1~Reyes 22:8 - CHUYA QELLQA La Biblia en Quechua de Ayacucho 2012

⁸ Chaymi Josafatta Israelpa reynin nirqa: Arí, tapunanchikpaqqa kachkanraqmi Tayta Diospa huk profetan, payqa Imlapa churin Micaiasmi, paytaqa cheqninim, manam haykapipas allintaqa willawanchu aswanqa mana allinllatam, nispa. Josafatñataqmi nirqa: Ama chaynataqa niychu, nispa.

Quechua Ayacucho Bible 1987

⁸ Chaymi Josafat sutiyoq reyta Israel nacionpa reynin nirqa: —Arí, tapunanchikpaqqa kachkanraqmi Tayta Diosmanta willakuq, payqa Imlapa churin Micaiasmi, ichaqa cheqninim paytaqa, manam haykapipas allintaqa willawanchu aswanqa mana allinllatam —nispa. Chaymi Rey Josafatñataq nirqa: —Ama chaynataqa rimaychu —nispa.

Chuya Qellqa 1992

⁸ Chaymi Josafatta Israelpa reynin nirqa: Arí, tapunanchikpaqqa kachkanraqmi Tayta Diospa huk profetan, payqa Imlapa churin Micaiasmi, paytaqa cheqninim, manam haykapipas allintaqa willawanchu aswanqa mana allinllatam, nispa. Josafatñataqmi nirqa: Ama chaynataqa niychu, nispa.

1~Reyes 22:8 Iomraidhean Croise

Juan 17:14

Ñoqam palabraykita willarqani, chaymi runakunañataq cheqninku, paykunaqa manam kay pachapaqchu kanku, ñoqapas manataqmi kay pachapi kaqchu kani.

Juan 7:7

Qamkunataqa runakunapas manam cheqnisunkichikchu, ñoqatam ichaqa cheqniwanku tukuy mana allinkuna ruwasqankuta qawachisqayrayku.

Amós 5:10

Paykunaqa llaqtapa punkunpi “allinta kawsaychik” niqninkutam cheqnirurqaku, cheqap kaqkuna rimaqtam qepancharurqaku.

Gálatas 4:16

Chaynaqa, ¿qamkunaman cheqap nisqaymantachu enemigoykichikpaq hapiwankichik?

Miqueas 2:7

Jacob castakuna, qamkunam kaynata tanteanakunkichik: ¿Tayta Diospa espiritunchu pisiparun? ¿Kaykunachu ruwayninkuna? ¿Manachum Tayta Diosqa allin ruwaq runata yanapaykun? nispaykichik.

Jeremías 38:4

Hinaptinmi reyta llapa kamachikuqkuna nirqaku: Kay runataqa wañurachisun, payqa rimasqankunawanmi kay llaqtapi puchuq soldadokunatawan llapa runakunata hukmanyachichkan. Kay runaqa manam llaqtapa hawkayaynintachu maskachkan aswanqa mana allinnintam, nispa.

Mateo 10:22

Ñoqaraykum llapallan runakuna cheqnisunkichik, ichaqa pipas tukupaykama takyaqmi salvakunqa.

Zacarías 11:8

Hinaspam huk killallapi kimsa michiqkunata qarqorurqani. Paykunaqa llumpaytañam cheqniruwarqaku, ñoqapas paqwaytañam paykunata amirurqani.

Miqueas 2:11

Sichum huk runa llullakuspan kaynata ninqa: “Vinoraykum, aqaraykum qampaq profetizasaq”, nispa, chayna runam qamkunapa profetaykichik kanqa.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Jeremías 18:18

Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacer-dotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Isaías 30:10

Visionta rikuq runakunatam ninku: Amaña chaypi ocupakuychikchu, nispanku. Profetakunatañataqmi ninku: Cheqap kaqkunataqa amaña willawaykuchu, willawaykuqa munasqallaykutaña, willawaykuqa aychayku kusichiqllataña, nispanku.

Isaías 3:11

¡Imaynaraq kanqaku mana allin ruwaqkuna! Mana allin ruwasqankunaman hinam Dios pagapunqa.

