1~Reyes 22:3 - CHUYA QELLQA La Biblia en Quechua de Ayacucho 2012

³ Chaymi serviqninkunata Israelpa reynin Acab nirqa: Qamkunaqa yachankichikmi Galaad lawpi Ramot llaqtaqa ñoqanchikpa kasqanta, chayanaqa ¿imatataq ruwach-kanchik Siria nacionpa reyninmanta qechumunanchikpaq? nispa.

Quechua Ayacucho Bible 1987

³ Chaymi yanapaqninkunata Israel nacionpa reynin Acab nirqa: —¿Manachu yachankichik Galaad lawpi Ramot llaqtaqa ñoqanchikpa kasqanta? Ñoqanchikpa kachkaptinpas Aram nacionpa reyninmantam mana kutichikunchikchu —nispa.

Chuya Qellqa 1992

³ Chaymi serviqninkunata Israelpa reynin Acab nirqa: Qamkunaqa yachankichikmi Galaad lawpi Ramot llaqtaqa ñoqanchikpa kasqanta, chayanaqa ¿imatataq ruwachkanchik Siria nacionpa reyninmanta qechumunanchikpaq? nispa.

1~Reyes 22:3 Iomraidhean Croise

2~Samuel 19:10

Reyninchikpaq sapaqchasqanchik Absalonmi guerrapi wañurun, hinaptinqa ¿imanasqataq reyta mana kutichimuspa upallalla kachkanchik? nispanku.

1~Reyes 22:29

Chaynapim Israelpa reynin Acabwan Judapa reynin Josafatqa, Galaad lawpi kaq Ramot llaqtapa contranpi rirqaku.

1~Reyes 4:13

Geberpa churinmi kamachikurqa Ramotpi chaynataq Galaad lawpi tarikuq wakin llaqtakunapipas, chay llaqtakunaqa karqa Manasespa churin Jairpa llaqtankunam. Kamachikurqataqmi Basán allpapi tarikuq Argob lawkunapipas. Chaypim tarikurqa soqta chunka murallasqa llaqtakuna, chay llaqtakunapa punkunkunam broncemanta cerrojoyuqkama karqa.

2~Reyes 8:28

Ocoziasmi Acabpa churin Joramwan hukllawakururqa, Siria nacionpa reynin Hazaelwan Galaad law Ramot llaqtapi peleanankupaq. Siria tropakunam ichaqa Joramta kirirurqaku.

2~Reyes 9:14

Rey Jorampa contranpim Nimsipa willkan Josafatpa churin Jehú hoqarikururqa. Chay punchawkunam Joramqa Israel runakunapiwan Siria nacionpa reynin Hazaelmanta Galaad law Ramot llaqtata defiendespan kachkarqa.

Deuteronomio 4:43

Chay llaqtakunam kaykuna: Chunniq pampapi Beser llaqtam Rubén ayllukunapaq karqa, Galaad lawpi Ramot llaqtam Gad ayllukunapaq karqa, Basán lawpi Golán llaqtañataqmi Manasés ayllukunapaq karqa.

Josué 20:8

Jericó llaqtapa chimpan Jordán mayupa intipa qespimunan lawninpi Rubén ayllupa allpanpi Beser llaqtata, Galaad lawpi Gad ayllupa allpanpi Ramot llaqtata hinaspa Basán lawpi Manasés ayllupa allpanpi Golán llaqtatapas.

Josué 21:38

Gad ayllupa allpanpim qorqaku Galaad lawpi Ramot llaqtata, Ramotqa karqa amparakuna llaqtam. Qorqakutaqmi Mahanaim,

Jueces 16:2

Gaza llaqtayuqkunañataqmi, Sansonpa hamurusqanta yacharuspanku, llaqtapa muyuriqninpi churakuruspanku punkunkunatapas upallalla tukuy tuta wateqarqaku, “achikyaruptinñam wañurachisunchik”, nispanku.

Jueces 18:9

Hinaptinmi paykunañataq nirqaku: Allinmi karamuniku chaynaqa hakuchikyá peleamusunchik. Chay qawamusqayku allpaqa allinsum kasqa, amayá qellakuychikchu, apurawman chay allpata munaychakamusunchik.