta yachanaypaq tapukachakuspay sumaqta qatiparqani. Chay llasaq ruwaytam runakunaman Dios qoykurqa llamkanankupaq.

Eclesiastés 1:16

Sonqoypim nirqani: “Llumpaytam hatunchakuruni, ñoqamanta ñawpaqta Jerusalenpi munaychakuqkunamantapas aswan yachayniyuqmi rikuriruni. Sonqoypas yachaytawan sinchi yuyayniyuq kaytam hayparun, nispay.

Isaías 65:24

Manaraqpas mañakamuwachkaptinkum paykunataqa contestasaq, manaraqpas rimayta tukuchkaptinkum paykunataqa uyarisaq.

Daniel 1:17

Diosmi qorqa chay tawa jovenkunaman yachaytawan allin yuyayniyuq kayta, chaynapim tukuy richkaq qellqakunata yacharqaku chaynataq ima yachaykunatapas hayparqaku. Danielqa entienderqataqmi llapa revelacionkunapa hinaspa mosqoykunapa imam ninantapas.

Mateo 12:42

Sur lawmanta Sabá reinapas juicio punchawpim kay runakunawan kuska kawsarimuspan paykunata acusanqa. Payqa kay pachapa tukupaynin karu-karu llaqtamantaraqmi rey Salomonpa yachaynin uyariq hamurqa. Kaypiqa Salomonmantapas aswan yachayniyuqmi kachkan.

Lucas 21:15

Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Deuteronomio 34:9

Nunpa churin Josueymi yachayniyuq kananpaq Diosmanta atiyta chaskirqa, chaypaqmi paypa hawanman kawsachkaspallaraq makinta Moisés churaykurqa. Chaymi Israelpa mirayninkuna Josueyta kasukurqaku, hinaspam Moisesman Tayta Diospa kamachisqanman hina ruwarqaku.

Colosenses 2:3

Payllapim pakasqa kachkan qori-qollqe hina tukuy yachayniyuq hinaspa yuyayniyuq kaypas.