Proverbios 15:12

Mana kasukuq runaqa qaqchaykuqnintapas cheqninmi, yachayniyuq runakunawanpas manam hukllawakunchu.

Proverbios 9:8

Mana kasukuq runaqa qaqchaptikipas cheqnirusunkim, yachayniyuq runam ichaqa qaqchaykuptikipas kuyasunki.

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

2~Reyes 9:22

Jehuta rikuruspanmi Joram nirqa: ¿Hawkayaypichu hamuchkanki? nispa. Chaymi Jehuñataq nirqa: ¿Ima hawkayaytataq aparamusqayki, mamayki Jezabelpas tukuy rikchaq idolokunata qatispa brujeriakunata ruwachkaptinqa? nispa.

1~Reyes 22:27

Ñoqa reypa kayna nisqaytam nimunkichik: Kay runata carcelpi wichqamuychik hinaspa mikunanpaqpas tantatawan yakullata qoychik, chaynam kanqa guerrapi vencespay kutimunaykama, nispa.

1~Reyes 22:13

Qayamunanpaq riq runañataqmi Micaiasta nirqa: Llapa profetakunaqa lliwpas allinllatam reyman willachkanku. Chaynaqa, ama hina kaspayá qampas paykuna hina allinllata nimuy, nispa.

1~Reyes 21:20

Chaymi Eliasta rey Acab nirqa: Yaw enemigoy, ¿tariramuwankichu? nispa. Eliasñataqmi nirqa: Arí, tariramuykim, Tayta Diospa qay-llanpim qamqa mana allin ruwayman qokurunki.

1~Reyes 19:14

Eliasñataqmi nirqa: Tukuy Atiyniyuq Dios Taytalláy, son-qoymi qanmanta llumpay llakisqa tarikun, Israelpa mirayninkunam pacto ruwasqaykita saqeruspa altarnikikunatapas tuñirachinku. Profetaykikunatapas espadawan wañurachiptinkum sapa-llayña qeparuni, ichaqa ñoqatapas wañu-chiwanankupaqmi maskawachkanku, nispa.

1~Reyes 19:10

Eliasñataqmi nirqa: Tukuy Atiyniyuq Tayta Dios, sonqoymi qanmanta llumpay llakisqa kachkan, Israelpa mirayninkunam pacto ruwasqaykita saqeruspa altarnikikunatapas tuñirachinku. Profetaykikunatapas espadawan wañurachiptinkum sapallayña qeparuni, ichaqa ñoqatapas wañuchi-wanankupaqmi maskawachkanku, nispa.

1~Reyes 18:4

chaymi Tayta Diospa profetankunata reina Jezabel wañuchiyta qallaykuptin Abdiasñataq pachak profetakunata iskay machaykunapi pakarurqa, sapa machaykunapi pichqa chunkatakama pakaruspanmi mikuyta yakuta qospan kawsachirqa.

Génesis 37:8

Chaymi wawqenkuna nirqaku: ¿Qamqa reyniyku kaspachu ñoqaykupi munaychakunki? nispanku. Hinaspam mosqoyninrayku aswanraq cheqnikurqaku.

1~Reyes 22:7

Rey Josafatmi ichaqa nirqa: ¿Kanmanraqchu Tayta Diospa hukkaq-nin profetan chaynapi payta tapunanchikpaq? nispa.

1~Reyes 22:9

Hinaptinmi Israelpa reyninqa serviqninta qayaykuspan kaynata kamachirqa: Chaylla Imlapa churin Micaiasta pusamuy, nispa.

1~Reyes 22:18

Hinaptinmi Josafatta Israelpa reynin nirqa: ¿Manachu nirqayki “manam imatapas ñoqapa allinniypaqqa profetizanchu aswanqa mana allinllatam”, nispay?

Jeremías 36:23

Rollopi qellqasqa palabrakunata iskay-kimsa rayata Jehudí leeruptinmi reyqa cuchillowan kuchuparurqa, hinaspanmi qonikusqan sansaman wischuykurqa. Chaynata ruwaspanmi tukunankama chay rollota kañarurqa.

Proverbios 29:10

Runamasin wañuchiq runakunaqa allin ruwaq runakunatam wañuchiypi rinku.